۱ قُرِنتُس‌لار 1:6 - مُقادِّس کیتاب

⁶ بو بُلسا مِنینگ سیزه عیسی مسیح باباتدا آیدانلاریمینگ حاقیقاتدیغینی تاصدیقلایار.‏

۱ قُرِنتُس‌لار 1:6 Referans Kwoze

آیانلیق 1:2

یوحنا هِم گُرِن زاتلارینینگ بارینا یَعنی خودایینگ سُزینه و عیسی مسیحینگ شاهاتلیغینا شاهات حُکمونده بِیان اِدیَر.‏

۲ تیموتاوس 1:8

شُنونگ اوچین-ده، عیسی مسیح بارادا شاهاتلیق اِتمَگه اوتانما.‏ اُنونگ خاطیراسینا زیندان اِدیلِنلیگیمدِن-ده اوتانما.‏ تِرسینه، خودایینگ بِریَن گویجی بیلِن خوش خابارینگ اوغروندا گُریَن زَحمِتلِریمه شِریک بُل.‏

۱ تیموتاوس 2:6

عیسی مسیح هِمّه‌لِری آزاد اِتمِک اوچین، اُزونی قربانی اِتدی، و شُنونگ بیلِن اُز میناسیپ واقتیندا شو حاقیقات تاصدیقلاندی.‏

آیانلیق 19:10

مِن پِریشدَه سِجده اِتمِک اوچین، اُنونگ آیاقلارینا ییقیلدیم.‏ اِمّا اُل مانگا شِیله دییدی:‏ ‏«‏یُق، مانگا سِجده اِتمه!‏ مِن هِم سِن و عیسی بارادا شاهاتلیق اِدیَن ایماندارلارینگ یالی خودایینگ بیر خیدماتکَریدیرین.‏ خودایا سِجده اِت!‏ عیسی بارادا شاهاتلیق اِدیَنلِر نبوّتلیق روحونا اِیه بُلیاندیرلار.‏»‏

۲ قُرِنتُس‌لار 12:12

حاقیقی رِسولّیغینگ نیشانلارینی آرانگیزداقام عالاماتلاردا، مُعجِزه‌لِرده و قودراتلاردا اولی جیداملیلیق بیلِن گُرکِزِندیرین.‏

رومیلار 15:19

عالاماتلار، مُعجِزه‌لِر و مُقادِّس روحونگ گویجینینگ اوستو بیلِن عِمِل اِتدی.‏ شِیلِلیکده، مِن اورشلیمدِن ایلیریکوم وِلایاتینا چِنلی آیلانیپ، عیسی مسیح باراداقی خوش خاباری کَمیل یایراتدیم.‏

رِسول‍لار 20:24

اِمّا جانیمی اُزوم اوچین باهالی حاساپلامایارین.‏ مِن دینگه یاریشینگ سُنگونا یِتمِک و تانگریمیز عیسانینگ تابشیران ایشینی کِمالا یِرینه یِتیرمِک ایسلِیَرین.‏ بو ایش خودایینگ مِرحِمِتی باراداقی خوش خابارا شاهاتلیق اِتمِکدیر.‏

آیانلیق 12:17

اُنسُنگ اژدها آیالا قاتی غاضابلاندی.‏ اُل آیالینگ بِیلِکی فِرزِنتلِری، یَعنی خودایینگ حُکوملِرینی بِرجای اِدیپ، عیسی بارادا شاهاتلیق اِدیَنلِر بیلِن جِنگ اِتمَگَه گیتدی.‏

۲ تِسالونیکیلِر 1:10

اُنونگ مُقادِّسلِری بُلسا گِلجِک شُل گونونده و ایمان گِتیرِنلِرینگ هِمّه‌سی اُنی بِییکلِندیرِرلِر.‏ بولارا سیز هِم لاییقسینگیز، سِبَبی سیز اُزونگیزه اِدیلِن شاهاتلیقلارا ایناندینگیز.‏

غَلاطیه‌لِر 3:5

خودای سیزه اُز روحونی بِریپ، آرانگیزدا کَن مُعجِزه‌لِری گُرکِزدی.‏ اُل بولاری شِریغاتی بِرجای اِدِنینگیز اوچین دَل-ده، خوش خاباری اِشیدیپ، اُنگا ایناناندیغینگیز اوچین اِتدی.‏

رِسول‍لار 28:23

شِیلِلیکده، اُلار پولس بیلِن ساتاشماقلیق گونونی بِلِّدیلِر.‏ شُل گون اُنونگ بُلیان یِرینه خاص کَن آدام گِلدی.‏ پولس اِرتیردِن آغشاما چِنلی اُلارا خودایینگ پادیشاهلیغینی دوشوندیریپ، واغیظ اِتدی.‏ موندان باشغا-دا اُلاری ایناندیریپ، موسانینگ تُوراتی بیلِن پیغامبارلار یازغیلاریندان عیسی باراسیندا ایناندیریجی دِلیل‍لِر گِتیردی.‏

رِسول‍لار 23:11

شُل گیجه عیسی پولسه گُرنوپ، اُنگا:‏ ‏«‏خاطیرجِم بُل!‏ سِن مِن حاقدا اورشلیمده نَهیلی شاهاتلیق اِدِن بُلسانگ، رومدا-دا شِیله شاهاتلیق اِتمِلیسینگ»‏ دییدی.‏

رِسول‍لار 22:18

مِن عیسانی گُردوم، اُل مانگا:‏ ‏”‏تیز بُل، دِرِّو اورشلیمدِن گیت، سِبَبی اُلار سِنینگ مِن حاقدَکی شاهاتلیغینگی قابول اِتمِزلِر“‏ دییدی.‏

رِسول‍لار 20:21

مِن یَهودیلِری-ده، یونانیلاری-دا توبا اِدیپ، خودایا دُلانماغا و تانگریمیز عیسی مسیحه ایمان گِتیرمَگه چاغیردیم.‏

رِسول‍لار 18:5

سیلاس بیلِن تیموتاوس مَقدونیه‌دِن گِلِنلِریندِن سُنگ، پولس تامام واقتینی عیسی حاقدَکی خاباری واغیظ اِتمَگه باغیشلادی.‏ اُل یَهودیلِره عیسانینگ مسیحدیگی بارادا شاهاتلیق اِتدی.‏

مَرقُس 16:20

اُنسُنگ شَگیرتلِر گیدیپ، خوش خاباری هِمّه یِرده واغیظ اِتدیلِر.‏ خودای اُلار بیلِن ایشلَپ، یِرینه یِتیَن عالاماتلار بیلِن اُز سُزونی تاصدیقلایاردی.‏]‏

آیانلیق 12:11

اُلار قوزینینگ قانینینگ اوستو بیلِن و اُز شاهاتلیقلارینینگ اوستو بیلِن شِیطانی یِنگدیلِر.‏ حتّیٰ اُلوم قُرقوسی اوستلِرینه قُرقی سالسا-دا، جانلارینی قایغیرمادیلار.‏

آیانلیق 6:9

قوزی بَشینجی مُهوری دُوِنده، قربانلیق جایینینگ آشاغیندا خودایینگ سُزونینگ اوغروندا و اِدِن شاهاتلیقلاری اوچین اُلدوریلِنلِرینگ روحلارینی گُردوم.‏

آیانلیق 1:9

عیسی مسیحینگ شَگیردی حُکمونده عاذاپلارا، خودایینگ پادیشاهلیغینا و جیداملیلیغا شِریکینگیز بُلان مِن یوحنا دُغانینگیز پاتموس دییِن جِزیره‌دِدیم.‏ مِن خودایینگ سُزینی واغیظ اِدیپ و عیسی مسیح حاقدا شاهاتلیق اِدِنیم سِبَپلی بو جِزیره تَبعید اِدیلیپدیم.‏

رِسول‍لار 11:21

اُلاردا خودایینگ قودراتی باردی، شُنونگ اوچین کَن آداملار ایمان گِتیریپ، خودایی طارافا گیتدیلِر.‏

رِسول‍لار 11:17

شِیلِلیکده، تانگریمیز عیسی مسیحه ایمان گِتیرِنیمیزده، خودای بیزه بِرِن ناغماتینی اُلارا هِم بِرِن بُلسا، خودایا قارشی دورار یالی، مِن کیم بُلوپدیرین؟»‏