۱ قُرِنتُس‌لار 1:5 - مُقادِّس کیتاب

⁵ چونکی سیز عیسی مسیحینگ اوستو بیلِن هِمّه زادا، دیلِوارلیغا-دا و بیلیم خازیناسینا-دا اِیه بُلدونگیز.‏

۱ قُرِنتُس‌لار 1:5 Referans Kwoze

۲ قُرِنتُس‌لار 9:11

سیز هِر زاتدا ساخی بُلوپ بیلِرینگیز یالی، هِمّه زادا بای بُلارسینگیز.‏ بیز سیزینگ ساخاواتلی کُمِگینگیزی اِلتیپ بِرِنیمیزده، اورشلیمدَکی ایماندارلار خودایا شوکور اِدِرلِر.‏

۲ قُرِنتُس‌لار 8:7

سیزینگ ایمانینگیز گویچلی، سیز نَدیپ واغیظ اِتمِلیدیگینی بیلیَرسینگیز.‏ سیزینگ دوشونجَنگیز، ایخلاصینگیز و بیزدِن اُورِنِن سُیگینگیز دُلوپ-آقیار.‏ حاقیقاتی، سیز هِمّه زادی شِیله قاوی باشاریارسینگیز.‏ شُنونگ اوچین-ده، ساخیلیقدا-دا شِیله بُلماغینگیزی ایسلِیَریس.‏

کولُسیلِر 2:3

چونکی حِکمِتینگ هِم عیلیمینگ هِمّه خازیناسی مسیحده گوزگِنِندیر.‏

فیلیپیلِر 1:9

مِن سُیگینگیزینگ بیلیمده و گویچلی فَهیملیک دِرِجه دُلوپ-آقماغینی دیلِیَرین.‏

رومیلار 15:14

اِی عزیزلِریم، مِن سیزینگ یاخشیلیقدان دُلودیغینگیزا، هِمّه زادی بیلیَندیگینگیزه و بیری-بیرینگیزه ناصیحات بِرمِگی باشاریاندیغینگیزا قاتی اینانیارین.‏

یعقوب 3:13

آرانگیزدا دوشونجِلی و حِکیم آدام بارمی؟ اِگِر بار بُلسا، قُی، اُل مونی دُغری یاشاییشی و حِکمِتدِن گِلیَن یومشاقلیغی بیلِن بیتیرِن یاخشی عِمِل‍لِرینده گُرکِزسین.‏

کولُسیلِر 3:10

ایندی یارادانینگ صوراتینا مِنگزِمِکده و اُنی کَمیل تانیماقدا تَزه یارادیلیشا گِیینینگ.‏

اِفِسُسلار 6:19

هِر گِزِک کِپلَنیمده، گِرِکلی سُزلِر بِریلسین دییّپ، مِنینگ اوچین هِم خودایا دُغا اِدینگ.‏ شُندا مِن خوش خابارینگ سیرینی قُرقمان اِعلان اِدِرین.‏

اِفِسُسلار 1:17

مِن خودایا، تانگریمیز عیسی مسیحینگ بِییک آتاسینا، سیزینگ اوچین دُغا اِدیَرین.‏ قُی، اُل سیزه اُنی خاص قاوی تانیپ بیلمِگینگیز اوچین، سیزه مُقادِّس روحونگ حِکمِتینی هِم آیانلیغینی بِرسین.‏

۱ قُرِنتُس‌لار 12:8

مُقادِّس روح کیمدیر بیرینه حِکمِت بیلِن، یِنه بیرینه عیلیم بیلِن اُورِتمِک ناغماتینی بِریَر.‏

۲ پِطرُس 3:18

تانگریمیز و نِجات بِریَنچیمیز عیسی مسیحینگ مِرحِمِتینده و تانیماغیندا اُسونگ.‏ حَضیردِن تا اِبِدییَه چِنلی اُنگا بِییکلیک بُلسون!‏ اَمین.‏

اِفِسُسلار 3:8

مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی.‏

اِفِسُسلار 2:7

اُل مونی عیسی مسیحینگ اوستو بیلِن بیزه اِدِن مِرحِمِتینینگ و یاخشیلیغینینگ اِندازاسیز بایلیغینی گِلجِک زاماندا گُرکِزمِک اوچین اِتدی.‏

۱ قُرِنتُس‌لار 13:2

اِگِر نبوّتلیق ناغماتیم بُلوپ-دا، هِمّه سیرلاری و عیلیملاری بیلیپ-ده، داغلاری سویشورمَگَه گویچلی ایمانیم بُلوپ-دا، سُیگیم بُلماسا، مِن هیچدیرین.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

۱ قُرِنتُس‌لار 14:26

اِی عزیزلِر، موندان نَهیلی نِتیجه آلساق بُلار؟ سیز بیر یِره اویشِنینگیزده، هِر بیرینگیزده آیدیم، تَعلیم سُزی، آیانلیق، بِلّی دَل دیل‍لِرده گورلِمِک یا-دا اُنی مَعنیلِندیرمِک باردیر.‏ دِگمه، بولارینگ باری کِلیسانی قوواتلاماق اوچین بُلسون.‏

۱ قُرِنتُس‌لار 13:8

نبوّتلیقلار تاماملانار، دیل‍لِر ییتِر و بیلیم قوتارار، اِمّا سُیگی بُلسا آصلا توکِنمِز.‏

۱ قُرِنتُس‌لار 12:10

اُل باشغا بیرینه مُعجِزه‌لِر گُرکِزمه، باشغاسینا نبوّتلیق و یِنه بیرینه روحلاری سایغارما، باشغا بیرینه بِلّی دَل دیل‍لِر، یِنه بیرینه بو دیل‍لِری مَعنیلِندِرمه ناغماتینی بِریَر.‏

۱ قُرِنتُس‌لار 8:11

شونلوقدا بو وِجدانی ناتووان ایماندار سِنینگ عیلیمینگ اوستو بیلِن هِلَک بُلدی.‏ عیسی مسیح بُلسا اُنونگ اوغروندا اُلدی.‏

رومیلار 15:4

مُقادِّس یازغیلاردا یازیلانلارینگ باری بیزه تَعلیم بِرمِک اوچین یازیلاندیر.‏ بیز مُقادِّس یازغیلارینگ اوستو بیلِن صابیر-طاقاتلی بُلماغی اُورِنیَریس، اُلارینگ بِریَن تِسِلّیسینینگ اوستو بیلِن اومیدلیدیریس.‏

رومیلار 11:12

هاووا، یَهودیلِرینگ بو موطیع‌سیزلیغی هِمّه دونیَه‌نینگ نِجات بِریلمِگینه سِبَپ بُلدی.‏ اُلارینگ بو موطیع‌سیزلیغی باشغا میلِّتلِر اوچین پِیدالی بُلدی.‏ اِگِر اُلارینگ موطیع‌سیزلیغی شِیله آزادلیق گِتیرِن بُلسا، اُندا اسرائیل خودایا دُلاناندا، بو آزادلیقا گُر باق نَهیلی بُلار!‏

رِسول‍لار 2:4

اُلارینگ هِمّه‌سی مُقادِّس روحدان دُلدولار و مُقادِّس روحونگ بِرِن قودراتینا گُرَه، باشغا دیل‍لِرده کِپلَپ باشلادیلار.‏

۲ قُرِنتُس‌لار 6:10

غامگین، اِمّا اِلمیداما شاتدیریس.‏ قاریپ بُلساق-دا، اِمّا کَن آداملاری باییدیاندیریس.‏ هیچ زادیمیز بُلماسا-دا، اِمّا هِمّه زادا اِیه‌دیریس.‏