18 هِلَکچیلیک یُلوندان باریان آداملار اوچین صلیب باراداقی خابار آحماقلیقدیر. اِمّا بیز، یَعنی نِجات یُلوندان باریانلار اوچین بو خابار خودایینگ قودراتیدیر.
مُقادِّس روحونگ ایزینا دوشمِیَن اینسان خودایینگ روحوندان بُلان زاتلارا دوشونمِیَر. اُل بولاری آحماقلیق حاساپلایار. چونکی مُقادِّس روحونگ فیکرلِرینه دینگه اُنونگ ایزینا دوشیَنلِر سایغاریاندیرلار.
مِن خوش خاباردان اوتانمایارین، سِبَبی اُل خودایینگ گویجودیر. خودای بو خوش خابارینگ اوستو بیلِن هِر بیر ایمان گِتیرِنی: اَوَّل یَهودیلِری، سُنگرا یَهودی دَللِری نِجات بِریَر.
اُل هِر هیلی یامانلیقلار بیلِن هِلَکچیلیک یُلونا دوشِنلِری آلداوا سالار. چونکی اُلار حاقیقاتی سُیمِگی و شُنونگ اوستو بیلِن نِجات تاپماغی رِد اِتدیلِر.
اِگِر بیزینگ واغیظ اِدیَن خوش خاباریمیز اُرتگولی بُلسا، اُل هِلَکچیلیک یُلوندان باریانلار اوچین اُرتگولیدیر.
خودای دونیَه اُز حِکمِتینه دایانیپ، خودایی تانیپ بیلمِز دییِن قارار اِتدی. شُنگا گُرَه-ده، آحماق حاساپلانیان خاباریمیزینگ اوستو بیلِن خودای ایمان گِتیریَنلِری نِجات بِرمِگی یورِگینه دوودی.
چونکی بو دونیَهنینگ حِکمِتی خودایینگ ناظاریندا آحماقلیقدیر. مُقادِّس یازغیلاردا: «خودای حِکمِتلی بیلِنی اُز حیلهسینده توتیار» دییّپ یازیلاندیر.
مِن سیزینگ آرانگیزداقام، عیسی مسیحدِن و اُنونگ صلیبه چویلِنمِگیندِن باشغا هِمّه زادی اونوتماغی یورِگیمه دوووپدیم.
سِراِدینگ، اِی ماسغارا اِدیَنچیلِر، حایرانا قالیپ، هِلَک بُلونگ! سیزینگ زامانینگیزدا مِن شِیله بیر ایش اِدِرین، اُنی سیزه بیری بِیان اِتسه آصلا اینانمارسینگیز.»
خودایینگ سُزی دیری هِم تاثیرلیدیر، هِر بیر ایکی یوزلی قیلیچدان هِم کِسگیردیر. اُل جان بیلِن روحی، بُغونلار بیلِن ییلیگی ایکَه بُلیَندیر. قالبینگداقی هِمّه فیکرلِری و نییِتلِری آیان اِدیَندیر.
چونکی بیزینگ جِنگ یاراغلاریمیز اینسان یاراغلاری دَل-ده، خودایینگ گویچلی یاراغلاریدیر. بیز اُلار بیلِن قلعهلِری ییقیپ، هِر یالان فیکری پوچا چیقاریاریس.
سیزه واغیظ اِدِن خوش خاباریمی اِگِر قاییم توتسانگیز، اُنونگ اوستو بیلِن نِجات تاپارسینگیز. اِمّا توتماسانگیز، بیدِرِک یِره ایمان گِتیردیگینگیز بُلار.
اُلار پولسینگ اُلومدِن دیرِلیش باراداقی کِپینی اِشیدِنلِرینده، کَبیرلِری اُنی ماسغارا اِتدی، کَبیرلِری بُلسا: «بو حاقدا سِنی یِنه دینگلَریس» دییدیلِر.
بیرنَچه اِپیکورین و رَواقین فیلسوفلار هِم پولس بیلِن جِدِلِّشدیلِر. کَبیرلِری: «بو بُش سُزلی آدام نَمه دییجِک بُلیار؟» کَبیرلِری: «اُل بیگانه خودایلار بارادا واغیظ اِدیَر» دییَّردی. پولس عیسانینگ خوش خابارینی و دیرِلیشینی واغیظ اِدیَندیگی اوچین، اُلار شِیله دییَّردیلِر.
خودایا شوکور اِدیپ، تامام ایل ایچینده عزیز گُرونیَردیلِر. خودای هِم نِجات تاپیانلارینگ سانینی هِر گون کَنِلدیَردی.
بیز مسیحه بُلان ایمانیمیزینگ خاطیراسینا آحماقدیریس، اِمّا سیز بُلسا مسیحده حِکمِتلیسینگیز! بیز اِجیز، اِمّا سیز بُلسا گویچلیسینگیز! سیز حُرماتلی، اِمّا بیز بُلسا بیحُرماتدیریس!
گِلینگ، گُزومیزی ایمانیمیزینگ چِشمهسی و کَمیلِّشدیرییَنچیسی، یَعنی عیسی تیکِیلینگ. اُل گِلجِکدَکی شاتلیغا قاووشماق اوچین، ماسغاراچیلیغی هیچ حاساپلاپ، صلیبدَکی اُلومه جیدادی و خودایینگ تاختینینگ ساغیندا اُتوردی.