Lucas 2:48 - Cõãmacʉ̃ mecʉ̃ã wedesei

⁴⁸ Cʉ̃ʉ̃rẽ ĩñarã, cʉ̃ʉ̃ pacʉsʉ̃mʉã ĩñamanijõãyira. Cʉ̃ʉ̃ paco cʉ̃ʉ̃rẽ jĩĩyigo: —Macʉ̃, ¿deero tiigʉ́ teero tiiárĩ mʉʉ ʉ̃sãrẽ? Mʉʉ pacʉ, yʉʉ bayiró wãcũrémena mʉʉrẽ ãmaãwʉ̃, jĩĩyigo.

Lucas 2:48 Referans Kwoze

Lucas 2:49

Jesús cʉ̃́ãrẽ jĩĩyigʉ: —¿Deero tiirá yʉʉre ãmaãrĩ? “Yʉʉ Pacʉya wiipʉ, cʉ̃ʉ̃yere tiiró booa” jĩĩrére ¿mʉ́ã masĩriarĩ?

Mateo 12:46

Jesús basocáre wederitabe, cʉ̃ʉ̃ paco, cʉ̃ʉ̃ baira sopepʉ́ jeanʉcãrira niiwã. “Jesuména wedesedʉgaga”, jĩĩrira niiwã.

Lucas 4:22

Niipetira cʉ̃ʉ̃rẽ ãñurõ wedeseyira. Cʉ̃ʉ̃ ãñuré wederére tʉorá, tʉomaníjõãyira. Cãmerĩ́ jĩĩyira: —¡Acuéi! Ãni José macʉ̃ niiĩ, ¿teerora?

Lucas 3:23

Jesús basocáre buenʉcãgʉ̃, treinta cʉ̃marĩ cʉoyígʉ. Basocá cʉ̃ʉ̃rẽ “José macʉ̃ niiĩ” jĩĩ wãcũmiyira. José Elí macʉ̃ niiyigʉ.

Juan 1:45

Felipe Natanaelre bʉajeá, jĩĩyigʉ: —Moisés jóaripũpʉ jĩĩrigʉre bʉajeáawʉ̃. Profetacã cʉ̃ʉ̃ye maquẽrẽna jóarira niiwã. Jesús Nazaret macʉ̃, José macʉ̃ cʉ̃́ã jĩĩnogʉ̃ niiĩ, jĩĩyigʉ.