Juan 8:53 - Cõãmacʉ̃ mecʉ̃ã wedesei

⁵³ Mʉʉ ʉ̃sã ñecʉ̃ Abraham nemorṍ niiria. Cʉ̃ʉ̃ diajõãyigʉ. Profetacã diajõãyira. Mʉʉpeja ¿ñiirũno niiĩ teero jĩĩ wedesegʉ? jĩĩwã.

Juan 8:53 Referans Kwoze

Juan 4:12

Marĩ ñecʉ̃ Jacob aticopé maquẽrẽ sĩniyígʉ. Cʉ̃ʉ̃ põna, cʉ̃ʉ̃yara ecarácã sĩniyíra. Cʉ̃ʉ̃ marĩrẽ aticoperé cṹũyigʉ. ¿Mʉʉpeja cʉ̃ʉ̃ nemorṍ niiĩ? jĩĩyigo.

Romanos 9:5

cʉ̃́ã Abraham, Isaac, Jacob pãrãmerã niinʉnʉserapʉ niiĩya; Cristocã basocʉ́ bauájĩgʉ̃, cʉ̃́ãya põna macʉ̃rã niirigʉ niiwĩ sũcã. Cʉ̃ʉ̃ Cõãmacʉ̃rã niiqui. Niipetirere dutimasĩgʉ̃ niiqui. Teero tiirá, “mʉʉ ãñugʉ̃́ niiã” jĩĩ, ʉsenire ticorucujãrõ booa. Teerora jĩĩrõ booa.

Juan 19:7

Judíoare dutirápeja cʉ̃ʉ̃rẽ jĩĩwã: —“Yʉʉ Cõãmacʉ̃ macʉ̃ niiã”, jĩĩwĩ cʉ̃ʉ̃jã. Ʉ̃sãrẽ dutiré teero wedesegʉnorẽ sĩãdutía, jĩĩwã.

Juan 12:34

Basocá cʉ̃ʉ̃rẽ jĩĩwã: —Cõãmacʉ̃ye queti jóaripũpʉ cʉ̃́ã bueẽñorĩ, biiro tʉonówʉ̃: “Cõãmacʉ̃ beserigʉ Cristo catirucujãgʉ̃daqui”. Tee diamacʉ̃́ niirĩ, ¿deero tiigʉ́dʉ mʉʉpe “niipetira sõwʉ̃rẽ néemʉõnʉcõrõ booa” jĩĩĩ? Niipetira sõwʉ̃ ¿niipé niiĩ? jĩĩ sãĩñáwã.

Juan 10:33

Cʉ̃́ãpe yʉʉwa: —Mʉʉ ãñurõ tiiré wapa déesĩãricu. Mʉʉ basocʉ́ra niipacʉ, “yʉʉ Cõãmacʉ̃ niiã” jĩĩré wapa mʉʉrẽ sĩãã́da. Mʉʉ Cõãmacʉ̃rẽ ñañarõ wedesegʉ tiia, jĩĩwã.

Juan 8:58

Jesupé yʉʉwi: —Yʉʉ ateréja diamacʉ̃́rã jĩĩã: Abraham bauáadari sʉgueropʉ, “yʉʉrá niiã”, jĩĩwĩ.

Juan 5:18

Cʉ̃ʉ̃ teero jĩĩrĩ tʉorá, nemorṍrã cʉ̃ʉ̃rẽ sĩãdʉgáyira. Cʉ̃́ã tʉgueñarĩ, cʉ̃ʉ̃ judíoa yeerisãri bʉreco tiidutírere peotígʉ tiirígʉ niiwĩ. Teero biiri cʉ̃ʉ̃ Cõãmacʉ̃rẽ “yʉʉ Pacʉ niiĩ” jĩĩrémena nemorṍ cúayira. Teero jĩĩgʉ̃, “yʉʉ Cõãmacʉ̃mena sĩcãrĩbíro niiã” jĩĩdʉgagʉ tiiwí.

Mateo 12:6

Ãñurõ tʉoyá: Ãnorẽ́ yʉʉ Cõãmacʉ̃wii nemorṍ ʉpʉtí macʉ̃ niinetõnʉcãã.

Mateo 3:9

“Ʉ̃sã Abraham pãrãmerã niinʉnʉsera niijĩrã, Cõãmacʉ̃ ĩñacorore ãñurã́ niiã”, jĩĩ wãcũrijãña. Mʉ́ã wãcũrére wasohéri, Abraham pãrãmerã niiré wapamaníã. Cõãmacʉ̃ boogʉ́, ate ʉ̃tãperimenarã Abraham pãrãmerãrã cotowéomasĩqui.