Yoan 9:17 - Mutu (Oov)

¹⁷ Tovenen tighason ŋgeu to Yesu igharaat mata ne muul tighaze: “Laak, yom to ye igharaat matam, ugham ŋgar pani vena?” Ye ipamuul aliŋadi ighaze: “Ye avaat propet eez to Maaron.”

Maaron Saveeŋ Tooni Patabuyaaŋ Tuam

¹⁷ Tauvene tighason ŋeer tau Yesu igharaat maata na muul tighe: “Laak, yo tau i igharaat matam na, ugham ŋgar pani mindai?” I iyol aliŋazi ighe: “I aat propet ee to Maaron.”

Yoan 9:17 Referans Kwoze

Yoan 6:14

Ival tiina tighita mbeb gharatooŋa to Yesu ighami inim ghilalooŋ padi, le tisaav tighaze: “Onoon kat, propet tiina to tisavia tighaze Maaron pale imbaaŋa izi inim taan, tau tonene!” Lo 18:15-22; Yo 1:21

Yoan 4:19

Liva tonenen ilooŋ saveeŋ tonene, ve ŋgar toni pakia. Tovenen isaav pa Yesu ighaze: “Olman, ghara naghilaal ghom. Yom avaat propet eez to Maaron. Lu 7:16; Yo 6:14

Uraat To Yes Mbaŋooŋa 2:22

“Tovenen yam nditamoot to Israel, aghur taliŋamim pooi pa saveeŋ tiou tonene. Yam awatag: Yesu to Nasaret igham uraat ariaŋadi ve mbeb gharatooŋadi tintina ila lolomim tinim ghilalooŋ payam, leso aghur ila aghaze Maaron ineep tomani pa uraat toni. Uraat naol to Maaron igham di tivot ila Yesu nima, nene ataam to Maaron ipaghazoŋani ighaze ye imbaaŋa to inim. Yo 5:36

Lukas 24:19

Tovenen ye ighason di muul ighaze: “Sa mbeb?” Yesuru tipamuul aliŋa tighaze: “Yei nisavsaav pa ŋgar to tigham pa Yesu to Nasaret. Ival tiina tighita tighaze ye propet tiina eez ila Maaron mata. Pasa, saveeŋ toni ve uraat toni, toman tapiri. Mt 21:11; Yo 6:14; Mbaŋ 2:22

Matayu 21:11

Ve ival tiina to tilaagh toman Yesu, tipamuul aliŋadi tighaze: “Nene Yesu, propet to ndug Nasaret to ineep izi Galilaia.”

Yoan 9:15

Tovenen ndiran tutuuŋa tonowen anadi tighason ŋgeu tonenen tighaze: “Sa ivot payom, to matam poia ne?” Ye isaav padi ighaze: “Ŋgeu to iza Yesu, ye itoor taan toman ŋazuba, ve ikumi ila matag, ghoro nala nameni. Tauto aazne, matag poia ve naghita ndug.”