Yoan 8:36 - Mutu (Oov)

³⁶ Tovenen ighaze Maaron Natu ipas gham avot pa samia tapiri, ye pale ipas gham kat. Leso samia iŋgin gham muul sob. Hib 2:14+; 1Yo 3:6,9

Maaron Saveeŋ Tooni Patabuyaaŋ Tuam

³⁶ Tauvene isaav ighe Maaron Naatu ipas gham avot pa saghati tapiri, i aat ipas gham kat. Leso saghati iŋgin gham muul sov. Hib 2:14+; 1Yo 3:6,9

Yoan 8:36 Referans Kwoze

2 Korin 3:17

Tiina to nasavia ne, nene Maaron Avuvu. Ighaze ye inepneep toman ghiit, ye pale ipas ghiit tavot pa samia tapiri. Leso tanim mbesooŋa sorok muul sob. Yo 8:32,36; Ro 8:2,15; Ga 4:6+, 5:1

Galesia 5:1

Tovenen iit tanim mbesooŋa pa tutuuŋ muul maau. Pasa, Krisi ipas ghiit pa ataam to taghoniiŋ tutuuŋ wa. Tovenen ayoon ariaŋa. Apul tamtoghon tigham gham anim mbesooŋa muul malep. Yo 8:36; Ro 7:6, 8:2+

Lukas 4:18

“Maaron Avuvu ineep toman ghou. Pasa, ye ighur ghou pa navotia varu poia pa yes mbolaaŋa. Ve imbaaŋ ghou nanim pa nasaav pa yes to tineep ila koiadi nimadi tovene: ‘Avot ala! Yam aneep ila koiamimŋa nimadi muul maau.’ Ve yes to matadi pisi, Maaron ighaze you nasaav padi tovene: ‘Matamim pakia ve aghita ndug.’ Ve yes to koiadi titatan di, ve tighurghur pataŋani padi, Maaron imbaaŋ ghou nanim pa nagham mulin di. Ve ye ighaze navotia saveeŋ pa tamtoghon tovene: Sawa to Ŋgeu Tiina ipatooŋ poia toni ivot ighazooŋ, tauto ivot wa.” Is 61:1+; Yo 3:34; 2Kor 6:2

1 Korin 7:22

Pasa, ighaze tamtoghon eta inim mbesooŋa sorok, ve Tiina toit ipoii, nene tamtoghon tonenen inim mbesooŋa muul maau. Onoon, uraat to mbesooŋa, ye pale ighami. Eemoghon Krisi ipasi pa samia tapiri to muuŋ ikisi, ve ye inim Krisi le wa. Ve tamtoghon to ighaze ye mbesooŋa maau ve iŋgin tau, ve Krisi ipoii inim le, ye mbesooŋa to Krisi. Yo 8:36; Ga 3:28; Kol 3:24; 1Pe 2:16