Yoan 6:49 - Mutu (Oov)

⁴⁹ Onoon muuŋ nditimbumim tighanghan aniiŋ manna izi ndug balim. Eemoghon tisob timatmaat.

Maaron Saveeŋ Tooni Patabuyaaŋ Tuam

⁴⁹ Onoon, muuŋ timbumimŋa tighanghan aniiŋ manna izi nugh ŋginaaŋa. Eemon yes tisov timataar.

Yoan 6:49 Referans Kwoze

Rau Tau Jud Iboode Jut--Jude 1:5

Yam awatag: Muuŋ, Ŋgeu Tiina igham mulin ival tiina to Israel ve tipul Isip. Eemoghon muri, tamtoghon todi pida tighur ila toni maau, ve tizoor aliŋa. Tauto ye irab di tilaledi. Saveeŋ tonene, paghu payam maau. Yam asob awatagi. Ve aazne napit saveeŋa muul, leso matamim kisini. Nam 14:29+; 1Kor 10:5; Hib 3:17+

Yoan 6:58

Aniiŋ to ineep sambam ve izi, ve you nasasavia payam ne, nene aniiŋ mata ite pa aniiŋ manna to muuŋ nditimbumim tighani izi ndug balim. Pasa, yes to tighan manna tonowen, tisob timatmaat. Eemoghon tamtoghon to ighaze ighan aniiŋ to you nasavia, nene pale ineep mata iyaryaar le alok.”

Saveeŋ Yoŋgaaŋ 2:17

‘Tamtoghon to ighaze le taliŋa, ye irau ilooŋ saveeŋ to Maaron Avuvu isavia pa lupuuŋ to Krisi. Ighaze tamtoghon eta iyoon ariaŋa ve ilib pa tovaaŋ, you pale nagham a aniiŋ manna to ineep iyooŋ izi ndug sambam. Ve nagham le yaam pisosooŋa eez to timbood iza paghu ila. Iza tonowen, eta iwatagi maau. Tamtoghon to igham yaam pisosooŋa tonowen, ye moghon to pale iwatagi.’ Igham 16:14+; Is 62:2; Yo 6:48+; Syg 3:12, 22:4