Yoan 5:21 - Mutu (Oov)

²¹ Tama Maaron, ye ipamundigin yes mateeŋa ve timundig matadi iyaryaar muul. Natu tovene paam. Ighaze lolo pa tamtoghon eta, ye pale ighami ineep poia. Yo 11:25; Ro 4:17; 1Kor 15:45; Ep 2:5

Maaron Saveeŋ Tooni Patabuyaaŋ Tuam

²¹ Taama Maaron, i ipaburigin yes mateegha ve tileep matazi yaryaare. Naatu tauvene paam. Isaav ighe loolo pa tamtamon eta, i aat ighamu ileep poia. Yo 11:25; Ro 4:17; 1Kor 15:45; Ep 2:5

Yoan 5:21 Referans Kwoze

Rau Tau Paulus Iboode Pa Yes Roma Rom--Romans 8:11

Ve ighaze Maaron toit to ipamundigin Yesu Krisi pa mateeŋ ne Avuvu ineep ila lolomim, ye pale ipamundigin gham paam pa mateeŋ ila Avuvu tonowen tapiri, ve aneep matamim iyaryaar toman anoŋamim paghu. Ro 6:5; 1Kor 6:14; 2Kor 4:14

Yoan 11:25

Yesu isaav pani muul ighaze: “Ulooŋ. You taug to nanim pughu pa mundigiiŋ to yes mateeŋa ve nepooŋ to tamtoghon tineep matadi iyaryaar. Ighaze tamtoghon eta ighur inim tiou ve imaat, nene mateeŋ irau ikisi maau. Ye pale imundig muul, ve ineep mata iyaryaar le alok. Yo 1:4+; 1Kor 15:51+; 1Tes 4:16+

Uraat To Yes Mbaŋooŋa 26:8

Pughu vena to yam pida aghita aghaze Maaron irau ipamundigin yes mateeŋa maau?

Yoan 17:2

Yom ughur tamtoghon tisob tineep ila Natum samba wa. Leso yes to yom ughur di tinim ye le, tisob tigham nepooŋ poia ila toni itaghoni taghoni gha ila. Dan 7:14; Mt 28:18; Yo 6:39

Yoan 6:63

Maaron Avuvu moghon irau igham nepooŋ poia to anunuud ivot. Mbeb eta to tamtoghon to taan tighami ila taudi tapiridi ve ŋgar todi, irau iuul di pa tigham nepooŋ tonenen maau. Saveeŋ to you nasavia payam, tauto inim ataam pa agham Maaron Avuvu toman nepooŋ poia. 2Kor 3:6; 1Pe 1:23

1 Korin 15:45

Maaron aliŋa to timbooda, isaav ighaze: “Adam, ŋgeu to Maaron ighuri muuŋ, imundig inim tamtoghon, ve mata iyaryaar.” Mbnp 2:7 Ve Adam ite to ivot muri, ye avuvu to igham ghiit taneep mataad iyaryaar le alok. Yo 5:21,24; Ro 5:15+