Yoan 21:3 - Mutu (Oov)

³ Simon Petrus imundig, ve isaav pa ndita tonowen ighaze: “You naghaze navot nala napiyaav malum.” Ndita tonowen tisaav pani tighaze: “Yei paam, itiŋa tavot tala.” Tovenen yes tisob tila tiza waaŋ, ve tivot tila. Mboŋ tonenen, tiwaswaas le ndugizau. Eemoghon tigham iigh eta maau. Lu 5:4+

Maaron Saveeŋ Tooni Patabuyaaŋ Tuam

³ Simon Petrus iburig, ve isaav pa zeetŋa tawe ighe: “Yau naghe navot nala nasik puugh.” Zeetŋa tana tisaav pani tighe: “Yei paam, itiŋa tavot tala.” Tauvene yes tisov tila tizaa waaŋ, ve tivot tila. Mboŋ tana, tiwaswaas le nughizau. Eemon tigham iigh eta mako. Lu 5:4+

Yoan 21:3 Referans Kwoze

Lukas 5:5

Simon ipamuul aliŋa ighaze: “Wai tiina, yei nikaria uraat mboŋ mboŋ le ndugizau, ve nigham iigh eta maau. Eemoghon yom usaav, tauto pale naraar malum izi muul.” Yo 21:3+

1 Tesalonika 2:9

Yam toŋvetaz, yam avaat matamim iŋgal. Sawa to itiŋa tanepneep ve nivotia varu poia payam, mboŋ ve ndag, nirab taumai pa uraat. Leso nigham yaam ris pa iuul ghei pa nepooŋ tiei. Pasa, lolomai pa nigham pataŋani payam maau. Mbaŋ 18:3+, 20:34; 1Kor 4:12; 2Tes 3:8

1 Korin 3:7

Ŋgeu to ivazog aniiŋ, ve ŋgeu to igham ya ve itutur aniiŋ, yesuru ledi izadi maau. Maaron moghon to ye le iza. Pasa, ye to igham aniiŋ itub ve anoŋa ivot.

1 Korin 9:6

Ma vena, yam aghaze yeru Banabas moghon nigham uraat pa nimamai, leso niuul taumai pa nepooŋ tiei, ve yes pida maau?

Uraat To Yes Mbaŋooŋa 20:34

Ve taumim awatag: Taug nimag iyaryaaŋ pa uraat. Tauto nauul taug, ve nditag to tineep toman ghou ne paam. Mbaŋ 18:3; 1Kor 4:12; 2Kor 12:14+; 1Tes 2:9

Uraat To Yes Mbaŋooŋa 18:3

Paulus ila ineep toman di, ve yesŋa tilup di pa uraat. Pasa, uraat to yesuru tighamghami, nene uraat toni paam. Yes tighagharaat ŋgai uli ve tisaii, leso tamtoghon tidaada inim mbeez (o haus sel). Mbaŋ 20:34; 1Kor 4:12

Yoan 21:4

Mboŋmaagh, ndoromaaŋa, ve matadi ilooŋ ila, le tighita Yesu iyondyood izi naari. Eemoghon tighilaala maau.