Yoan 20:27 - Mutu (Oov)

²⁷ Ghoro isaav pa Tomas ighaze: “Unum ugharau, ve ughita nimag, uzeev nimam u itaghon kiruuŋ ina tonene, ve uzeev nimam ilooŋ ila iiz ina to ineep ila wariag ne. Yom lolom ru iraua! Ughur ila!”

Maaron Saveeŋ Tooni Patabuyaaŋ Tuam

²⁷ Ra isaav pa Tomas ighe: “Ulam ugharau, ve ughita nimag, uzeev nimam ŋguruuŋa itaghon kiruuŋ niia, ve uzeev nimam iloŋ ila iiz niia tau igheen raŋraŋog saamba ne. Yo lolom ruru irao! Ughur ila!”

Yoan 20:27 Referans Kwoze

Yoan 20:25

Tovenen muri, ghoro tipaes pani tighaze: “Yei nighita Tiina toit wa!” Eemoghon Tomas ipamuul aliŋadi ighaze: “Ah, ighaze taug matag naghita kiruuŋ inadi to tineep ila nima, ve nazeev nimag u itaghon kiruuŋ inadi tonowen, ve nazeev nimag ilooŋ ila iiz ina to waria, nene pale naghur ila. Ve ighaze maau, nene irau naghur ila saveeŋ tiam tonanan maau!”

Yoan 20:20

Ghoro ipatooŋ nima ve waria padi. Yes tighita Tiina todi, ve lolodi poia le poia kat.

Rau Tau Paulus Iboode Pa Yes Roma Rom--Romans 5:20

Maaron igham tutuuŋ pait, leso samia toit ivot ighazooŋ, ve taghilaal tauud taghaze iit ndiran to ghamuuŋ sosor. Onoon kat, iit tamtoghon, sosor toit tiina. Eemoghon poia to Maaron, nene tiina le tiina kat. Ilib pa sosor toit. Ro 3:20, 7:7+

Lukas 9:41

Yesu ipamuul aliŋa ighaze: “Oyai, yam tamtoghon to aazne, aghur ila maau, ve ŋgar tiam iwaghamgham kat. Itiŋa takaria nepooŋ wa. Tovenen naghaze pa ŋgar tiam ivot ve aghilaal ris. Eemoghon maau. Moghon moghon, yam agham pataŋani payou. Pale ŋeez o ateg izi? Poia. Ugham natum inim.”

Markus 9:19

Yesu ilooŋ saveeŋ tonene, ve isaav padi ighaze: “Oyai, yam tamtoghon to aazne, aghur ila maau kat. Itiŋa takaria nepooŋ wa. Tovenen naghaze pa ŋgar tiam ivot ris ve aghilaal. Eemoghon maau. Moghon moghon, yam aghamgham pataŋani payou. Pale ŋeez o ateg izi? Poia, agham pain kainaŋen inim.”

Matayu 17:17

Yesu isaav padi inim yasilooŋ ighaze: “Oyai, yam tamtoghon to aazne, aghur ila maau, ve ŋgar tiam iwaghamgham kat. Itiŋa takaria nepooŋ wa. Tovenen naghaze pa ŋgar tiam ivot, ve aghilaal ris. Eemoghon maau. Moghon moghon, yam aghamgham pataŋani payou. Pale ŋeez o ateg izi? Poia, agham pain kainaŋen tonanan inim.”

Lukas 24:39

Aghita nimag ve agheg. Nene you taug tonene. Anim akis ghou ve aghita. Mariaam eta le minda ve tua inimale you? Maau.” Ye isavsaav padi, ve ipatooŋ nima ve aghe padi. 1Yo 1:1

Yoan 20:28

Tomas isaav pani ighaze: “Yom Tiina tiou, ve Maaron tiou!”