Yoan 2:12 - Mutu (Oov)

¹² Ghanghaniiŋ to vaiuuŋ tonenen isob, ghoro Yesu yesŋa tina, nditazi, ve taghoniiŋa toni tizila pa ndug Kapernaum, ve tineep ris izi tonowe.

Maaron Saveeŋ Tooni Patabuyaaŋ Tuam

¹² Ghanghaniiŋ to vaiŋ tana isov, ra Yesu yesŋa tiina, tazŋa, ve mbiwa tooni tizila pa nugh Kapernaum, ve tileep mboŋ siriv izi ta sewe.

Yoan 2:12 Referans Kwoze

Matayu 12:46

Yesu isavsaav, ve tina toman nditazi tinim tivot. Yes tiyoon pumuri, ve timbaaŋ pa Yesu tighaze tighita ve tisavsaav tomani.

Galesia 1:19

Sawa tonenen, you naghita mbaŋooŋa pida to Krisi maau. Naghita Yakobus to Tiina toit tazi ne moghon. Mt 13:55

1 Korin 9:5

Onoon, yei uraata pida nivai maau. Ve inimale nivai ve ndizwamai tighur ila, tone irau nigham di ve yeiŋa nilaghlaagh pa uraat to Krisi inimale Petrus toman mbaŋooŋa pida ve Tiina toit nditazi tighamghami.

Markus 6:3

Vena, ye to ndug ite, to takankaan pani ne? Ye, ŋgeu sorok to reiŋ ruum moghon. Maria natu. Ve nditazi Yakobus, Yoses, Yudas, ve Simon, toman ndilivu tisob, to tinepneep toman ghiit ne.” Tovenen matadi velegini, ve lolodi pa tighur ila toni maau. Yo 6:42

Matayu 4:13

Eemoghon ila ineep izi ndug toni pughu Nasaret muul maau. Ipuli, ve ila ineep izi ndug Kapernaum to ineep igharau naari to ya naliu Galilaia. Ndug tonowen ineep ila taan to yes Zebuluna ve yes Naptalia. Yo 2:12

Yoan 6:17

ve tiza waaŋ, leso tiraav tivool tila pa ndug Kapernaum to ineep ya naliu paŋa ite. Sawa tonenen, Yesu ila ivot todi sone. Ve mboŋ izi wa.

Matayu 11:23

“Ve yam ndiran to ndug Kapernaum paam, yam agham ŋgar aghaze Maaron pale ipakur gham, ve igham gham azala pa ndug sambam? Maau kat! Yam pale azila ndug samia to mateeŋa. Pasa, yam akaria ghitooŋ mbeb gharatooŋadi wa. Inimale muuŋ, tamtoghon to ndug Sodom tighita mbeb tovene, tone titoor ŋgar todi, ve tilaledi maau, ve aazne ndug todi inepneep.

Yoan 2:2

Ve tipoi Yesu toman taghoniiŋa toni pa tila pa vaiuuŋ tonenen paam.

Yoan 4:46

Tovenen Yesu ila ivot muul izi ndug Kana to ineep izi Galilaia ne. Muuŋ, ye ineep tonowe, ve itoor ya inim vaen. Yesu inepneep tonowe, ve uraata eez to kinik to ineep izi ndug Kapernaum, ilooŋ Yesu varu tighaze ye ipul Yudea ve inim ivot Galilaia wa. Uraata tonowen natu, moroghooŋ tiina ighami ve ighengheen. Tovenen ye ipul Kapernaum, ve ila ighaze ighita Yesu. Ila ivot toni, ve itaŋ rorani ighaze izila Kapernaum ve igharaat natu. Pasa, moroghooŋ tiina ighami le igharau ighaze imaat.