Yoan 19:36 - Mutu (Oov)

³⁶ Mbeb tonenen tivot pa Yesu, leso Maaron aliŋa waaro eez to timbooda ne anoŋa ivot. Saveeŋ tovene: “Tua eta irau ipol maau.” Igham 12:46; Mbo 34:20

Maaron Saveeŋ Tooni Patabuyaaŋ Tuam

³⁶ Gabua tane tivot pa Yesu, leso Maaron aliiŋa ziiri ee tau tiboode na ighur anooŋa. Saveeŋ tauvene: “Irau tuua eta ipol mako.” Igham 12:46; Mbo 34:20

Yoan 19:36 Referans Kwoze

Yoan 19:28

Yesu isavsaav pa tina ve taghoniiŋa toni tonenen le isob, ghoro iwatag ighaze ye ipasob uraat toni isob wa. Tovenen isaav ighaze: “You murun ghou!” Saveeŋ tonene, ye isavia leso Maaron aliŋa to timbooda ne anoŋa ivot.

Matayu 1:22

Mbeb tonenen tisob titaghon saveeŋ to muuŋ Maaron ivotia ila propet toni eez avo. Saveeŋ tovene:

Yoan 19:24

Tovenen ndaaba tonenen tiwasavon di tighaze: “Nonogiiŋa to moŋeŋaaŋ tonene, tareepa malep. Ineep tovene ve taŋgozŋgooz ve taghita: Sei pale ighami?” Tovenen Maaron aliŋa waaro eez to timbooda, anoŋa ivot. Isaav tovene: “Yes tirei nonogiiŋa tiou toman mbeb pida irau di. Ve nonogiiŋa tiou to moŋeŋaaŋ, nene tigham mogheraaŋ eez pani. Leso tighita sei to pale ighami.” Mbo 22:18 Ŋgar to ndaaba tighami, nene deŋia pa saveeŋ tonene.

Yoan 13:18

“Saveeŋ tonene, you nasavia iŋarua yam asob maau. Yam to nasia gham anim leg, you nawatag katin gham. Tamtoghon tiam eez, ye lolo ineep toman ghou maau. Pasa, Maaron aliŋa to timbooda, anoŋa pale ivot. Saveeŋ tovene: ‘Itag ite to yeru lupuuŋ tiei ee moghon ve niluplup ghei pa ghanghaniiŋ, tauto inim koiag.’ Mbo 41:9