Yoan 19:14 - Mutu (Oov)

¹⁴ Sawa tonenen, nene sawa to gharatooŋ aniiŋ ma mbeb pa Pasova. Ve ndag iza inim bobodaaŋ wa. Piladus isaav pa yes Yuda ighaze: “Aghita. Kinik tiam tau tonene!”

Maaron Saveeŋ Tooni Patabuyaaŋ Tuam

¹⁴ Saawe tana, ene saawe to gharatooŋ aniiŋ ma gabua pa Pasova. Ve aaz izalam zegmatuugh wa. Piladus isaav pa yes Yuda ighe: “Aghita. Kinik tsiam tane!”

Yoan 19:14 Referans Kwoze

Matayu 27:62

Sawa to titartar taudi pa umbom patabuaŋ isob, ve ndugizau, ghoro yes daba to watooŋrau toman ndiran tutuuŋa pida tila to Piladus, ve tisaav pani tighaze:

Yoan 19:5

Tovenen Piladus igham Yesu ivot ila pumuri. Waar mata mata ineep ila daba, ve nonogiiŋa to bodeeŋa inimale aindan ineep ila tini. Ghoro Piladus isaav pa ival tiina ighaze: “Aghita! Tamtoghon tau tonene!”

Yoan 19:42

Sawa tonenen, nene sawa to yes Yuda titartar taudi pa umbom patabuaŋ. Ve rabrab izi, ve umbom patabuaŋ ighaze ivot. Yaam saambu tonenen ineep igharau. Tovenen tigham Yesu paatu, ve tighuri ilooŋ ila.

Markus 15:25

Sawa to tirab Yesu izala ai pambarooŋ, ndag anunu igham liim ve paaŋ.

Lukas 23:54

Sawa tonenen, nene sawa to titar taudi pa umbom patabuaŋ. Ve rabrab izi wa. Tovenen umbom patabuaŋ ighaze ivot.

Markus 15:42

Sawa tonenen, nene sawa to titar taudi pa umbom patabuaŋ to ighaze ivot.

Matayu 27:45

Ndag anunu iza inim bobodaaŋ, ghoro ndoroom tiina ivot irau taan isob, ve inepneep tovene le ndag ivool (3 kilok).

Lukas 23:44

Ndag anunu iza inim bobodaaŋ, ghoro ndoroom tiina ivot irau taan isob, ve inepneep tovene le ndag ivool (3 kilok). Ghoro uli tiina to imonau ila Rumai Tiina lolo, ve iponpoon ndug to patabuaŋ kat ne, imarepreep inim ru. Igham 26:33; Yoel 2:31; Hib 9:3