Yoan 16:20 - Mutu (Oov)

^20-21 Onoon kat, you nasaav payam. Yam pale lolomim ipataŋan kat ve agham taŋiiz tiina. Ve yes to titaghon ŋgar to taan pale tinidi iza. Eemoghon tala ris muul, ghoro lolomim ipataŋan muul maau, ve anamim tinimim iza inimale liva to ipoop. Onoon, sawa to popaaŋ, ye iyamaan yabyabuuŋ tiina. Eemoghon sawa to ipoop tamtoghon izi, ye lolo poia kat pa natu paghu tonenen, ve lolo imaagh pa yabyabuuŋ to ighami.

Maaron Saveeŋ Tooni Patabuyaaŋ Tuam

^20-21 Onoon kat, yau nasaav payam. Yam pale lolomim ipataŋan kat ve agham taŋiiz tiina. Ve yes tau titaghon taan ŋgara na, ene pale tintinizi. Eemon tala rig, mako lolomim ipataŋan muul mako, ve anamim tintinmim imin livaa tau ipoop. Onoon, saawe to popaaŋ, i iyamaan yavyavuuŋ tiina. Eemon saawe tau ipoop tamtamon izi, i pale loolo poia kat pa naatu paaghu tana, ve loolo iveegh pa yavyavuuŋ tau ighamu na.

Yoan 16:20 Referans Kwoze

Yakobus 1:2

Yam toŋvetaz, ighaze tovaaŋ naol naol tivot payam, aghita di tinimale mbeb popoia, ve lolomim poia padi.

Matayu 5:4

Yes to lolodi ipataŋan ve titaŋ, yes paam irau tinidi iza pa poia to Maaron to iza todi. Pasa, ye pale irab atedi, ve igham di lolodi poia. Is 61:2+; Yo 16:20; Syg 7:17

2 Korin 6:10

Onoon, pataŋani naol to nimbadbaad di ne, tigham ghei lolomai ipataŋan. Eemoghon Maaron igham ghei lolomai poia irau sawa isob. Yei ndiran mbolaaŋa. Eemoghon niuluul ival tiina le tiraua kat pa mbeb popoia to Maaron. Yei lemai mbeb eta maau. Eemoghon nirau mbeb to naol. 2Kor 7:4, 8:9; Pil 2:17

Markus 16:10

Maria ighita le isob, ghoro ila ipaes pa yes to muuŋ tilaghlaagh toman Yesu. Pasa, yes tineep toman lolodi ipataŋan ve titaŋtaŋ pani sone.

Rau Tau Jud Iboode Jut--Jude 1:24

Maaron to Volaaŋa toit, ye moghon to Maaron tau. Ye irau ipalot gham, leso atap sob, ve ayoon ariaŋa. Ve ye irau igham gham ala aneep tomani ila ŋguruba lolo toman lolomim poia kat. Pasa, uraat to Krisi igham gham aneep deŋiamim ila Maaron mata, ve lemim sosor eta muul maau. Ye ariaŋa ve iza tiina kat pa tapiri ve poia toni. Ve mbeb tisob tineep ila samba. Muuŋ kat, sawa to mbeb eta ivot sone, ye ineep tovene. Ve aazne ve muri paam, ye pale ineep tovene, itaghoni taghoni gha ila. Tovenen iit tapaiti ila Tiina toit Yesu Krisi iza. Onoon. Mbo 37:24; Ro 16:25+; 1Kor 1:8; Ep 3:20; 1Pe 5:10+; 2Pe 3:14,18

Galesia 5:22

Ve Maaron Avuvu ipapamundigin ghiit pa ghamuuŋ ŋgar tovene: Lolood pa tamtoghon ve tagham poian di, lolood poia kat irau sawa isob, tapatooŋ ŋgar luuma pa tamtoghon ve itiŋa talup ghiit tanim ee moghon, tatatan ateed, tagham poian tamtoghon ve tapatooŋ ŋgar popoia moghon padi, mataad iŋgal saveeŋ mbuaaŋ toit ve tataghoni, Ep 5:9; Kol 3:12

Rau Tau Paulus Iboode Pa Yes Roma Rom--Romans 5:11

Ve tonene moghon maau. Iit tiniid iza pa Maaron, ve tapaiti ila Tiina toit Yesu Krisi iza. Pasa, Krisi inim ataam pait, tauto aazne, itiŋa Maaron talup ghiit tanim ee moghon wa.

Lukas 24:17

Yesu ighason di ighaze: “Ou, yamru alaghlaagh, ve awasavon gham pa sa?” Ye isaav tovene ve yesuru tiyoon. Naghodi iza maau. Titud moghon. Pasa, lolodi isami kat.

Lukas 23:27

Ival tiina kat titaghon di ve yesŋa tila. Ndiliva pida to tilaghlaagh toman di, lolodi isamin Yesu. Tovenen titaŋtaŋ pani.

Saveeŋ Yoŋgaaŋ 18:7

Muuŋ, ye ipakuri kat, ve igham mbeb popoiadi naol to taan tinim le, ve nepooŋ toni poia kat. Tovenen ye pale iyamaan yabyabuuŋ tiina ve itaŋ, leso iyat ŋgar toni tonowen. Pasa, ye igham tini ighaze: ‘You garawaat tidi. Nambool pa mbeb eta maau. You pale naneep ila inag to ghamuuŋ pooz, ve nepooŋ tiou poia moghon itaghoni taghoni gha ila. You naar leso nataŋ? Maau. Pataŋani eta irau ivot payou maau.’ Is 47:7+

Saveeŋ Yoŋgaaŋ 11:10

Pasa muuŋ, propet ru tonowen tighur pataŋani tintina tizaza to tamtoghon to taan. Tovenen sawa to yesuru timaat, tamtoghon to taan pale lolodi poia ve tinidi iza, ve tiwarein mbeb pa taudi. Yo 16:20

Uraat To Yes Mbaŋooŋa 5:41

Yes mbaŋooŋa tipul lupuuŋ tiina tonenen, ve tila toman lolodi poia ve tinidi iza. Pasa, Maaron ighita di ighaze yes popoiadi irau to timbaad pataŋani ve mayaŋiiŋa pa Krisi iza. Mt 5:10+; Mbaŋ 14:22; Pil 1:29; 1Pe 4:13

Yoan 16:33

Saveeŋ tonene, you nasavia payam, leso aneep tuŋia inim tiou, ve luuma tiou ineep toman gham. Onoon, sawa to aneep izi taan, pataŋani pale igham gham. Eemoghon amatughez malep. Lolomim poia ve ayoon ariaŋa! Pasa taan tapiri, you natatani wa.” Yo 14:27; Ro 8:35+; 1Yo 4:4, 5:4

Yoan 16:6

Onoon, saveeŋ to nasavia payam ne, pale igham gham lolomim ipataŋan kat.

Lukas 22:62

Tovenen Petrus imundig ivot ila pumuri, ve lolo isami kat pa tau, ve itaŋ tiina.

Lukas 22:45

Isuŋ le isob, ghoro imuul ila to taghoniiŋa toni, ve ighita di tighengheen. Pasa, lolodi ipataŋan kat.

Lukas 6:21

Yam to aazne pitool gham, tinimim iza pa poia to Maaron to iza tiam. Pasa, mbeb to ambool pani, Maaron pale igham payam le irau lolomim. Yam to lolomim ipataŋan ve ataŋ, tinimim iza pa poia to Maaron to iza tiam. Pasa muri, yam pale lolomim poia kat ve aŋiŋ. Mbo 126:5+; Is 55:1+; Syg 7:16+

Markus 14:72

Rikia moghon, tatareek itaŋ muul inim pae ru. Tovenen Petrus mata iŋgal Yesu aliŋa to ighaze: “Mboŋ aazne, yom pale upesamun izag pae tol le isob, ghoro tatareek itaŋ muul inim pae ru.” Tovenen Petrus lolo isami pa tau, ve itaŋ tiina.

1 Tesalonika 1:6

Onoon, sawa to yam alooŋ saveeŋ tiei ve aghur ila, tamtoghon tigham pataŋani tiina payam. Eemoghon Avuvu Patabuaŋ igham gham lolomim poia le poia kat. Ve yam ataghon katin ŋgar tiei, ve ŋgar to Tiina toit Krisi paam.

Yoan 20:20

Ghoro ipatooŋ nima ve waria padi. Yes tighita Tiina todi, ve lolodi poia le poia kat.

Matayu 21:38

Eemoghon sawa to yes uraata tonenen tighita natu ilaghlaagh saguan iŋarua di inim, tiwasavon di tighaze: ‘Ou, aghita. Nowe tiina toit natu, tauto ilaagh inim we. Muri, ye pale igham uum tonene toman mbeb tisob to tama. Tala tarabi imaat. Leso tagham mbeb naol tonene tinim leed.’