Yoan 13:36 - Mutu (Oov)

³⁶ Yesu isavia saveeŋ tonene le isob, ghoro Petrus ighasoni ighaze: “Tiina, ndug sine to yom ughaze ula pani?” Yesu ipamuul aliŋa ighaze: “Ndug to you pale nala pani, yom irau utaghon ghou unum to aazne ne maau. Eemoghon muri, yom pale utaghon ghou unum.” Yo 21:18+; 2Pe 1:14

Maaron Saveeŋ Tooni Patabuyaaŋ Tuam

³⁶ Yesu isavia saveeŋ tane le isov, ra Petrus ighasoni ighe: “Tiina, nugh sindei ta yo ughe ula pani?” Yesu iyol aliiŋa ighe: “Nugh tau yau nala pani ne, yo irau utaghon ghau ulam ta aazne ne mako. Eemon murei, yo pale utaghon ghau ulam.” Yo 21:18+; 2Pe 1:14

Yoan 13:36 Referans Kwoze

Yoan 13:33

“Aa ndipain tiou, you pale naneep toman gham ris moghon, ghoro aghita ghou muul maau. Pale napul gham, ve akaal naghog. Tovenen saveeŋ to muuŋ nasavia pa yes Yuda, tauto aazne nasavia payam paam. Saveeŋ tovene: ‘Ndug to you naghaze nala pani, nene yam irau ala pani maau.’

Yoan 16:17

Tovenen taghoniiŋa toni pida tiwasavon di tighaze: “Wai, saveeŋ toni tonene, pughu vena? Ye isaav pait ighaze, mala maau pale takaal nagho. Ve tala ris, ghoro taghita muul. Ve isaav paam ighaze ye pale ila to Tama.

Yoan 14:2

Tamaŋ ruum toni, le sosoor katindi to nepooŋ. Inimale le sosoor katindi maau, tone irau nasaav payam tovene maau. You pale namuuŋ nala, ve nagharaat lemim inamim to nepooŋ izi tonowe. Ighaze nagharaata le isob, nene pale namuul nanim, ve nagham gham anim tiou. Leso aneep toman ghou izi ndug to you naneep pani. Yo 17:24; 2 Kor 5:1+; Hib 11:16; 1Tes 4:16+

Yoan 16:5

Ve aazne, naghaze napul gham, ve namuul nala pa Tamaŋ to imbaaŋ ghou nanim. Eemoghon tiam eta ighason ghou pa ndug to naghaze nala pani ne maau.