Yoan 12:32 - Mutu (Oov)

³² Aazne, you naneep izi taan. Eemoghon muri, sawa to tiit ghou naza, nene pale nayou tamtoghon tisob tinim tiou.” Yo 3:14, 8:28; Ro 5:18

Maaron Saveeŋ Tooni Patabuyaaŋ Tuam

³² Aazne, yau naleep izi taan. Eemon murei, saawe tau tiit ghau nazaa, ene pale nagherev tamtamon tisov tilam tsiau.” Yo 3:14, 8:28; Ro 5:18

Yoan 12:32 Referans Kwoze

Yoan 8:28

Tovenen Yesu iseeŋ saveeŋ toni muul ighaze: “Sawa to yam apayoon Tamtoghon Natu iza, nene pale ŋgar tiam ivot, ve aghilaal aghaze: You to izag Nanepneep. Ve awatag aghaze you nagham mbeb eta itaghon taug ŋgar tiou maau. Saveeŋ to nalooŋa ila to Tamaŋ, tauto navovotia pa tamtoghon. Yo 5:30, 12:32, 14:24

Yoan 3:14

“Muuŋ, sawa to yes Israela tilaghlaagh izi ndug balim, Mose igharaat moot anunu, isaroni ila ai, ve ipayoonda iza iyoon. Ŋgar raraate moghon pale ivot pa Tamtoghon Natu. Pale tighuri ila ai, ve tipayoonda iza iyoon itaghon Maaron ŋgar toni. Leso sei masin to ighaze tighur ila toni, tigham nepooŋ poia ila to Maaron, ve tineep tovene le alok. Nam 21:4+; Yo 3:36, 6:47, 20:31

1 Petrus 2:24

Sawa to Krisi imbaad sosor toit atia izala ai pambarooŋ, ye iyamaan yabyabuuŋ tiina kat ila tini. Leso tasob pa ghamuuŋ ŋgar samia, ve taneep poia ila toni, ve tataghon ŋgar deŋia moghon. Tovenen sip to ineep ila Krisi tini, tauto igharaat gham poiamim wa. Is 53:5; Ro 6:10+

Yoan 6:44

Tamtoghon eta irau inim tiou sorok ne maau. Tamaŋ to imbaaŋ ghou nanim ne, irau ipazaagh tamtoghon lolodi ve ighereb ŋgar todi iŋarua ghou, ghoro tinim tiou. Tamtoghon tovene, sawa to Mboŋ Muri, you pale napamundigini pa mateeŋ ve ineep mata iyaryaar. Yer 31:3; Yo 12:32; Mbaŋ 13:48; 1Kor 2:14

1 Yoan 2:2

Ye imaat inim watooŋrau, leso ireu sosor toit ve itatan mbalmbali to Maaron. Uraat toni tonowen, ye igham pa iit moghon maau. Igham pa tamtoghon tisob to taan. Yo 1:29; Ro 3:25; Kol 1:20; Hib 2:17

Hibru 2:9

Eemoghon Yesu, ghoro iit taghita. Ye iparab ariaŋa le ilib. Tauto aazne, Maaron ipakuri, ve igham iza ivot inim tiina kat. Sawa tuku to Yesu ineep izi taan, Maaron itatan iza ve ighuri izi ris pa yes aŋela. Pasa, ye ighaze igham poian ghiit ve igham mulin ghiit pa mateeŋ. Tauto Yesu igham iit tasob inaad, ve igham yabyabuuŋ tiina, ve imaat. Pil 2:7+; 1Yo 2:2; Syg 5:9

Galesia 3:13

Tovenen ataam to taghoniiŋ tutuuŋ, nene igham pataŋani pait. Pasa, ighaze tataghon katin tutuuŋ maau, nene pale mbalmbali to Maaron iza toit ve iwaghamun ghiit. Eemoghon Yesu igham inaad ve imbaad mbalmbali to Maaron izala ai pambarooŋ. Tauto igham mulin ghiit pa pataŋani tonowen. Saveeŋa ineep pataghaaŋ wa: “Ŋgeu to ighaze tirabi ve imonau ila ai, nene pale mbalmbali to Maaron ineep iza toni.” Lo 21:23; Ro 8:3; 2Kor 5:21

Yoan 1:7

Ye inim pa ipariaaŋ saveeŋ pa ghazooŋa tonenen. Leso igham ival tisob tighur ila toni. Mt 3:1

Saveeŋ Yoŋgaaŋ 5:9

Yes tipait Sipsip to Maaron pa mbouŋ paghu eez, tighaze: “Yom poiam kat irau to ugham rau tonanan, ve uwalab bagil pani, ve uraava. Pasa, tirab ghom umaat, ve siŋ tiom igham mulin ival tiina ve tinim Maaron le wa. Yes to ndug ndug. Ve tinidi, aliŋadi ve gabuadi, naol naol. Mbo 96:1, 98:1+; 1Pe 1:18+

1 Petrus 3:18

Agham ŋgar pa Krisi. Ye ŋgeu deŋia kat. Eemoghon igham iit tamtoghon samsamiaad inaad, ve iyamaan yabyabuuŋ ila tini ve imaat, leso ireu sosor toit ve igham ghiit tala to Maaron. Uraat tonowen, ye ighami pa ee moghon, ve isob. Irau ighami muul maau. Ve Maaron Avuvu ipamundigini pa mateeŋ, ve aazne ye ineep mata iyaryaar izi sambam.

Yoan 19:17

Tovenen tigham Yesu tila, ve tau imbaad ai pambarooŋ toni. Tipul ndug tiina Yerusalem, ve tivot tila pumuri, ghoro tinau pa ndug mbuŋa eez, iza ‘Daba rubruuba.’ Tiwaat ndug tonowen iza ila saveeŋ Hibru tighaze ‘Golgata.’ Hib 13:12

Yoan 12:34

Ival tiina tilooŋ saveeŋ toni tonene, ve tipamuul aliŋa tighaze: “Maaron aliŋa to timbooda, saveeŋ waaro eez isaav tovene: Mesia pale ineep mata iyaryaar le alok. Ighaze venen, pughu vena to yom ughaze Tamtoghon Natu pale tiiti iza? Tamtoghon Natu to yom usavia, nene sei?” Mbo 89:36+, 110:4; Is 9:6+; Dan 7:14

Yoan 18:32

Muuŋ, Yesu isavia ataam to pale imaat pani. Yes tisaav tovene, tauto Yesu aliŋa tonenen ighur anoŋa.