Yoan 12:19 - Mutu (Oov)

¹⁹ Ndiran tutuuŋa pida tighita ival tiina tonowen yesŋa Yesu tilaghlaagh ve tipapait iza, tauto tiwasavon di tighaze: “Aghita! Iit taraua maau. Tamtoghon to taan tisob tila titaghoni wa!”

Maaron Saveeŋ Tooni Patabuyaaŋ Tuam

¹⁹ Zeran tutuuŋa siriv tighita eval tiina tawe yesŋa Yesu tilaghlaagh ve tiyoryoor eeza, tauta tivasavo zi tighe: “Oyai, aghita! Iit tarao mako. Tamtamon to taan tisov tila titaghoni wa!”

Yoan 12:19 Referans Kwoze

Uraat To Yes Mbaŋooŋa 17:6

Eemoghon tikaal di le maau. Tovenen tigham Yason toman toŋvetaz pida to Krisi, ve tisasaar di tila, ve tipayoon di ila yes daba to ndug matadi. Ghoro timboob tighaze: “Ndiran to Yason igham di tila tineep ruum toni, tilaghlaagh irau taan isob, ve tipapazaagh tamtoghon pa ghamuuŋ ŋgar samsamia naol. Ve aazne, tinim tivot ndug toit wa. Ndiran tonowen tizorzoor kinik tiina to Rom tutuuŋ toni. Pasa, tisavsaav tighaze kinik ite inepneep, iza Yesu.” Lu 23:2; Yo 19:12; Mbaŋ 16:20

1 Yoan 2:2

Ye imaat inim watooŋrau, leso ireu sosor toit ve itatan mbalmbali to Maaron. Uraat toni tonowen, ye igham pa iit moghon maau. Igham pa tamtoghon tisob to taan. Yo 1:29; Ro 3:25; Kol 1:20; Hib 2:17

Yoan 17:21

Tamaŋ, ulup di tisob tinim ee moghon, ve ugham di tineep tuŋia inim toit, inimale you naneep ilat tiom, ve yom uneep inim tiou, ve lupuuŋ toit ee moghon. Leso tamtoghon to taan tighilaal tighaze yom umbaaŋ ghou to nanim. Ro 12:5; Ga 3:28; Ep 4:3+

Yoan 3:26

Tovenen tila to Yoan, ve tisaav pani tighaze: “Patoŋaaŋ, ughita. Ŋgeu to muuŋ yamru anepneep izi ya Yordan paŋa ila ilib pa ndag iza, ve yom upariaaŋ tamtoghon pa tighur ila toni, tauto aazne ival tisob tilala toni, ve irughuuz di we.” Yo 1:29,35

Matayu 21:15

Tovenen ndipain to tineep Rumai Tiina nagho ne paam, timboboob inimale pakuruuŋi tighaze: “Hosana! Tapakur David Natu!” Yes daba to watooŋrau ve yes ŋgara to tutuuŋ tighita mbeb gharatooŋadi to Yesu ighamgham di, ve tilooŋ saveeŋ to ndipain tonowen, le irau lolodi maau.

Yoan 12:20

Yes to tizala Yerusalem ve tighaze tisuŋ pa Maaron ila lupuuŋ tiina to Pasova, Grika pida tineep ila lolodi paam.