Yakobus 4:3 - Mutu (Oov)

³ Ve ighaze aghason Maaron pa mbeb eta, ye irau igham payam maau. Pasa, ŋgar tiam deŋia maau, ve aghasoni pa mbeb soroksorok pa ipambees tinimim moghon. Mbo 66:18; 1Yo 3:22

Maaron Saveeŋ Tooni Patabuyaaŋ Tuam

³ Ve isaav ighe aghason Maaron pa gabua eta, i irau igham payam mako. Pasaa, ŋgar tsiam iduduuŋ mako, ve aghasoni pa gabua soroksorok to ipabees tinimim mon. Mbo 66:18; 1Yo 3:22

Yakobus 4:3 Referans Kwoze

1 Yoan 5:14

Tovenen iit tamatughez pa ghasoniiŋ Maaron pa leed mbeb malep. Pasa, ighaze taghasoni pa mbeb eta itaghon ye lolo ve ŋgar toni, ye pale ilooŋ ghiit ve igham mbeb tonenen pait.

1 Yoan 3:22

Ve ighaze taghasoni pa mbeb eta, ye pale ilooŋ ghiit ve igham pait. Pasa, mataad kisin tutuuŋ toni ve tataghon di, ve taghamgham ŋgar to ighami lolo poia. Mbo 34:15; Mt 7:7+, 21:22; Yo 9:31, 14:13

Yakobus 4:1

Pughu vena to ŋoŋaaŋ ve malmal tivotvot ila lolomim? Lolomim igham pa mbeb samsamia naol. Tauto ŋgar naol tonanan tiparab ila lolomim, ve tipazaagh gham pa ghamuuŋ ŋgar samsamia. 1Pe 2:11

Lukas 15:13

“Sawa pida inim ila, ghoro natu muria iyou mbeb toni tisob, ve imundig toman di, ve ila pa ndug mala. Ila ivot tonowe, ghoro isuruuv yaam toni pa mbeb soroksorok le yaam isob. Mala maau ve pitool tiina ivot izi ndug tonowen. Tauto mbolaaŋ igham ŋgeu tonenen, le nepooŋa poia maau.

Markus 10:38

Yesu ipamuul aliŋadi ighaze: “Mbeb to aghason ghou pani, yamru awatag pataŋani toni maau. Aghita. Rubruub to you pale naghun ila ne, yamru irau aghun ila paam? Ve pataŋani tiina to pale igham ghou, yamru irau aghami paam?” Mk 14:36; Lu 12:50

Matayu 20:22

Yesu isaav pani ighaze: “Mbeb to aghason ghou pani, yam awatag pataŋani toni maau. Aghita. Rubruub to you pale naghun ila, yamru irau aghun ila paam?” Mt 26:39+; Yo 18:11

Lukas 15:30

Ve natum tonowen, ye ila ve yesŋa ndiliva to ataam tiwaghamun mbeb tiom le isob. Eemoghon sawa to imuul inim, yom urab makau natu poia to taghuri pa ghanghaniiŋ ne pani!’

Lukas 11:10

“Pasa, tamtoghon tisob to tighason, nene pale tighami. Ve ighaze tikaala, nene pale tindeeŋa. Ve ighaze tipit ataam, nene pale ataam ikaak padi.