Yakobus 2:19 - Mutu (Oov)

¹⁹ Ve yom to usaav ughaze: “You naghur ila naghaze Maaron ee moghon to inepneep.” Saveeŋ tiom poia. Eemoghon avuvu samsamiadi tighur ila tovene paam. Tauto atedi imbumbu, ve matughezaaŋ tiina igham di! Mk 1:24

Maaron Saveeŋ Tooni Patabuyaaŋ Tuam

¹⁹ Ve yo tau usaav ughe: “Yau tane naghur ila naghe Maaron eemon ta ilepleep.” Saveeŋ tsio poia. Eemon avuvu sasaghati tighur ila tauvene paam. Tauta atezi ipaparav, ve roiŋ tiina igham zi! Mk 1:24

Yakobus 2:19 Referans Kwoze

Lukas 4:34

“Aii, Yesu to Nasaret, unum sualen pasa? Yei nimbaaŋ payom? Ma unum ughaze uwaghamun ghei? You nawatag ghom wa. Yom ŋgeu patabuaŋ to Maaron.” Mt 8:29; Mk 1:24; Yems 2:19

Markus 1:24

“Aii, Yesu to Nasaret, unum sualen pasa? Yei nimbaaŋ payom? Ma unum ughaze uwaghamun ghei? You nawatag ghom wa. Yom ŋgeu patabuaŋ to Maaron.” Mt 25:41; Mk 15:39; Yems 2:19

Matayu 8:29

ve timboob tighaze: “Ai Maaron Natu, yom unum sualen pasa? Yei nimbaaŋ ilat payom? Sawa to ughur yabyabuuŋ payei, nene sone. Upasul pasa?” Mk 1:24; Yems 2:19

Uraat To Yes Mbaŋooŋa 16:17

Ye ighita yeiŋa Paulus, tovenen itaghon ghei ve imboboob ighaze: “Ai, aghita. Ndiran tonene, yes mbesooŋa to Maaron Tiina To Ilib Pa Ndimaronŋa Tisob. Yes tinim pa tivotia ataam to Maaron igham mulin gham, ve aneep pooi.” Mk 1:24,34

Galesia 3:20

Eemoghon sawa to Maaron imbua saveeŋ toman Abaram, tamtoghon eta, ma aŋela eta ineep bodbodaaŋ pa Maaron ve Abaram, ve isakia Maaron aliŋa ila pa Abaram ne maau. Abaram ilooŋ saveeŋ ila Maaron tau avo. Pasa, Maaron eŋgeni to ineep, ve isavia.

Uraat To Yes Mbaŋooŋa 19:15

Sawa eez, titoova pa tindiir avuvu samia pa ŋgeu eez. Eemoghon avuvu samia tonowen ipamuul aliŋadi ighaze: “Yesu, you nawatagi. Ve Paulus, naloŋlooŋ varu. Eemoghon yam sei masin?”

Markus 5:7

Yesu isaav pani ighaze: “Yom avuvu samia, ughau pani!” Tovenen avuvu samia tonowen igham ŋgeu tonenen imboob aliŋa tiina kat ighaze: “Aii, Yesu! Yom Maaron Tiina To Ilib Pa Ndimaronŋa Tisob Ne Natu. Unum sualen pasa? You nambaaŋ ilat payom? You nataŋ roran ghom pa Maaron iza, ughur yabyabuuŋ payou malep!” Mt 25:41; Mk 1:24; Yems 2:19

1 Timoti 2:5

Iit tawatag: Maaron ee moghon to inepneep. Ve Ŋgeu ee moghon to iyoon bodbodaaŋ pa Maaron ve iit tamtoghon, ve ilup ghiit tanim ee moghon. Nene Yesu Krisi. 1Kor 8:4+; Ga 4:4+; Hib 9:15 Ye izi inim taan ve inim tamtoghon, ve iyokia tau ve imaat pa iit tasob. Tauto ighol sosor toit atia, ve ipas ghiit tavot pa samia tapiri. Mbeb tonenen ivot ila sawa to Maaron tau ighuri, ve ipariaaŋ ghiit pa taghur ila saveeŋ toni. Mk 10:45; Ep 1:7+

Markus 12:29

Yesu ipamuul ghasoniiŋ toni ighaze: “Tutuuŋ to tiina kat ilib pa tutuuŋ tisob, nene vene: ‘O yam Israela alooŋ! Tiina toit Maaron, ye moghon to Maaron tau. Lo 6:4+

1 Korin 8:6

Eemoghon iit, ghoro taghur ila to Maaron ee moghon. Ye Tamaan to inim pughu pa mbeb tisob, ve iit taneep pa tambees pani. Ve taghur ila to Tiina toit ee moghon. Nene Yesu Krisi. Ye to inim ataam pa mbeb tisob ve tivot, ve ye to inim pughu pa nepooŋ toit. Yo 1:3+; Mbaŋ 17:28; Ro 11:36; Pil 2:11

Rau Tau Paulus Iboode Pa Yes Roma Rom--Romans 3:30

Pasa, Maaron ee moghon to inepneep. Ve ye ighur ataam ee moghon pa tamtoghon tisob tineep deŋiadi ila mata. Yes to tizir di, ve yes to tizir di maau ne paam. Ataam ee moghon to tineep deŋiadi ila Maaron mata, nene ghurla todi. Mbaŋ 15:9+; Ro 4:11+; Ga 3:8

Yoan 17:3

Yom moghon to Maaron tau. Ve nepooŋ poia to tamtoghon tighami ilat tiom, nene ŋgara tovene: Yes tiwatag katin ghom, ve Natum Yesu Krisi to umbaaŋa izi inim taan. Tamtoghon tovene, pale tineep poia ilat tiom itaghoni taghoni gha ila. Yo 3:16; 2Pe 1:2+; 1Yo 5:20

Rau Tau Jud Iboode Jut--Jude 1:6

Ve agham ŋgar pa yes aŋela to muuŋ kat tizoor Maaron aliŋa. Uraat to Maaron ighuri ila nimadi ve izadi pani, toman inadi to nepooŋ to ye igham padi, yes tirere pani ve tipuli. Tauto Maaron izurun di tighau pa inadi, ve ikau di pa ravraav ariaŋadi to pale tineep irau sawa isob, ve ighur di tineep ila ndoroom tiina lolo. Leso tineep tonowe ve tisaŋan sawa tiina to Mboŋ Muri, ghoro ye iŋgabiiz di ve ighur atia padi. 2Pe 2:4; Syg 20:10

Yakobus 2:8

Kinik toit Maaron isavia tutuuŋ toni tiina eez. Ineep ila saveeŋ toni to timbooda. Isaav ighaze: “Lolom pa tamtoghon ve ugham poian di, inimale lolom pa taum.” Wkp 19:18 Ighaze ataghon katin tutuuŋ ee moghon tonene, nene pale agham ŋgar poia. Mt 22:36+; Ro 13:8+; Ga 5:14

1 Korin 8:4

Yo, yam aghason ghou aghaze irau taghan mbeb to tirab di tinim watooŋrau pa maaron kaaromŋa, ma maau? Iit tawatag: Maaron kaaromŋa to naol ne, nene Maaron tau maau. Nene mbeb anunudi sorok. Pasa, Maaron ee moghon to inepneep. Ite paam maau. 1Kor 10:19+; Ga 4:8; Ep 4:5+

Saveeŋ Yoŋgaaŋ 20:10

Ve Ŋgeu Samia to itombaan di tinim ne, Maaron pale ipiyaava izila saambu tiina. Nene saambu to yab ighanghan ila, ve yaam salfa to vuzi samia ivotvot pani. Ndug tonowen, to papazogi tipiyaav mbeb samia yesuru ita ite to propet kaarom tizila. Tovenen yes tol pale tineep tonowe, ve tigham yabyabuuŋ tiina kat. Ve yabyabuuŋ todi irau isob ne maau. Pale igham di irau mboŋ ve ndag, ve inepneep tovene itaghoni taghoni gha ila. Mbo 11:6; Syg 14:10+, 19:20

Rau Tau Jud Iboode Jut--Jude 1:4

You nasaav payam pasa, ndiran kaaromŋa pida to titaghon ataam to Maaron maau, tilat ve tiyooŋ ila lolomim. Tiina toit Yesu Krisi to iŋgin ghiit, yes tighur muridi pani wa. Ve tighamun saveeŋ pa poia to Maaron. Pasa, tisavsaav pa tamtoghon tovene: Ighaze tala pa naghood moghon ve mataad samia tanimale ŋgavuun, nene mbeb sorok. Pasa, Maaron pale ireu sosor toit. Saveeŋ kaarom todi tonowen inim pughu pa tamtoghon tigham ŋgar samsamia naol. Tovenen muri, Maaron pale iŋgabiiz di, ve ighur atia padi ve tilaledi. Saveeŋa, timbooda muuŋ wa. 2Pe 2:1

Markus 7:9

Yesu iseeŋ saveeŋ toni muul ighaze: “Yam apul murimim pa tutuuŋ to Maaron, ve apuli izi ineeple. Leso apariaaŋ tutuuŋ to nditimbumim tigham payam, ve ataghoni. Ŋgar tovene, yam araua kat!

Uraat To Yes Mbaŋooŋa 24:25

Paulus ipaghazoŋan Feliks pa ŋgar deŋia, ŋgar to ŋginiiŋ tauud pooi, ve gabizooŋ ve ghuruuŋ atia to pale ivot pa Mboŋ Muri. Feliks ilooŋ saveeŋ tonenen le imatughez. Tovenen irab motin saveeŋ ighaze: “Poia. Imuul to sualen. Umuul ula, ve naghita sawa poia eta, ghoro nambaaŋ payom umuul unum, ve tawasavon ghiit muul.”