Titus 2:13 - Mutu (Oov)

¹³ Ve taghur mataad pa sawa to Tiina toit Yesu Krisi imuul inim, ve ipatooŋ tapiri ve ŋguruba ivot ighazooŋ. Ye Maaron toit to iza tiina kat, ve ye Volaaŋa toit. Sawa to imuul inim, poia tiina to Maaron pale iza toit ve lolood poia kat. Pil 3:20; 1Pe 1:3+; 2Pe 3:13+

Maaron Saveeŋ Tooni Patabuyaaŋ Tuam

¹³ Ve taghur mataan pa saawe to Tiina toit Yesu Krisi imuul ilam, ve itotoi tapiri ve mbonari ivot ighazooŋ. I Maaron toit tau eeza tiina kat, ve i Uleeŋa toit. Gabua tawe ighe ivot, ene aat tintiniin kat pa poia to Maaron tau pale izaa toit. Pil 3:20; 1Pe 1:3+; 2Pe 3:13+

Titus 2:13 Referans Kwoze

2 Timoti 4:8

Tovenen atia poia to yes to tiparab ariaŋa le tilib, tauto isasaŋan ghou. Atia tonowen, nene vene: Sawa to Mboŋ Muri, Tiina toit to gabizooŋ toni deŋia moghon, ye pale ighita ghou ighaze you ŋgeu deŋiag. Ve you moghon maau. Tamtoghon tisob to lolodi pani, ve tighaze le tighita mulaaŋ toni, nene ye pale igham ŋgar raraate moghon padi. Yems 1:12; 1Pe 5:4; Syg 2:10

1 Korin 1:7

Tovenen aazne, ambool pa tapiri, ma ŋgar poia eta to Maaron Avuvu ireii pait ne maau. Ve asasaŋan aghaze le aghita sawa to Tiina toit Yesu Krisi imuul inim, ve Maaron ipatooŋa ivot ighazooŋ. Pil 3:20; 1Tes 1:10; Tit 2:13

Matayu 16:27

Sawa to Tamtoghon Natu imuul inim toman aŋela toni, ve ipatooŋ Tama Maaron ŋguruba ve tapiri ivot ighazooŋ, ye pale ighur atia pa tamtoghon tisob itaghon ŋgar todi to muuŋ tighami izi taan. Mt 25:31; Ro 2:6; 2Kor 5:10; Syg 22:12

Titus 1:2

ve tighur matadi pa nepooŋ to taneep mataad iyaryaar toman Maaron le alok. Nepooŋ tonowen, Maaron imbua saveeŋ pani muuŋ kat, sawa to mbeb eta ivot sone. Ve ye irau igham kaarom maau. Saveeŋ toni isob, nene onoon moghon. 2Tim 1:9

Markus 14:62

Yesu ipamuul aliŋa ighaze: “Vee! Taug tonene. Ve muri, yam pale aghita: ‘Tamtoghon Natu ineep ila ina to ghamuuŋ pooz to ineep ila Maaron ariaŋa nima waan. Ve ye pale ineep ila yaghur tae to sambam, ve imuul izi inim.’ ” Mbo 110:1; Dan 7:13; Syg 1:7

Hibru 9:28

Krisi tovene paam. Ye iyokia tau ve imaat inim watooŋrau pa ee moghon, ve isob. Ye imbaad pataŋani tiina pa ireu sosor to tamtoghon katindi. Ve muri, ye pale imuul izi inim. Sawa tonenen, ye irau igham uraat muul pa rewaaŋ sosor to tamtoghon maau. Ye pale inim pa igham mulin yes to tighur matadi pani ve tisasaŋani. Mt 26:28; Ro 6:10; Pil 3:20; Tit 2:13

2 Petrus 3:18

Yesu Krisi, ye Tiina ve Volaaŋa toit. Azuaria gham le awatag katini, ve aneep tuŋia ila poia toni. 2Pe 1:2 Ye iza tiina pa tapiri ve poia toni. Tovenen iit tapaiti to aazne, ve itaghoni taghoni le taan sawa. Onoon.

2 Korin 4:4

Varu poia isavia Krisi ŋguruba toman tapiri ve poia toni. Ve ipaghazoŋani ighaze ye ŋgeu to ipatooŋ katin Maaron nagho pait. Eemoghon yes to tighur ila maau, tighilaal ghazooŋa to varu poia maau. Pasa, Sadan to maaron kaarom to taan tonene, ye ipoon ŋgar todi wa. Yo 1:14, 12:31, 14:9; Ep 2:2; Pil 2:6; Kol 1:15; Hib 1:3

Rau Tau Paulus Iboode Pa Yes Roma Rom--Romans 15:13

Maaron to iit taghurghur mataad pani, pale igham yam to aghur ila toni lolomim poia kat, ve aneep poia toman lolomim luuma. Ve Avuvu Patabuaŋ tapiri ipalot gham, leso lolomim ru sob, ve anumeer Maaron kat, ve asaŋan sawa to ye igham mulin ghiit ve taneep pooi. Onoon. Ro 14:17; 1Kor 4:20

Rau Tau Paulus Iboode Pa Yes Roma Rom--Romans 5:5

Ve iit irau taghur mataad pani sorok ne maau. Ye pale igham nepooŋ poia tonowen pait. Pasa, ye igham Avuvu Patabuaŋ pait wa. Ve Avuvu tonowen izeev ghiit pa poia to Maaron, tauto tayamaana ila lolood taghaze Maaron lolo ineep toit kat. Ro 8:15; Ga 4:6

2 Petrus 1:1

You Simon Petrus, mbesooŋa ve mbaŋooŋa to Yesu Krisi. Nambood rau tonene ilat to yam tamtoghon to aghur ila to Yesu Krisi, ye Maaron toit ve Volaaŋa toit. Ye itaghon ŋgar deŋia moghon. Tauto igham gham aghur ila toni, ve ghurla tiam ivot kat le raraate inimale yei tiei.

1 Petrus 1:7

Sawa to tigharaat gol, tighuri ila yab, leso yab ighan muuna ighau pani le iŋgalaaŋ kat. Onoon, tamtoghon tighita gol tighaze nene mbaliiŋ tau. Eemoghon gol irau ineep le alok maau. Muri pale ilale. Ve ghurla tiam, nene mbeb tiina kat ilib pa gol. Tauto Maaron ipul tovaaŋ pida tivotvot payam, leso itoov ghurla tiam, ve ighami iŋgalaaŋ kat inimale gol to tighuri ila yab. Ighaze yam ayoon ariaŋa pa badooŋ pataŋani, nene ipatooŋ gham ighaze ghurla tiam, nene mbeb tau. Tovenen sawa to Yesu Krisi ipatooŋ tau ivot ighazooŋ, nene pale Maaron ipait gham ve izamim inim tiina. Mbo 66:10+; Yems 1:3

1 Petrus 1:3

Iit tapait Tiina toit Yesu Krisi Tama Maaron pa poia toni. Pasa, ye lolo isamin ghiit ve ate waaro iit kat. Aghita. Ye ipamundigin Yesu Krisi pa mateeŋ, ve ila mundigiiŋ to Krisi, iit tagham nepooŋ paghu wa. Tauto izaad pa nepooŋ to taneep mataad iyaryaar le alok, ve aazne taghurghur mataad pa nepooŋ tonowen. Yo 3:3; Ep 1:18+; Tit 3:5+ Nepooŋ to isasaŋan ghiit izi ndug sambam, nene poia moghon. Ve irau isami, ma isob ne maau. Inepneep tovene itaghoni taghoni gha ila. Pasa, Maaron tau iŋgini pait. Kol 1:5; 2Tim 4:8

2 Timoti 4:1

Muri pale Tiina toit Yesu Krisi imuul inim, ve ipatooŋ pooz toni ivot ighazooŋ, ve iŋgabiiz tamtoghon tisob ve ighur atia padi. Yes to tineep matadi iyaryaar, ve yes mateeŋa paam. You nasaav ariaŋa payom ila yesuru Tama Maaron matadi naghaze: Mbaŋ 10:42; 1Pe 4:5

2 Korin 4:6

Muuŋ kat, Maaron isaav ighaze: “Ghazooŋa ivot ve isul ila ndoroom lolo!” Ve ye igham ghazooŋa toni isul ila yei lolomai paam. Leso nighilaal ŋguruba toman tapiri ve poia toni to Krisi ipatooŋa pait. Mbnp 1:3; Mt 4:16; Yo 8:12; 1Pe 2:9

Uraat To Yes Mbaŋooŋa 24:15

Yeiŋa yes ndiran tonene, ŋgar tiei ee moghon. Pasa, nisob nighur matamai pa sawa to Maaron pale ipamundigin yes mateeŋa. Yes ndiran deŋiadi, ve yes samsamiadi paam. Yo 5:28+; Mbaŋ 23:6, 26:6+; 2Kor 5:10

Markus 8:38

“Tamtoghon to aazne, yes samsamiadi kat. Tipul muridi pa Maaron tinimale liva to ipul azuwa ve igham tamoot paghu. Ighaze tiam eta maya payou ve saveeŋ tiou, ve ipesamun ghou ila yes tonene matadi, nene pale sawa to Tamtoghon Natu imuul inim toman aŋela toni patabuaŋa, ve ipatooŋ Tama Maaron ŋguruba ve tapiri ivot ighazooŋ, ye pale ipesamun tamtoghon tonenen iza paam.” Mt 10:33; Ro 1:16; 2Tim 2:12

Saveeŋ Yoŋgaaŋ 1:7

Aghita. Ye pale ineep ila yaghur tae ve inim, ve tamtoghon tisob tighita pa matadi. Yes to tirabi imaat ne paam, pale tisob tighita. Tovenen ndug tisob to taan pale tighita, ve titaŋ tiina. Onoon kat. Mbeb tonene pale ivot. Dan 7:13; Sek 12:10; Mt 24:30

Titus 3:4

Eemoghon Maaron to Volaaŋa toit ne, lolo ineep toit kat ve ighaze igham poian ghiit. Sawa to Krisi izi inim taan, Maaron ipatooŋ ŋgar toni tonowen ivot ighazooŋ, ve igham mulin ghiit. Ye igham ŋgar tonenen itaghon ŋgar deŋia eta to iit taghami ne maau. Maau kat. Ye lolo isamin ghiit ve ighaze iuul ghiit. Tauto irughuuz ghiit le taŋgalaaŋ ila mata, ve Avuvu Patabuaŋ igham ghiit tanim paghu. Yo 3:5

Kolosi 3:4

Tovenen Krisi inim pughu pa nepooŋ paghu to aazne yam aghami. Ve muri, sawa to ye imuul inim ve ipatooŋ tau ivot ighazooŋ, nene pale Maaron ipatooŋ gham toman Krisi, ve yamŋa Krisi apatooŋ Maaron tapiri, ŋguruba, ve poia toni ivot ighazooŋ. 1Kor 15:43; Ga 2:20; Pil 1:21, 3:21; 1Yo 3:2

Kolosi 1:23

Eemoghon yam irau akis ghurla tiam ariaŋa, ve ayoon tuŋia ila to Krisi. Ve ŋgar to saŋaniiŋ nepooŋ poia to Maaron ighaze igham pait, nene mbeb eta ighereb gham ve apuli malep. Varu poia to tisavia payam ve alooŋa, nene isavia nepooŋ tonowen, ve tivotia irau ndug tisob to tineep ila sambam paroŋania. Ve you paam, Krisi ighur ghou nanim mbesooŋa pani. Mk 16:15; Kol 1:6, 2:7

1 Yoan 4:14

Tamaan Maaron imbaaŋ Natu izi inim taan pa igham mulin iit tamtoghon to taan. Ve yei nighita katin uraat toni tonowen, ve nighazooŋ pa pughu. Tauto nipariaaŋ saveeŋa, leso aghur ila toni.

Kolosi 1:5

Ŋgar tiam tonanan, yam ataghoni pasa, yam awatag: Maaron ighur gham pa agham nepooŋ poia izi ndug sambam. Tauto aghurghur matamim pa nepooŋ tonowen ve asasaŋan. Sawa to tivotia saveeŋ onoon to varu poia payam, yam alooŋ nepooŋ tonenen saveeŋa. 1Tes 1:3; 1Pe 1:4

Matayu 26:64

Yesu ipamuul aliŋa ighaze: “Saveeŋ tauto usavia ne. Ve you nasaav ghazooŋa payam tovene: Muri, yam pale aghita: Tamtoghon Natu ineep ila ina to ghamuuŋ pooz to ineep ila Maaron ariaŋa nima waan. Ve ye pale ineep ila yaghur tae to sambam, ve imuul izi inim.” Mbo 110:1; Dan 7:13; Mt 24:30

Matayu 25:31

Yesu isaav muul ighaze: “Muri, Tamtoghon Natu pale imuul inim toman aŋela tisob, ve ipatooŋ pooz toni ivot ighazooŋ toman tapiri ve ŋguruba tiina. Sawa tonenen ighaze ivot, ye pale ineep ila ina to ghamuuŋ pooz toman ŋguruba tiina, ve iŋgabiiz tamtoghon. Pasa, ye kinik. Mt 16:27, 19:28; Syg 20:11+

2 Tesalonika 2:16

Tamaan Maaron lolo pait kat, ve poia toni ipapalot ghiit. Tauto lolood poia irau sawa isob, ve taghurghur mataad pa nepooŋ poia toman Maaron izi ndug toni sambam. Yesuru Tiina toit Yesu Krisi pale tirab atemim, ve tipalot gham. Leso ataghon ŋgar popoia to naol ne, ve asavia saveeŋ popoia moghon. Onoon. 1Tes 3:13; 1Pe 5:10

2 Tesalonika 2:8

Ŋgeu To Izorzoor Tutuuŋ To Maaron, sawa to ipatooŋ tau ivot ighazooŋ, nene pale Tiina toit Yesu inim toman ŋguruba ve tapiri tiina, ve iwaghamuni. Pale ivibi moghon, ve imaat ve ilale. Is 11:4

Kolosi 1:27

Ye igham tovene, leso yam to Yuda maau ne awatagi paam. Ŋgar yoŋgaaŋ tonene, mbeb poia kat, ve ipaghazoŋan ghiit pa Maaron tapiri ve poia toni. Ŋgar tonene iŋarua Krisi to aazne ineep ila yam lolomim. Ye ndamo payam, tauto yam asasaŋan sawa to ye igham mulin gham, ve yamŋa aneep ila Maaron ŋguruba izi ndug sambam. Ep 1:18

Rau Tau Paulus Iboode Pa Yes Roma Rom--Romans 8:18

Pataŋani naol to aazne tivotvot ne, you naghita di tinimale mbeb sorok. Pasa, sawa to Maaron ipatooŋ ŋguruba toman tapiri ve poia toni pait izi ndug sambam, mbeb tonowen pale ilib kat pa pataŋani toit tisob. 2Kor 4:17

1 Timoti 1:1

You Paulus, mbaŋooŋa to Yesu Krisi. Maaron to Volaaŋa toit, ve Yesu Krisi to tanumeera ve taghurghur mataad pani ne, yesuru to tisaav ariaŋa payou tighaze nagham uraat tonene. 2Kor 1:1; Ga 1:1

2 Timoti 1:2

O natug Timoti, you lolog payom kat, tauto nambood rau tonene ilat tiom. Mbaŋ 16:1+; 1Tim 1:2 Poia to Tamaan Maaron ve Tiina toit Yesu Krisi iza tiom, ve lolodi isamin ghom ve tiuul ghom, ve tiŋgin ghom uneep pooi toman lolom luuma. Onoon.

Titus 1:4

O Titus, nambood rau tonene ilat tiom pasa, ghurla toit ilup ghiit tanim ee moghon, ve naghita ghom utaghon katin ŋgar tiou unumale taug natug. Poia to Tamaan Maaron ve Volaaŋa toit Yesu Krisi iza tiom, ve tiŋgin ghom uneep pooi toman lolom luuma. Onoon.

Rau Tau Jud Iboode Jut--Jude 1:21

Maaron lolo pait kat, ve ighamgham poian ghiit. Tovenen yam paam, matamim kisin ŋgar toni tonowen ve ataghoni irau sawa isob. Ve asaŋan sawa to Tiina toit Yesu Krisi lolo isamin gham ve igham mulin gham, ve igham gham aneep matamim iyaryaar le alok.