Saveeŋ Yoŋgaaŋ 9:21 - Mutu (Oov)

²¹ Ve ŋgar todi to rabuuŋ tamtoghon timatmaat, ghamuuŋ mur, ghuruuŋ maat, ve yubuuŋ, nene paam, tipul di maau. Syg 22:15

Maaron Saveeŋ Tooni Patabuyaaŋ Tuam

²¹ Ve ŋgar toozi to ravuuŋ tamtamon timatmaat, ghamuuŋ mur, ghuruuŋ boog, ve umbuuŋ, ene paam, tipul zi mako. Syg 22:15

Saveeŋ Yoŋgaaŋ 9:21 Referans Kwoze

Saveeŋ Yoŋgaaŋ 21:8

Eemoghon yes to timatughez ve tipul ghurla todi, yes to tighur ila maau, yes to ŋgar todi iŋgalaaŋ ila Maaron mata maau, yes to tirab tamtoghon timaat, yes to tighur maat, yes mura, yes to timbesmbees pa maaron kaaromŋa, ve tamtoghon tisob to avodi kaarom, ndiran tovene inadi, nene saambu tiina to yab ighanghan ila, ve yaam salfa to vuzi samia ivotvot pani. Nene mateeŋ to inim ru pani.” 1Kor 6:9+; Ga 5:19+; Ep 5:5; Syg 20:15

Saveeŋ Yoŋgaaŋ 22:15

Eemoghon yes to matadi samia tinimale ŋgavuun, ve yes mura, yes to tighur maat, yes to tirab tamtoghon timaat, yes to timbesmbees pa maaron kaaromŋa, toman tamtoghon tisob to lolodi pa ŋgar to kaarom ve tighamgham kaarom, yes irau tilooŋ tila ndug tonene maau. Pale tineep pumuri. 1Kor 6:9; Ga 5:19+; Syg 21:8

Saveeŋ Yoŋgaaŋ 17:5

Ve timbood liva tonenen iza ila ndamo. Iza tonowen, saveeŋ palelaaŋ. Isaav tovene: “Nene ndug tiina Babilon. Ndiliva to ataam toman tamtoghon tisob to tighamgham ŋgar samsamia kat izi taan, ye to inim tinandi. Pasa, ye to ipapazaagh di pa ghamuuŋ ŋgar tovene.” Syg 14:8

2 Korin 12:21

Ve namatughez pa mbeb ite paam: Ighaze namuul nalat, ve naghita gham agharaat taumim sone, nene pale Maaron ipamayaŋin ghou ila matamim. Ghoro lolog ipataŋan ve nataŋ pa ival tiina to tigham sosor, ve titoor ŋgar todi sone. Nene nasavia yes to ŋgar todi iŋgalaaŋ maau, ve matadi samia tinimale ŋgavuun, ve tila pa naghodi moghon ve tighamgham ŋgar samsamia naol. 2Kor 13:2

Saveeŋ Yoŋgaaŋ 17:2

Ye to igheghereb yes kinik to taan, ve yesŋa tighurghur maat. Ve yes kinik moghon maau. Ye ighamun ŋgar to ival tiina to tineep izi taan, ve titaghoni pa ŋgar toni samia le inimale tighun vaen ariaŋa ve ŋgar todi iwaghamgham.” Yer 51:7; Syg 14:8, 18:3

Saveeŋ Yoŋgaaŋ 18:3

Pasa, ndug tonowen to igheghereb ndug ndug pa ghamuuŋ ŋgar samia ve yesŋa tighurghur maat. Ye ipaghun di pa vaen toni ariaŋa kat, le ŋgar todi iwaghamgham. Yes kinik to taan paam, yesŋa tighurghur maat. Ye ighaze igham mbeb popoiadi naol to taan tinim le, ve ineep poia le poia kat. Tauto ndiran to raukoliiŋ tilala toni, ve tigholia mbeb todi ila toni, ve tinim mbaliiŋ taudi.” Syg 14:8, 17:2

Saveeŋ Yoŋgaaŋ 16:6

Pasa, yes tirab tamtoghon tiom patabuaŋa ve yes propeta, ve siŋ todi imaliŋ. Tauto anam ugham di tighun siŋ. Atia todi tonowen, deŋia kat pa ŋgar to yes tighami.” Mt 23:34+; Syg 11:18

Saveeŋ Yoŋgaaŋ 14:8

Mala maau ve aŋela ite, ana itaghoni inim, ve isaav ighaze: “Ndug tiina Babilon itap wa! Itap le isami kat! Ndug to igheghereb tamtoghon pa ŋgar toni samsamia, ve ighamun ŋgar todi inimale ipaghun di pa ya ariaŋa, tauto aazne izi inim mbeb sorok.” Is 21:9; Yer 51:8; Syg 17:1+

Galesia 5:20

tambees pa maaron kaaromŋa, ŋgar to ghamuuŋ mur, taghur koi pa tamtoghon, tawazoran ghiit, taghur koi pa nditaad to ledi mbeb katindi, ateed izaza pa malmal rikia, takokook, mataad iŋgalŋgal tauud moghon, tavalg ghiit taneep leed leed, tagham ŋgar taghaze lupuuŋ toit moghon to deŋia kat ila Maaron mata,

Matayu 15:19

Pasa, ŋgar samsamia to tineep ila tamtoghon lolodi, tauto tipamundigin di ve tigham ŋgar samsamia naol inimale: tirab tamtoghon imaat, tiwaghamun vaiuuŋ, tighur maat, tiyub, tipariaaŋ saveeŋ kaarom pa Maaron iza, ve tipiyaav saveeŋ samia pa nditadi ve Maaron paam. Mbnp 8:21; Mt 12:34

Saveeŋ Yoŋgaaŋ 19:2

Ighaze ye iŋgabiiz tamtoghon ve ighur atia padi, gabizooŋ toni, nene deŋia ve onoon moghon. Liva to ataam to iza tiina, ye igheghereb tamtoghon to taan pa ŋgar toni samsamia, ve yesŋa tighurghur maat. Tauto Maaron ighur atia pani. Muuŋ, liva tonowen irabrab mbesooŋa to Maaron ve siŋ todi imamaliŋ. Tauto aazne, Maaron iyat ŋgar toni tonowen.” Syg 15:3, 16:7

Saveeŋ Yoŋgaaŋ 13:15

Ve Maaron ipul mbeb samia to inim ru pani igham mbeb gharatooŋa ite. Ye igham ita ite anunu to tigharaata ne le yaghur, leso isavsaav inimale mbeb to ineep mata iyaryaar. Ve yes to tiput aghedi pa anunu tonowen maau, nene pale anunu tonenen isaav, ve tirab di timatmaat. Dan 3:4+

Saveeŋ Yoŋgaaŋ 13:13

Mbeb samia to inim ru pani, Maaron ipuli igham mbeb gharatooŋadi tintina tivotvot. Tauto ighereb tamtoghon ve titaghon ita ite to ivot muuŋ ne pa ŋgar toni. Ye irau igham yab ineep sambam ve izi inim taan ila tamtoghon matadi. Kaarom toni tonowen ighamun tamtoghon to taan ŋgar todi. Tauto tigharaat ita ite to ivot muuŋ ne anunu ve tipaiti. Nene ye to tirabi imaat, ve imundig muul. Lo 13:1+; Mt 24:24; 2Tes 2:9+

Saveeŋ Yoŋgaaŋ 13:7

Ve Maaron ipul mbeb tonenen iparab toman tamtoghon toni patabuaŋa le ilib padi. Ve ighur tamtoghon tisob tineep ila mbeb tonenen samba, leso iŋgin di. Tinidi, toman gabuadi, aliŋadi, ve ndug todi, naol naol. Dan 7:21

Saveeŋ Yoŋgaaŋ 9:20

Ival tiina to timaat ila pataŋani naol tonowen maau, tighita pataŋani tonenen tivotvot. Eemoghon ipamundigin ŋgar todi maau. Yes titoor ŋgar todi, ve tipul ŋgar samsamia naol to tighamgham di ne maau. Yes timbesmbees pa avuvu samsamiadi. Ve maaron kaaromŋa to tigharaat di pa ai, gol, silva, mbaras, ve yaam pida paam, lolodi pa tipul di maau. Tovenen mbeb to irau tighita ndug maau, tilooŋ saveeŋ maau, ve tilaagh maau, tauto tamtoghon tonowen timbesmbees padi, ve tipait di tinim maaron padi. Mbo 106:37, 115:4+; Mbaŋ 7:41; 1Kor 10:19+

Saveeŋ Yoŋgaaŋ 17:4

Liva tonowen indudi pa nonogiiŋa poia kat to bodeeŋa aindan ve kaviaaŋa. Ve itiktiik tau pa mbeb popoiadi naol tinimale gol, yaam milmilia pida, ve ŋgool atulu. Ye ikis rubruub eez to tigharaata pa gol. Rubruub tonowen ivon pa ŋgar samsamia naol ve ŋgar to ghuruuŋ maat to liva tonenen ighamghami. Ŋgar tovene iŋgalaaŋ ila Maaron mata maau. Samia kat.