Saveeŋ Yoŋgaaŋ 7:16 - Mutu (Oov)

¹⁶ Tovenen yes irau pitool di, ma murun di muul maau. Ve ndag irau ighaaz katin di muul maau. Mbo 121:6; Is 49:10

Maaron Saveeŋ Tooni Patabuyaaŋ Tuam

¹⁶ Tauvene yes irau pitool zi, ma murun zi muul mako. Ve aaz irau ighaaz katin zi muul mako. Mbo 121:6; Is 49:10

Saveeŋ Yoŋgaaŋ 7:16 Referans Kwoze

Yoan 4:14

Eemoghon ighaze tamtoghon eta ighun ya to you naghaze nagham pani, ye irau muruni muul maau. Pasa, ya to you nagham pani, nene pale pisikia iza le ivon ila lolo. Tovenen tamtoghon tonenen pale igham nepooŋ poia ila to Maaron itaghoni taghoni gha ila.” Is 44:3, 55:1; Yo 7:37+; Syg 21:6

Saveeŋ Yoŋgaaŋ 21:4

Ye pale imus matadi suru isob ilale. Ve mateeŋ, moŋiiŋ, taŋiiz, ve yabyabuuŋ irau tivot muul maau. Pasa, nepooŋ to muuŋ isob wa.” Is 25:8; 1Kor 15:26

Matayu 5:6

Yes to pitool di ve murun di pa ŋgar deŋia to Maaron, yes irau tinidi iza pa poia to Maaron to iza todi. Pasa, mbeb to lolodi pani, Maaron tau pale igham padi le irau lolodi. Is 55:1+; Yo 6:35

Lukas 6:21

Yam to aazne pitool gham, tinimim iza pa poia to Maaron to iza tiam. Pasa, mbeb to ambool pani, Maaron pale igham payam le irau lolomim. Yam to lolomim ipataŋan ve ataŋ, tinimim iza pa poia to Maaron to iza tiam. Pasa muri, yam pale lolomim poia kat ve aŋiŋ. Mbo 126:5+; Is 55:1+; Syg 7:16+

Lukas 1:53

Ve yes to pitool di, ye igham mbeb popoia padi, ve tighan le isooŋ di. Eemoghon mbaliiŋ taudi, ye indiir di tighau tila toman nimadi ŋginiŋa moghon. Mbo 34:10, 107:9; Lu 6:21

Matayu 13:6

Eemoghon sawa to ndag ighaaz ve taan ituntun, wit tonowen rauadi timalai ve timatmaat. Pasa, wariadi tizila kat maau.

Yakobus 1:11

Iit tawatag: Ighaze ndag iza ve ighaaz kananaŋ ruŋgu, nene pale imalai ve itap izi, ve ghitooŋa poia muul maau. Ŋgar raraate moghon pale ivot pa yes mbaliiŋ taudi. Pale tighamgham uraat todi ila ila le sawa eta, ghoro timaat ve tisob. 1Yo 2:17

Markus 4:17

Eemoghon saveeŋ tonowen ineep tuŋia ila lolodi maau. Yes tinimale aniiŋ to waria izila kat taan lolo maau. Tovenen tiyoon tuŋia ris, ve ighaze tamtoghon tigham samin di, ma pataŋani ite paam ivot padi pasa, titaghon Maaron aliŋa, nene rikia moghon titap ve tighur muridi pa Maaron.

Markus 4:6

Eemoghon sawa to ndag ighaaz ve taan ituntun, wit tonowen rauadi timalai ve timatmaat. Pasa, wariadi tizila kat maau.

Matayu 13:21

Eemoghon saveeŋ tonowen ineep tuŋia ila lolodi maau. Yes tinimale aniiŋ to wariadi izila kat taan lolo maau. Tovenen tiyoon tuŋia ris, ve ighaze tamtoghon tigham samin di, ma pataŋani ite paam ivot padi pasa, yes titaghon Maaron aliŋa, nene rikia moghon titap ve tighur muridi pa Maaron.