Saveeŋ Yoŋgaaŋ 18:8 - Mutu (Oov)

⁸ Pataŋani naol to Maaron pale ighur di pani, nene pale tisob tivot pani pa ndag ee moghon. Sawa tonenen, taŋiiz, pitool, ve moroghooŋ toman mateeŋ pale tivot pani. Ve yab pale ighani, le inim avab. Pasa, Tiina toit Maaron to pale ighur atia pani, ye ariaŋa ve tapiri tiina kat.” Yer 50:34

Maaron Saveeŋ Tooni Patabuyaaŋ Tuam

⁸ Pataŋani naol tau Maaron pale ighuru pani, ene pale tisov tivot pani pa aaz eemon. Saawe tana, taŋiiz, pitool, ve moroghooŋ tomania mateegh pale tivot pani. Ve yav aat ighani le imin avav. Pasaa, Tiina toit Maaron tau pale ighur atuya pani, i saksaki ve tapiri tiina kat.” Yer 50:34

Saveeŋ Yoŋgaaŋ 18:8 Referans Kwoze

Saveeŋ Yoŋgaaŋ 17:16

Ve mbeb samia ndooŋa saaŋgul to ughita di ne, tiza to kinik saaŋgul. Muri pale yesŋa mbeb tonowen titoor ŋgar todi, ve tighur koi pa liva to ataam, ve tiwaghamuni kat. Pale tireep nonogiiŋa toni le kambaŋ, ve tighan minda le isob, ghoro tipiyaava izala yab ighani ve ilale. Ezek 16:37+; Syg 18:8

Saveeŋ Yoŋgaaŋ 18:19

Tovenen lolodi ipataŋan, titaŋ tiina ve timoŋ pani. Ve tiŋazuuva tighaze: “Oyai, ukaria taum wa! Aa ndug tiina, ukaria taum ve usami kat! Aazne, rikia moghon ve umbiriis ve ulalem. Pale nigham vena? Mbaliiŋ tiom moghon, tauto yei to lemai waaŋ ne, nisob ninim mbaliiŋ tau.”

1 Korin 10:22

Ighaze iit tagham tovene, nene pale tagham Ŋgeu Tiina ate yabyab kat. Pasa, ŋgar toni iyaryaaŋ ighaze taghur lolood ve ŋgar toit isob ila pani moghon. Yam to aghanghan ve aghunghun ila rumai to maaron kaaromŋa, agham ŋgar vena? Aghaze tapiriid ilib pa Maaron? Lo 32:21; Mbo 78:58

Saveeŋ Yoŋgaaŋ 19:3

Ghoro ival tiina tonowen timboob muul tighaze: “Aleluia! Yab to ighan liva samia tonowen, mbuasa pale izaza tovene itaghoni taghoni gha ila.” Syg 18:9,18

Saveeŋ Yoŋgaaŋ 18:17

Eemoghon sawa tuku tonene, mbaliiŋ tiom tisob tisami ve tilaledi.” Ve yes daba to waaŋ toman uraata todi, ve yes to tiza waaŋ toman di, ve tamtoghon tisob to tiravraav pa raukoliiŋ ne paam, pale tisob tiyoon saguan.

Saveeŋ Yoŋgaaŋ 17:18

“Liva to yom ughita, nene iza to ndug tiina to ighamgham pooz pa kinik tisob to taan.”

Saveeŋ Yoŋgaaŋ 11:17

“O Maaron, Tiina tiei, tapirim ilib pa mbeb to naol ne. Yom uneep muuŋ ve inim. Yei lolomai poia payom, ve nipait ghom. Pasa, tapirim tiina toman pooz tiom, tauto upatooŋa ivot ighazooŋ wa. Mbo 93:1, 97:1+, 99:1; Syg 1:4,8