Rau Tau Paulus Iboode Pa Yes Roma Rom--Romans 9:17 - Mutu (Oov)

¹⁷ Ve Maaron aliŋa waaro ite to timbooda, isaav tovene: Muuŋ, Maaron isaav pa kinik to yes Isipa ighaze: “You taug naghur ghom unum kinik, leso unum ataam pa napatooŋ tapirig ivot ighazooŋ, ve muri tivotia varug irau taan isob.” Igham 9:16

Maaron Saveeŋ Tooni Patabuyaaŋ Tuam

¹⁷ Ve Maaron aliiŋa ziiri ite tau tiboode na, isaav tauvene: Muuŋ, Maaron isaav pa kinik to yes Isipa ighe: “Yau taug naghur ghom umin kinik, leso umin eez payau to natotoi tapirig ivot ighazooŋ, ve murei tivotia varug irau taan isov.” Igham 9:16

Rau Tau Paulus Iboode Pa Yes Roma Rom--Romans 9:17 Referans Kwoze

Yoan 17:26

Izam tiina toman gabuam ve ŋgar tiom, you napaghazoŋan di pani wa. Ve you pale naghamgham tovene, le tighazooŋ pani kat. Leso lolodi pa taudi inimale yom lolom payou, ve naneep ila todi ve yeiŋa nilup ghei ninim ee moghon.”

Galesia 3:22

Eemoghon maau. Pasa, Maaron aliŋa to timbooda, isaav ghazooŋa tovene: Ŋgar samia ikis ghiit tasob, le tanimale yes to tineep ila ruum to yabyabuuŋ lolo. Saveeŋ tonene ipaghazoŋan ghiit pa sosor toit. Leso taghur ila to Yesu Krisi, ve ghurla toit inim ataam pait ve taghita saveeŋ mbuaaŋ to Maaron anoŋa. Mbo 14:3; Ro 3:9+

Galesia 4:30

Ve Maaron aliŋa to timbooda, isaav vena? Isaav tovene: “Uzurun liva mbesooŋa yesuru natu tila saguan! Pasa, liva mbesooŋa natu irau ineep toman liva to ruum tau ne natu, ve yesuru tiyoon pa mbeb to tamandi ne maau.” Mbnp 21:10; Yo 8:35

Galesia 3:8

Muuŋ kat, Maaron iwatag: Muri, ndug ndug to Yuda maau, pale tighur ila varu poia ve ghurla todi igham di tineep deŋiadi ila ye mata. Pasa, Maaron aliŋa to timbooda, isaav tovene: Muuŋ kat, Maaron ivotia varu poia pa Abaram ighaze: “Yom pale unum ataam pa ndug tisob to taan, leso poia tiou iza todi.” Mbnp 12:3, 18:18, 22:18

Rau Tau Paulus Iboode Pa Yes Roma Rom--Romans 11:4

Ve Maaron ipamuul Ilia aliŋa ighaze: “Maau. Aazne, you leg tamtoghon irau 7000 to nakis di ve tiyondyood ariaŋa. Tauto tiput aghedi pa maaron kaarom Baal maau.” 1King 19:18