Rau Tau Paulus Iboode Pa Yes Roma Rom--Romans 7:25 - Mutu (Oov)

²⁵ You lolog poia pa Maaron ve napaiti pa poia toni. Pasa, ila Tiina toit Yesu Krisi uraat toni, ye pale iuul ghou. Yo 8:36; 1Kor 15:57 Tovenen ŋgar tiou naghaze nanim mbesooŋa pa Maaron, ve nataghon tutuuŋ toni. Eemoghon lolog muŋgina tapiri tiina, tauto nanim mbesooŋa pa ŋgar samia.

Maaron Saveeŋ Tooni Patabuyaaŋ Tuam

²⁵ Yau lolog poia pa Maaron ve napaiti pa poia tooni. Pasaa, ila Tiina toit Yesu Krisi uraat tooni, i pale iuul ghau. Yo 8:36; 1Kor 15:57 Tauvene ŋgar tsiau naghe namin besooŋa pa Maaron, ve nataghon tutuuŋ tooni. Eemon lolog muŋgaana tapiri tiina, tauta namin besooŋa pa ŋgar saghati.

Rau Tau Paulus Iboode Pa Yes Roma Rom--Romans 7:25 Referans Kwoze

Kolosi 3:17

Saveeŋ tiam toman uraat tiam, ve sa ŋgar ite paam to ighaze aghami, yam irau aghami ila Tiina toit Yesu iza pa apaiti. Ve lolomim poia pa Tamaan Maaron paam, ve apaiti pa poia toni ila Yesu iza. 1Kor 10:31; 1Tes 5:18; Hib 13:15

1 Petrus 2:5

Yam to aneep ila lupuuŋ to Krisi lolo ne paam, yam animale yaam matadi yaryaara to Maaron ireirei rumai toni padi, leso tau Avuvu ineep ilooŋ ila. Ve yam anim ndiran patabuaŋa to watooŋrau, leso ambees pa Maaron. Ve Avuvu Patabuaŋ ipamundigin gham, tauto asuŋsuŋ pa Maaron ve apapaiti, ve aghamgham uraat ve ŋgar popoia naol. Ila uraat to Krisi, ŋgar tiam naol tonanan tinim watooŋrau popoiadi ila Maaron mata. Ro 12:1; 1Kor 3:16; Ep 2:21+; Syg 1:6

1 Korin 15:57

Eemoghon iit tapait Maaron toman lolood poia! Pasa, ila uraat to Tiina toit Yesu Krisi, Maaron igham ghiit talib pa ŋgar samia ve mateeŋ. Ro 8:37; 2Kor 2:14; 1Yo 5:4+

Rau Tau Paulus Iboode Pa Yes Roma Rom--Romans 6:17

Muuŋ, yam anim mbesooŋa pa ŋgar samia ve ŋgar tonowen igham pooz payam. Eemoghon iit tapait Maaron! Pasa, sawa to tipatoot gham pa saveeŋ to Krisi, ve tighur gham aneep ila saveeŋ tonowen samba, yam aghur ila, ve aghaze ataghoni kat toman lolomim.

Rau Tau Paulus Iboode Pa Yes Roma Rom--Romans 6:14

Pasa, yam aneep ila tutuuŋ samba muul maau. Yam aneep ila poia to Maaron samba. Tovenen samia irau igham pooz payam muul maau. Ro 7:4+; Ga 5:18; 1Yo 3:6

1 Petrus 2:9

Eemoghon yam, Maaron isia gham anim le, ve igham gham anim lupuuŋ ee moghon wa. Yam ndiran to watooŋrau to ambees pa kinik tiina. Ve yam tamtoghon patabuaŋa to Maaron. Ye ipoi gham ve apul ŋgar to ndoroom, ve alooŋ ala ghazooŋa toni lolo, leso avotia ŋgar popoia naol naol to ye ighamgham di payam. Ghazooŋa tonowen, poia le poia kat. Ighaze tagham ŋgar pani, nene pale ŋgar toit iraua maau. Igham 19:5+; Kol 1:13; Syg 5:10

Pilipai 3:3

Alooŋ. Ŋgar tau to zirooŋ tamtoghon, nene mbeb to lolood. Tovenen iit tamtoghon to Krisi, to tataghon katin ŋgar tau to zirooŋ tamtoghon, ve tanim Maaron tamtoghon toni. Nene nasavia iit tamtoghon to tanumeer tauud tapiriid ve ŋgar toit maau, ve tambees pa Maaron itaghon pooz to Maaron Avuvu, ve tiniid iza pa Yesu Krisi ve tapait ye iza. Ro 2:28+; Kol 2:11

2 Korin 9:15

Iit lolood poia pa Maaron ve tapaiti! Pasa, ye igham leed mbeb to poia le poia kat. Ighaze tasavia mbeb tonowen, pale tasaav vena? Pasa, saveeŋ eta iraua maau. Yo 3:16; 1Pe 1:8-9

Matayu 1:21

Ye pale ipoop pain tamoot. Ve yom irau uwaat iza Yesu. Pasa, ye pale igham mulin tamtoghon toni pa pataŋani to sosor todi.” Lu 1:31, 2:21; Yo 1:29; Mbaŋ 4:12

Pilipai 4:6

Lolomim imbumbu pa mbeb eta malep. Sa ŋgar ma mbeb to ighaze ivot payam, nene asavia pa Maaron. Suŋuuŋ tiam iŋarua irau sawa isob, apaiti pa poia toni, ve aghasoni pa iuul gham. Mbo 55:22; Mt 6:25+; 1Pe 5:7

Epesus 5:20

Ve sa mbeb to ighaze ivot payam, poia payam ma ipataŋan payam, nene lolomim poia pa Tamaan Maaron, ve apaiti ila Tiina toit Yesu Krisi iza irau sawa isob. Kol 3:17; 1Tes 5:18; Hib 13:15