Rau Tau Paulus Iboode Pa Yes Roma Rom--Romans 5:13 - Mutu (Oov)

^13-14 Sawa to Adam, ve inim imuul sawa to Maaron isavia tutuuŋ toni pa yes Israela, tamtoghon to tineep izi taan tighamgham sosor. Onoon, tigham sosor tinimale Adam maau. Pasa, sawa tonenen, yes ledi ŋgalsekiiŋ eta inimale Adam maau. Tovenen tutuuŋ to Maaron to timalaaŋ pani, yes tighazooŋ pani maau. Ve tamtoghon to ighaze ikankaan pa tutuuŋ, nene Maaron irau mata kisin sosor toni maau. Eemoghon sawa tonenen, tamtoghon tisob tineep ila mateeŋ samba, ve timatmaat. Pasa, yes tineep ilooŋ ila Adam sosor toni lolo. Adam ipatooŋ ghiitpa Ŋgeu to inim muri. 1Kor 15:21+,45

Maaron Saveeŋ Tooni Patabuyaaŋ Tuam

^13-14 Saawe to Adam, ve ilam imuul saawe tau Maaron isavia tutuuŋ tooni pa yes Israela, tamtamon tau tileep izi taan na tighamgham sosor. Onoon, tigham sosor imin Adam mako. Pasaa, saawe tana, yes lezi ŋgalsekiiŋ eta imin Adam mako. Tauvene tutuuŋ tau timalaaŋ pani na, tighazooŋ pani mako. Ve tamtamon tau ighe ikankaan pa tutuuŋ, ene Maaron irau maata kisin sosor tooni mako. Eemon saawe tana, tamtamon tisov tileep ila mateegh saamba, ve timatmaat. Pasaa, yes tileep iloŋ ila Adam sosor tooni loolo. Tauvene Adam imin ilaal pa Ŋeer tau ilam murei. 1Kor 15:21+,45

Rau Tau Paulus Iboode Pa Yes Roma Rom--Romans 5:13 Referans Kwoze

Rau Tau Paulus Iboode Pa Yes Roma Rom--Romans 4:15

Pasa, tamtoghon eta itaghon katin tutuuŋ maau. Iit tasob tamamalaaŋ pani. Tauto tutuuŋ inim pughu pa mbalmbali to Maaron izaza toit. Ve inimale tutuuŋ ineep maau, tone irau tamalaaŋ pani maau, ve leed sosor ila Maaron mata maau. Ro 5:13, 7:7+; Ga 3:10,18

1 Korin 15:56

Pasa, iiz to mateeŋ, nene ŋgar samia. Ve ŋgar samia ighamgham tapiri ila tutuuŋ. Mbnp 3:3; Ro 4:15, 5:12+, 7:9+

1 Yoan 3:4

Tamtoghon tisob to tigham sosor, tiyel pa tutuuŋ to Maaron. Pasa sosor, nene ŋgar to iyel pa Maaron tutuuŋ toni.

1 Yoan 3:14

Iit tawatag: Iit tapul ataam to mateeŋ wa. Ve aazne, tataghon ataam to Maaron tauto tagham nepooŋ poia ila toni. Pasa, lolood pa yes toŋvetaz to Krisi ve taghamgham poian di. Ve ighaze tamtoghon eta lolo pa yes toŋvetaz to Krisi maau, nene ye itaghon ataam to mateeŋ.

Rau Tau Paulus Iboode Pa Yes Roma Rom--Romans 3:20

Tovenen ŋgar to taghoniiŋ tutuuŋ, nene irau inim ataam pa tamtoghon eta pa ineep deŋia ila Maaron mata ne maau. Maau le maau kat. Tutuuŋ ineep pa ipamundigin ŋgar toit, leso taghilaal sosor toit. Mbo 143:2; Ro 7:7; Ga 2:16, 3:11