Rau Tau Paulus Iboode Pa Yes Roma Rom--Romans 5:12 - Mutu (Oov)

¹² Iit tawatag: Muuŋ, ŋgeu ee moghon igham sosor, tauto ŋgar samia ivot le irau taan isob. Sosor toni, tauto igham tamtoghon tisob tisami. Ve ye to inim pughu pa mateeŋ ivot le irau tamtoghon tisob. Mbnp 3:6+; Ro 6:23; 1Kor 15:21+

Maaron Saveeŋ Tooni Patabuyaaŋ Tuam

¹² Iit tawatagh: Muuŋ, ŋeer eemon igham sosor, tauta ŋgar saghati ivot le irau taan isov. Sosor tooni, tauta igham tamtamon tisov tisaghat. Ve i ta imin puughu pa mateegh ivot le irau tamtamon tisov. Gnp 3:6+, 19; Ro 6:23; 1Kor 15:21+

Rau Tau Paulus Iboode Pa Yes Roma Rom--Romans 5:12 Referans Kwoze

Rau Tau Paulus Iboode Pa Yes Roma Rom--Romans 6:23

Ŋgar samia atia, nene mateeŋ. Eemoghon iit to taneep tuŋia ila to Tiina toit Yesu Krisi, Maaron igham poian ghiit, ve igham leed nepooŋ poia to pale iseeŋga itaghoni taghoni gha ila. Mbnp 2:17; Ezek 18:4; Yo 3:16; Ro 5:12; Yems 1:15

Yakobus 1:15

Ŋgara tovene: Ighaze ŋgar samia ivot ila lolood ve inim tiina, ghoro ipazaagh ghiit ve tagham sosor. Ve ighaze sosor toit ivot inim tiina kat, nene pale igham ghiit tamaat. Ŋgara inimale ndiliva to apodi. Ndinatudi titubtub ila apodi le sawa todi to popaaŋ ighaze ivot, ghoro tipoop. Ro 6:23

Rau Tau Paulus Iboode Pa Yes Roma Rom--Romans 5:21

Tovenen muuŋ, iit taneep ila ŋgar samia samba ve samia igham pooz pait. Tauto igham mateeŋ ivot pait. Eemoghon aazne, Tiina toit Yesu Krisi igham ghiit taneep deŋiaad ila Maaron mata wa. Tauto taneep ila poia to Maaron samba, ve poia toni ighamgham pooz pait. Leso tagham nepooŋ poia ila toni itaghoni taghoni gha ila. Yo 1:17; Ro 6:23

Yakobus 3:2

Iit tasob tatap ve taghamgham sosor naol naol. Ighaze tamtoghon eta iŋgin poian avo, ve saveeŋ toni isosor maau, ye pale iraua kat pa ŋgar popoia to naol ne. Tamtoghon tovene pale irau iŋgin poian nima, aghe, ve anoŋa dodoli isob. Mbo 34:13; Mt 12:37; Yems 1:26

Rau Tau Paulus Iboode Pa Yes Roma Rom--Romans 5:18

Tovenen onoon, Adam, ye ŋgeu ee moghon. Ve sawa to izoor Maaron aliŋa ve imalaaŋ pa tutuuŋ toni, sosor toni tonowen, tauto inim pughu pa Maaron ighur atia pa tamtoghon tisob. Krisi tovene paam. Ye ŋgeu ee moghon. Ve itaghon katin ŋgar deŋia, tauto igham ival tiina tineep deŋiadi ila Maaron mata, ve tigham nepooŋ poia ila toni. Ro 6:23; Pil 2:8; Hib 5:8+; 1Yo 2:2

Rau Tau Paulus Iboode Pa Yes Roma Rom--Romans 6:21

Vena? Ŋgar to aghami pa sawa tonenen, igham anoŋa poia eta ivot payam? Maau kat. Aazne, matamim iŋgal imuul ila pani, ve mayamim. Pasa, ŋgar tovene pale igham ghiit tamaat ve talaleed. Ro 8:13; Pil 3:19

1 Korin 15:56

Pasa, iiz to mateeŋ, nene ŋgar samia. Ve ŋgar samia ighamgham tapiri ila tutuuŋ. Mbnp 3:3; Ro 4:15, 5:12+, 7:9+

Epesus 2:3

Ve yam moghon maau. Yei paam. Pasa, muuŋ iit tasob rarateed. Sawa isob, lolood muŋgina ipapazaagh ghiit ve tagham ŋgar samsamia naol. Pasa, iit tamtoghon to taan gabuaad tovene. Tipoop ghiit toman ŋgar samia. Tauto muuŋ, mbalmbali to Maaron ineep toit tanimale tamtoghon tisob to taan. Mbo 51:5; Ro 1:18+; Tit 3:3