Rau Tau Paulus Iboode Pa Yes Roma Rom--Romans 4:21 - Mutu (Oov)

²¹ Pasa, Abaram ighur ila kat tovene: Ighaze Maaron imbua saveeŋ pa mbeb eta, nene ye tapiri irau igham anoŋa ivot. Mt 19:26

Maaron Saveeŋ Tooni Patabuyaaŋ Tuam

²¹ Pasaa, Abaram ighur ila kat tauvene: Isaav ighe Maaron imbu saveeŋ pa gabua eta, ene i tapiri irau igham anooŋa ivot. Mt 19:26

Rau Tau Paulus Iboode Pa Yes Roma Rom--Romans 4:21 Referans Kwoze

Lukas 1:37

Pasa, Maaron, mbeb eta ila muri maau.” Mbnp 18:14; Mt 19:26; Ro 4:21

Hibru 11:19

Pasa, ye igham ŋgar tovene: Ighaze Isak imaat, nene Maaron irau ipamundigini pa mateeŋ. Ve ŋgar to ivot pa Isak, nene inimale ye imaat wa, eemoghon Maaron ipamundigini pa mateeŋ, ve ighuri imuul ila to tama Abaram.

2 Timoti 1:12

Pughu tonene to aazne nambaad pataŋani naol. Eemoghon namatughez maau, ve mayag maau. Pasa, you nawatag Ŋgeu to naghur ila toni, ve naghur ila kat naghaze: Varu poia to ye ighuri inim nimag, ye tau pale iŋgin poiani le irau sawa to imuul inim. Ep 3:1+; 1Pe 4:19

Lukas 1:45

Poia to Ŋgeu Tiina pale iza tiom. Pasa, yom ughur ila ughaze saveeŋ to ye isavia payom, nene pale anoŋa ivot.”

Matayu 19:26

Yesu mata ila padi, ve isaav padi tovene: “Ighaze tamtoghon taudi titoova, nene pale tiraua maau. Eemoghon Maaron, mbeb eta ila muri maau.” Mbnp 18:14

2 Korin 9:8

Maaron, ye irau ighur poia toni tiina iza tiam ila ataam naol naol. Leso yam araua kat pa mbeb tisob irau sawa isob, ve irau agham uraat popoiadi to naol ne. Np 28:27; Pil 4:19

Rau Tau Paulus Iboode Pa Yes Roma Rom--Romans 14:4

Ve yom sei to ughaze uŋgabiiz yes mbesooŋa to Ŋgeu Tiina pa ŋgar to tighamghami? Maaron tau pale iŋgabiiz di. Ighaze ighita di ighaze ŋgar todi deŋia, ma tisosor, nene ye mbeb toni. Eemoghon ye pale ighita di ighaze ŋgar todi deŋia. Pasa, ye irau ipalot di, leso tiyoon ariaŋa ve titaghon ŋgar toni. Mt 7:1; Yems 4:11+

Rau Tau Paulus Iboode Pa Yes Roma Rom--Romans 8:38

Tovenen you naghur ila kat tovene: Iit to taneep tuŋia ila to Tiina toit Yesu Krisi, Maaron lolo ineep toit kat, ve mbeb eta irau irab motin ghiit pani maau. Mateeŋ, ma nepooŋaad to taan, aŋela eta, avuvu samia eta, mbeb to ledi tapiridi tintina, ŋgar to aazne ivotvot, ŋgar to muri pale ivot, mbeb to tineep sala, ma mbeb to tineep sila kat, mbeb tisob to Maaron ighur di, eta irau irab motin ghiit pa Maaron toit to lolo pait kat ne maau. Maau le maau kat.

Hibru 11:13

Yes tisob tonowen, ghurla todi igham pooz padi le irau mateeŋ todi. Onoon, saveeŋ to Maaron imbua toman di, yes tighita anoŋa maau. Pasa, sawa to saveeŋ tonowen anoŋa ivot, nene inepneep mala sone. Eemoghon lolodi poia pa saveeŋ mbuaaŋ to Maaron inimale tighita anoŋa wa. Ve tivotia taudi tighaze: “Taan, nene ndug tiei kat maau. Nepooŋ tiei to taan, nene nineep ninim loomba moghon. Pasa, ndug tiei kat, nene sambam.” Mbnp 23:4; 119:19; 2Kor 5:7

Lukas 1:1

O tiina tiou Teopilus, Maaron igham uraat tiina ivot ila iit lolood itaghon saveeŋ mbuaaŋ toni. Sawa to uraat tonowen ivot muuŋ ve inim, ndiran pida tinepneep, ve tighita pa matadi. Tauto tipariaaŋ uraat tonenen saveeŋa ve tigham uraata. Ndiran tonowen tisaav pooi payei pa uraat tonenen. Leso niwatagi paam. Ve tamtoghon katindi titoova pa timbood poian kamos tonenen ila rau. Mbaŋ 1:1+; Hib 2:3; 1Yo 1:1

Rau Tau Paulus Iboode Pa Yes Roma Rom--Romans 14:5

Ve tamtoghon pida, yes tighita tighaze sawa eez to suŋuuŋ, nene patabuaŋ ilib pa sawa pida. Ve tamtoghon pida tighita tighaze sawa to naol, nene raratedi moghon ila Maaron mata. Nene poia. Tamtoghon eŋaeŋa irau tigham ŋgar pooi pa mbeb tonene, ve sa ŋgar to tighita tighaze deŋia, ghoro titaghoni.