Rau Tau Paulus Iboode Pa Yes Roma Rom--Romans 2:28 - Mutu (Oov)

^28-29 Ighaze tamtoghon eta iparim tau ighaze ye Yuda, eemoghon itaghon Maaron ŋgar toni maau, nene ye Yuda tau maau. Pasa, ŋgar tau to yes Yuda, nene mbeb to lolood. Ve uraat to zirooŋ tamtoghon tovene paam. Nene mbeb to uliid moghon maau. Nene mbeb to lolood. Maaron Avuvu igham ŋgar muŋgina ilale, ve igham ŋgar paghu ivot ila lolood. Mbeb tovene, tutuuŋ to timbooda, irau igham pait maau. Tamtoghon to ighaze mbeb tovene ivot pani, ye pale igham ŋgar pa pakuruuŋ to tamtoghon maau. Ye pale izuaria tau pa pakuruuŋ to inim pa Maaron moghon. Ro 9:6+; 1Kor 4:5; 2Kor 3:6; Ga 6:15; Pil 3:3; Kol 2:11+

Maaron Saveeŋ Tooni Patabuyaaŋ Tuam

^28-29 Isaav ighe tamtamon eta ipamir tauu ighe i Yuda, eemon itaghon Maaron ŋgar tooni mako, ene i Yuda tauu mako. Pasaa, ŋgar tauu to yes Yuda, ene gabua to loloon. Ve uraat to ravuuŋ tamtamon warozi tauvene paam. Ene gabua to uliin mon mako. Ene gabua to loloon. Maaron Avuvu igham ŋgar muŋgaana ilale, ve igham ŋgar paaghu ivot ila loloon. Gabua tauvene, tutuuŋ tau tiboode na irau igham pait mako. Tamtamon tau ighe gabua tauvene ivot pani, i aat igham ŋgar pa pakuruuŋ to tamtamon mako. I aat izuari ghi pa pakuruuŋ tau ilam pa Maaron mon. Ro 9:6+; Ga 6:15; Pil 3:3; Kol 2:11+

Rau Tau Paulus Iboode Pa Yes Roma Rom--Romans 2:28 Referans Kwoze

Galesia 6:15

Tovenen ighaze tizir ghiit, ma tizir ghiit maau, nene mbeb sorok. Uraat to Maaron to igham ghiit tanim paghu, mbeb tonene moghon to mbeb tau. Yo 3:3; Ro 2:28; 2Kor 5:17; Ga 5:6

Matayu 3:9

Yam aghaze Abaraam papaghu toni yam. Eemoghon anumeer mbeb tonenen malep. Pasa, you nasaav payam: Maaron, ye irau isaav pa yaam tonene, ve timundig tinim Abaraam papaghu toni. Yo 8:33,39; Ro 2:28+; Ga 3:7

Saveeŋ Yoŋgaaŋ 2:9

‘You nawatag: Pataŋani naol toman mbolaaŋ tiina igham ghom. Eemoghon you naghita ghom naghaze yom uraua kat pa ŋgar naol to Maaron. Ve you nawatag: Yes Yuda pida to yamŋa anepneep, tiŋgal saveeŋ naol payom. Onoon, ndiran tonowen tiparim taudi tighaze yes Yuda. Eemoghon yes Yuda tau maau. You naghita di naghaze yes lupuuŋ to Sadan. Yo 8:39+; Ro 2:28+; Yems 2:5

1 Petrus 3:21

Ya tonowen, nene inimale ŋgar to ghamuuŋ ya to aazne igham mulin gham. Nene nasavia ŋgar to tirughuuz ghiit ve muun ighau pa tiniid ne maau. Pasa, mbeb tiina kat to ghamuuŋ ya, nene vene: Iit taghason Maaron pa igham ghiit taŋgalaaŋ ila mata, ve tambua saveeŋ pa tataghon ŋgar toni. Ŋgar tovene irau igham mulin gham pasa, Maaron ipamundigin Yesu Krisi pa mateeŋ wa. Tit 3:5; Hib 10:22

Rau Tau Paulus Iboode Pa Yes Roma Rom--Romans 2:17

Yom sei to uwaat taum ughaze yom Yuda, you leg saveeŋ payom paam. Pasa, yom unumeer tutuuŋ to Mose ughaze igham ghom uneep deŋiam ila Maaron mata, ve upapait taum ughaze yom uwatag katin Maaron. Mt 3:9; Yo 5:45; Ro 9:4+

Yoan 1:47

Yesu ighita Natanael iŋarua inim, ve isaav ighaze: “Aghita. Ŋgeu to inim ne, ye Israel tau. Ŋgar kaarom eta ineep ila lolo maau.” Mbo 32:2; Ro 2:28, 9:6+

Epesus 2:11

Yam to Yuda maau ne, matamim iŋgal. Muuŋ, yes Yuda tipapait taudi tighaze yes, ghoro tizir di. Ve tiveveleg gham tighaze yam tizir gham maau. Eemoghon uraat to zirooŋ tamtoghon, nene mbeb to uliid moghon to tamtoghon tigham pa nimadi. Nene igham mbeb eta pa lolood maau.