Rau Tau Paulus Iboode Pa Yes Roma Rom--Romans 2:25 - Mutu (Oov)

²⁵ Ighaze utaghon katin tutuuŋ to Maaron, nene pale ŋgar to zirooŋ ghom iuul ghom. Ve ighaze umamalaaŋ pa tutuuŋ toni, nene pale ŋgar to zirooŋ ghom inim mbeb sorok, ve Maaron ighita ghom ighaze yom raratem unumale yes to tizir di maau. Ga 5:3

Maaron Saveeŋ Tooni Patabuyaaŋ Tuam

²⁵ Isaav ighe utaghon duduŋai tutuuŋ to Maaron, ene aat ŋgar to ravuuŋ warom iuul ghom. Ve isaav ighe umamalaaŋ pa tutuuŋ tooni, ene aat uraat to ravuuŋ warom imin kaut sorok, ve Maaron ighit ghom ighe yo raratem imin yes tau tirav warozi mako na. Ga 5:3

Rau Tau Paulus Iboode Pa Yes Roma Rom--Romans 2:25 Referans Kwoze

Galesia 6:15

Tovenen ighaze tizir ghiit, ma tizir ghiit maau, nene mbeb sorok. Uraat to Maaron to igham ghiit tanim paghu, mbeb tonene moghon to mbeb tau. Yo 3:3; Ro 2:28; 2Kor 5:17; Ga 5:6

Uraat To Yes Mbaŋooŋa 7:51

Ghoro Stepanus isaav pa yes to tipayoonda pa savsaveeŋ ighaze: “Yam ndiran to zoraaŋ saveeŋ. Ŋgar tiam ariaŋa kat animale yes to tiwatag Maaron maau! Ŋgar samia to ineep ila lolomim, Maaron iwaana ivot sone. Ve taliŋamim ivool kat. Sawa isob, yam azorzoor Avuvu Patabuaŋ ŋgar toni, inim muuŋ nditimbumim tighamghami. Igham 32:9; Lo 10:16; Is 63:10

Rau Tau Paulus Iboode Pa Yes Roma Rom--Romans 2:28

Ighaze tamtoghon eta iparim tau ighaze ye Yuda, eemoghon itaghon Maaron ŋgar toni maau, nene ye Yuda tau maau. Pasa, ŋgar tau to yes Yuda, nene mbeb to lolood. Ve uraat to zirooŋ tamtoghon tovene paam. Nene mbeb to uliid moghon maau. Nene mbeb to lolood. Maaron Avuvu igham ŋgar muŋgina ilale, ve igham ŋgar paghu ivot ila lolood. Mbeb tovene, tutuuŋ to timbooda, irau igham pait maau. Tamtoghon to ighaze mbeb tovene ivot pani, ye pale igham ŋgar pa pakuruuŋ to tamtoghon maau. Ye pale izuaria tau pa pakuruuŋ to inim pa Maaron moghon. Ro 9:6+; 1Kor 4:5; 2Kor 3:6; Ga 6:15; Pil 3:3; Kol 2:11+

Rau Tau Paulus Iboode Pa Yes Roma Rom--Romans 2:23

Yom to upapait taum ughaze uwatag katin tutuuŋ to Maaron, vena? Taum umalaaŋ pa tutuuŋ tonowen rita maau? Pasa, ighaze umalaaŋ pani, yom uwaghamun Maaron iza.

Rau Tau Paulus Iboode Pa Yes Roma Rom--Romans 2:13

Ve tapatum ghiit. Pasa, loŋaaŋ tutuuŋ moghon irau igham ghiit taneep deŋiaad ila Maaron mata ne maau. Tataghon tutuuŋ, ghoro taneep deŋiaad ila ye mata. Mt 7:21; Yems 1:22+, 2:22+

Rau Tau Paulus Iboode Pa Yes Roma Rom--Romans 2:26

Ve ighaze ŋgeu eta tiziri maau, eemoghon mata kisin tutuuŋ to Maaron ve itaghoni, nene pale Maaron ighita ighaze ye ineep deŋia ila mata raraate inimale yes to tizir di. Ro 2:7,10; Ga 5:6

Rau Tau Paulus Iboode Pa Yes Roma Rom--Romans 2:27

Onoon, tutuuŋ to timbooda, yam Yuda awatagi. Ve tizir gham wa. Eemoghon ighaze amamalaaŋ pa tutuuŋ, ghoro apatum gham. Pasa, yes to tizir di maau, eemoghon matadi kisin tutuuŋ to Maaron ve titaghoni, yes pale tipatooŋ sosor tiam ivot ighazooŋ, ve Maaron ighur atia tiina payam. Mt 12:41+

1 Korin 7:19

Pasa, ighaze tizir ghiit, ma tizir ghiit maau, nene mbeb sorok. Ve ŋgar to taghoniiŋ Maaron tutuuŋ toni, nene mbeb tau. Ro 2:25; Ga 5:6, 6:15

Galesia 6:13

Yes to tiyoon ariaŋa pa ŋgar to zirooŋ tamtoghon, taudi titaghon katin tutuuŋ to Mose maau. Yes tizoorndug tighaze tizir gham pasa, tighaze tigham gham ataghon ŋgar todi. Leso tipait taudi izadi.