Rau Tau Paulus Iboode Pa Yes Roma Rom--Romans 2:24 - Mutu (Oov)

²⁴ Ŋgar to ughami, timbood saveeŋa pataghaaŋ wa. Tighaze: “Ŋgar to yam aghami, nene inim pughu pa ndug ndug to Yuda maau ne tipiyaav saveeŋ velegiiŋ pa Maaron.” Ezek 36:20+; 2Pe 2:2

Maaron Saveeŋ Tooni Patabuyaaŋ Tuam

²⁴ Ŋgar tau ughamu na, tibood saveeŋa pataghaaŋ wa. Tighe: “Ŋgar tau yam aghamu na, ene imin puughu pa nugh nugh tau Yuda mako na tisiksik saveeŋ veleghiiŋ pa Maaron.” Ezek 36:20+; 2Pe 2:2

Rau Tau Paulus Iboode Pa Yes Roma Rom--Romans 2:24 Referans Kwoze

2 Petrus 2:2

Ndiran tonanan ledi mayadi maau. Matadi samia tinimale ŋgavuun. Ve ival tiina pale titaghon di pa ŋgar todi samia tonowen. Tovenen ŋgar to tighami, pale inim pughu pa tamtoghon tipiyaav saveeŋ velegiiŋ pa ataam to saveeŋ onoon.

Titus 2:8

Tovenen usavia saveeŋ poia moghon to igham lupuuŋ to Krisi ilaan poia. Leso tamtoghon irau tiyou avodi payom maau, ve koiaadŋa to tizorzoor ghiit ne, irau tipiyaav saveeŋ samia eta pait maau. Pale mayadi ve neneeŋadi moghon pasa, tighilaal ghom tighaze lem sosor eta maau. Tit 1:9; 1Pe 2:15, 3:16

Titus 2:5

Ve lolodi ipazaagh di rikia malep. Atedi imaat ve tigham ŋgar pooi, ghoro tigham mbeb. Ve titaghon ŋgar ŋgalaaŋa ila Maaron mata, tiŋgin poian ndug ve ruum todi, tigham poian tamtoghon, ve titatan taudi ve tineep ila ndizwadi sambadi. Leso tamtoghon tipiyaav saveeŋ samia iŋarua Maaron aliŋa sob. Ep 5:22; Kol 3:18; 1Pe 3:1

1 Timoti 6:1

Mbesooŋa tisob to tinim Krisi le wa, yes irau tineep ila daba todi sambadi, ve titandag padi ve tipakur di. Leso tamtoghon tiwaghamun Maaron toit iza sob, ve tiyou avodi pa saveeŋ to Krisi to iit tapatoot tamtoghon pani ne malep. Ep 6:5+; Kol 3:22+; Tit 2:9+; 1Pe 2:18+

Matayu 18:7

Tamtoghon to taan to tinim watiiŋ pa nditadi, yes tikaria taudi wa. Onoon, tovaaŋ naol pale tivot, ve tipamundigin tamtoghon pa tigham ŋgar samsamia, ve tigham di titap pa ghurla todi. Eemoghon tamtoghon to ighaze inim watiiŋ pa ita ite, ve ighami itap pa ghurla toni, nene ye ikaria tau wa.

1 Timoti 5:14

Tovenen you nagham ŋgar naghaze yes ndinaara papaghudi tivai muul, ve tipoop, ve tiŋgin poian taudi ruum todi, ghoro poia. Leso ledi sosor eta ila koiaadŋa matadi sob, ve irau tiyou avodi pait maau. 1Kor 7:9