Rau Tau Paulus Iboode Pa Yes Roma Rom--Romans 2:19 - Mutu (Oov)

^19-20 Yom ugham ŋgar ughaze ŋgar popoia ve saveeŋ onoon to ineep ila tutuuŋ to Mose, yom ughazooŋ pani wa. Tauto unumeer taum ughaze yom irau upatooŋ ataam pa yes to matadi pisi, ve unum ghazooŋa pa yes to tineep ila ndoroom lolo. Ve ughaze upasaluŋgan yes kankanooŋa, ve upatoot yes to ŋgar todi imatu sone. Mt 15:14; Yo 9:40+

Maaron Saveeŋ Tooni Patabuyaaŋ Tuam

^19-20 Yo ugham ŋgar ughe ŋgar popoia ve saveeŋ onoon tau igheen ila tutuuŋ to Mose na, yo ughazooŋ pani wa. Tauta unumeer ughe yo irau utotoi eez pa yes tau matazi kumkuuma na, ve umin ghazooŋa pa yes tau tileep ila ndoroom loolo. Ve ughe upaduduuŋ yes kankanooŋa, ve upaghazoŋai yes tau ŋgar toozi ŋgaala soone na. Mt 15:14; Yo 9:40+

Rau Tau Paulus Iboode Pa Yes Roma Rom--Romans 2:19 Referans Kwoze

1 Korin 4:10

Yei mbaŋooŋa nizuaria ghei pa taghoniiŋ Krisi, ve tamtoghon tighita ghei tighaze niwaghamgham ninimale borouŋa. Eemoghon yam, ghoro aghaze Krisi igham gham araua kat pa ŋgar! Yei tapirimai imbool, ve lemai izamai maau. Eemoghon yam, ghoro aghaze tapirimim tintina ve izamim tintina. Yam araua kat! Mbaŋ 26:24; 1Kor 2:3; 2Kor 13:9

Yoan 9:34

Saveeŋ toni tonene ireu lolodi kat. Tovenen tipiyaav saveeŋ pani tighaze: “Ai, yom tonene, sawa to tinam ipoop ghom ve inim aazne, unepneep ilooŋ ila ŋgar samia lolo. Ve yom ughaze upatoot ghei pa Maaron aliŋa?” Tisaav pani tovene, ghoro tizuruni ighau.

Matayu 6:23

Eemoghon ighaze matam pisi, ve ughilaal ghazooŋa to Maaron maau, nene ipatooŋ ghom ighaze ŋgar to ndoroom ivon ila lolom. Tovenen upatum ghom. Pa vene, unumeer sorok ughaze ghazooŋa to Maaron ineep ila lolom wa. Eemoghon lolom ivonvon pa ŋgar to ndoroom sone. Ndoroom tovene, nene tiina kat. Ilib pa ndoroom pida.

Matayu 5:14

Ve yam animale lam to taan. Pasa, yam apatooŋ ghazooŋa to Maaron pa tamtoghon. Iit tawatag: Ighaze ndug eta ineep izala ndug mbuŋa, nene irau iyooŋ maau. 2Kor 4:6; Ep 5:8

Pilipai 2:15

Leso lemim sosor eta sob, ve ŋgar tiam isob iŋgalaaŋ ve deŋia moghon ila Maaron mata, ve aneep animale ye ndinatu. Ival tiina to taan to aneep ila lolodi, laghooŋ todi deŋia maau, ve titaghon ŋgar samsamia. Eemoghon yam akis saveeŋ mata yaryaara, ve azuzuuna ila todi, tauto apatooŋ ghazooŋa to Krisi padi animale pitum to tiraŋ pa mboŋ. Ighaze yam ataghon ŋgar naol tonene, sawa to Krisi imuul inim, you pale lolog poia, ve napakur ghou payam. Pasa, gabuamim pale ipatooŋ ghou ighaze you napul tapirig payam sorok maau. You nagham katin uraat tiou ve anoŋa ivot. Mt 5:14+; Ep 5:1,8; 1Tes 2:19+

1 Korin 3:18

Yam agham kaarom pa taumim malep. Ighaze tiam eta ighaze ye iraua kat pa ŋgar to taan to aazne tamtoghon tizuaria di pani, ye irau ipul muri pa ŋgar tonowen, ve itaghon ŋgar to Krisi to ndiran to taan tighita inimale ŋgar to borouŋa. Leso ighazooŋ pa Maaron ŋgar toni ve ataam to ineep pooi.

Uraat To Yes Mbaŋooŋa 26:18

Ve yom pale upaghazoŋan di payou. Leso titoor ŋgar todi, ve tighur muridi pa Sadan tapiri ve ŋgar samsamia to ndoroom, ve tiŋarua Maaron ve ghazooŋa toni. Ighaze tigham tovene, nene pale nareu sosor todi ilale. Ve sawa to Maaron irei mbeb popoia pa tamtoghon toni patabuaŋa, nene pale yes ledi ndamodi paam. Pasa, tighur inim tiou ve tinim ye le wa.’ Yo 8:12; Mbaŋ 2:38; Ep 1:18, 5:8; Kol 1:13

Lukas 1:79

Yes to ndoroom ikau di, ve tineep ila mateeŋ yavyaava, ghazooŋa tonowen pale isul di, ve ipaghazoŋan di. Ve ye pale igham pooz pait, leso tataghon ataam to taneep poia toman lolood luuma.” Is 9:1+; Mt 4:16; Yo 8:12; Mbaŋ 26:18

Markus 10:15

You nasaav payam kat: Ighaze tamtoghon eta itaghon pooz to Maaron ŋgara inimale ndipain geegeu tonene maau, ye pale irau ilooŋ ila ndug toni ne maau.” Mt 18:3

Rau Tau Paulus Iboode Pa Yes Roma Rom--Romans 2:18

Ŋgar to Maaron lolo pani, yom uwatagi. Ve mbeb to poia kat ilib pa mbeb tisob, nene tutuuŋ ipaghazoŋan ghom pani ve ughilaala wa.