Rau Tau Paulus Iboode Pa Yes Roma Rom--Romans 16:20 - Mutu (Oov)

²⁰ Maaron toit, ye igham ghiit taneep poia toman lolood luuma. Mala maau pale iuul gham, leso atatan Sadan tapiri ve avazagi ila aghemim samba. Mbnp 3:15; Syg 12:11 Poia to Tiina toit Yesu Krisi ineep toman gham.

Maaron Saveeŋ Tooni Patabuyaaŋ Tuam

²⁰ Maaron toit, i igham ghiit taleep poia toman loloon luuma. Malau mako pale iuul gham, leso atatan Sadan tapiri ve avaghaaza ila aghemim saamba. Gnp 3:15; Syg 12:11 Poia to Tiina toit Yesu Krisi igheen tomani gham.

Rau Tau Paulus Iboode Pa Yes Roma Rom--Romans 16:20 Referans Kwoze

Lukas 10:19

Alooŋ. You nagham lemim tapirimim to avazag moot samsamiadi toman skorpion, ve atatan koiaad Sadan tapiri le isob. Ve mbeb eta pale irau iwaghamun gham maau. Mbo 91:13; Mk 16:18; Mbaŋ 28:5

1 Yoan 3:8

Eemoghon ighaze tamtoghon eta ighamgham ŋgar samia irau sawa isob, nene ye ŋgeu to Sadan. Pasa, muuŋ kat ve inim, Sadan ighamgham ŋgar samia. Eemoghon Maaron Natu izi inim taan, ve ipatooŋ tau ivot ighazooŋ, leso ireu uraat to Sadan isob ilale. Yo 8:44; Hib 2:14

Saveeŋ Yoŋgaaŋ 12:10

Ghoro nalooŋ bobaaŋ tiina ivot izi ndug sambam tighaze: “Aazne, Maaron toit igham mulin tamtoghon toni ve tineep pooi, ve ipatooŋ tapiri toman pooz toni ivot ighazooŋ wa. Ve ighur mbeb to naol ne tisob tineep ila Mesia toni samba, leso iŋgin di. Pasa, Ŋgeu Samia to mboŋ ve ndag iŋgalŋgal saveeŋ pa toŋvetaz toit ila Maaron mata, tauto tizuruni pa ndug sambam, ve tipiyaava izila taan wa. Yop 1:9+; Sek 3:1

Rau Tau Paulus Iboode Pa Yes Roma Rom--Romans 15:33

Maaron, ye igham ghiit taneep poia toman lolood luuma. Ye tau pale ineep toman gham asob. Onoon.

Saveeŋ Yoŋgaaŋ 22:21

Poia to Tiina toit Yesu iza to yam asob. Onoon.

1 Tesalonika 5:28

Poia to Tiina toit Yesu Krisi iza tiam. Onoon.

2 Tesalonika 3:18

Poia to Tiina toit Yesu Krisi ineep toman gham asob. Onoon. 1Kor 16:23

2 Korin 13:14

Poia to Tiina toit Yesu Krisi iza to yam asob, ve ŋgar to Tamaan Maaron to lolo ineep toit ne ineep toman gham, ve Avuvu Patabuaŋ ilup gham anim ee moghon. Onoon.

Rau Tau Paulus Iboode Pa Yes Roma Rom--Romans 8:37

Eemoghon pataŋani naol tonene irau tiwaghamun ghiit maau. Pasa, Krisi lolo pait kat, ve igham ghiit talib padi. Yo 16:33; 1Kor 15:57; 2Kor 2:14; 1Yo 4:4; Syg 12:11

Pilemon 1:25

Poia to Tiina toit Yesu Krisi iza to yam asob tonanan. Onoon.

Pilipai 4:23

Poia to Tiina toit Yesu Krisi ineep toman yam asob. Onoon.

Galesia 6:18

Yam toŋvetaz, poia to Tiina toit Yesu Krisi ineep toman gham. Onoon.

1 Korin 16:23

Poia to Tiina toit Yesu ineep toman gham.

2 Timoti 4:22

Timoti, Tiina toit pale ineep toman ghom, ve poia toni iza to yam asob. Onoon.

Rau Tau Paulus Iboode Pa Yes Roma Rom--Romans 16:23

Gaius paam igham ndag poia toni payam. Ye to igham ghou naneep tomani ila ruum toni. Ye iŋgin poian ghou, toman tamtoghon tisob to Krisi to tiluplup di pa suŋuuŋ ila ruum toni. Ve Erastus to iŋgin yaam to ndug tonene, yesuru toŋvetaz toit Kwartus tigham ndag poia todi ilat payam paam. Mbaŋ 19:29; 1Kor 1:14

Matayu 4:10

Eemoghon Yesu izuruni ighaze: “Sadan, yom ughau ula! Pasa, Maaron aliŋa to timbooda, isaav tovene: ‘Uput aghem pa Tiina tiom Maaron moghon, ve umbees pa ye eŋgeni.’ ” Lo 6:13; Mt 16:23

Rau Tau Paulus Iboode Pa Yes Roma Rom--Romans 16:24

Poia to Tiina toit Yesu Krisi iza tiam. Onoon.