Rau Tau Paulus Iboode Pa Yes Roma Rom--Romans 15:6 - Mutu (Oov)

⁶ Leso yam asob lolomim ee moghon, ve alup avomim, ve apait Tiina toit Yesu Krisi Tama Maaron pa tapiri ve poia toni. Onoon.

Maaron Saveeŋ Tooni Patabuyaaŋ Tuam

⁶ Leso yam asov lolomim eemon, ve alup avomim, ve apait Tiina toit Yesu Krisi Taama Maaron pa tapiri ve poia tooni. Onoon.

Rau Tau Paulus Iboode Pa Yes Roma Rom--Romans 15:6 Referans Kwoze

Saveeŋ Yoŋgaaŋ 1:6

Ve igham ghiit tanim ye tau le. Leso tapatooŋ pooz toni pa tamtoghon, ve tambees pa Tama Maaron tanimale ndiran to watooŋrau. Yesu Krisi, ye iza tiina pa tapiri ve poia toni, ve iŋgin mbeb tisob. Tovenen iit tapaiti to aazne ve itaghoni taghoni gha ila. Onoon. Igham 19:6; 1Pe 2:9; Syg 5:10

Epesus 1:3

Iit tapait Maaron, ye Tiina toit Yesu Krisi Tama. Pasa, iit to taneep tuŋia ila to Krisi, Maaron igham poian ghiit, ve igham mbeb popoiadi naol to ndug sambam pait, leso ipalot anunuud.

Uraat To Yes Mbaŋooŋa 4:24

Nditadi tilooŋ paesiiŋ todi, ve tisob tilup lolodi inim ee moghon, ve titaŋ roran Maaron tighaze: “Tiina tiei, yom ughur sambam, taan, ve te, toman mbeb tisob to tineep ila, ve uŋgin di.

2 Korin 11:31

Tiina toit Yesu Krisi Tama Maaron, iit irau tapait iza irau sawa isob. Ye iwatag: Saveeŋ tiou tonene, kaarom maau. Onoon moghon. Ro 1:9+; 2Kor 1:23

1 Petrus 1:3

Iit tapait Tiina toit Yesu Krisi Tama Maaron pa poia toni. Pasa, ye lolo isamin ghiit ve ate waaro iit kat. Aghita. Ye ipamundigin Yesu Krisi pa mateeŋ, ve ila mundigiiŋ to Krisi, iit tagham nepooŋ paghu wa. Tauto izaad pa nepooŋ to taneep mataad iyaryaar le alok, ve aazne taghurghur mataad pa nepooŋ tonowen. Yo 3:3; Ep 1:18+; Tit 3:5+ Nepooŋ to isasaŋan ghiit izi ndug sambam, nene poia moghon. Ve irau isami, ma isob ne maau. Inepneep tovene itaghoni taghoni gha ila. Pasa, Maaron tau iŋgini pait. Kol 1:5; 2Tim 4:8

2 Korin 1:3

Lolood poia pa Tiina toit Yesu Krisi Tama Maaron, ve tapaiti pa poia toni. Pasa, ye lolo isamin ghiit ve iuluul ghiit. Ye Maaron to irabrab ateed ve ipapalot ghiit irau sawa isob. Ep 1:3; 1Pe 1:3

Uraat To Yes Mbaŋooŋa 4:32

Yes to tighur ila to Yesu, tisob lolodi ve ŋgar todi ee moghon, ve tiwaulan di. Todi eta iŋguruut mbeb toni ve isaav ighaze nene mbeb to tau moghon ne maau. Tighita mbeb todi tisob tighaze nene mbeb to ival tisob. Lu 12:33; Mbaŋ 2:44+

Yoan 20:17

Yesu isaav pani muul ighaze: “Usavag ghou malep. Pasa sawa to nazala to Tamaŋ, nene sone. Umuul ula to nditazig, ve upaes padi tovene: You pale namuul nazala to Tamaŋ. Ye, yam Tamamim paam. Ve ye Maaron tiou, ve Maaron tiam paam.” Hib 2:11+

Kolosi 1:3

Sawa isob to yeru nighur gham ila suŋuuŋ tiei, nipait Tiina toit Yesu Krisi Tama Maaron toman lolomai poia kat.