Rau Tau Paulus Iboode Pa Yes Roma Rom--Romans 14:11 - Mutu (Oov)

¹¹ Saveeŋa timbooda pataghaaŋ wa tovene: “You Tiina tiam. Naneep irau sawa isob. Avog iyaryaaŋ naghaze: Tamtoghon tisob pale tiput aghedi payou ve tipait ghou, ve tisaav ghazooŋa tighaze you Maaron tau.” Is 45:23; Pil 2:10+

Maaron Saveeŋ Tooni Patabuyaaŋ Tuam

¹¹ Saveeŋa tiboode pataghaaŋ wa tauvene: “Yau Maaron tau naleep le alok. Ve avog iyaryaaŋ naghe: Tamtamon tisov aat tiput aghezi payau ve tipait ghau, ve tisaav ghazooŋa tighe yau Maaron tauu.” Is 45:23; Pil 2:10+

Rau Tau Paulus Iboode Pa Yes Roma Rom--Romans 14:11 Referans Kwoze

Rau Tau Paulus Iboode Pa Yes Roma Rom--Romans 10:9

Saveeŋ tonowen isaav pait tovene: Ighaze taum avom uvotia ghurla tiom ila ival tiina matadi ughaze: “Yesu, ye Tiina tiou,” ve ighaze lolom ighur ila ughaze Maaron ipamundigini pa mateeŋ wa, nene pale Maaron igham mulin ghom, ve uneep pooi. Yo 3:15; Mbaŋ 16:31

1 Yoan 4:15

Ighaze tamtoghon eta isaav ghazooŋa ighaze ye ighur ila ighaze Yesu, ye Maaron Natu, nene Maaron ineep tuŋia ila toni, ve ye ineep tuŋia ila to Maaron, ve yesuru tilup di tinim ee moghon.

Rau Tau Paulus Iboode Pa Yes Roma Rom--Romans 15:9

Ve igham ndug ndug to Yuda maau ne tipait Maaron iza pa tapiri ve poia toni. Pasa, ye lolo isamin di ve ireu sosor todi. Saveeŋa timbooda pataghaaŋ wa. Isaav tovene: “You pale napait ghom ila ndug ndug to Yuda maau ne lolodi, ve nambou mbouŋ pa napakur izam.” Mbo 18:49; Yo 10:16

Matayu 10:32

“Ival tisob to tisaav ghazooŋa ila tamtoghon matadi tighaze yes tinim leg ve titaghon ghou, nene pale you paam nasaav ghazooŋa ila Tamaŋ to ineep izi sambam we mata naghaze yes tinim leg wa.

Saveeŋ Yoŋgaaŋ 5:14

Ve mbeb matadi yaryaara paaŋ tiyolyol saveeŋ tighaze: ‘Onoon! Onoon!’ Ve yes ŋginiiŋa tamoot ee ve paaŋ paam, titap tizi ve tipait Maaron toman Sipsip toni.

2 Yoan 1:7

You nasaav payam tovene pasa, ndiran kaaromŋa naol tila tirau taan, ve tipapaghau tamtoghon pa ataam to Maaron. Saveeŋ to iit tavovotia taghaze Yesu Krisi izi inim taan ve inim tamtoghon, nene yes tivotia maau. Pasa, yes tighur ila tovene maau. Tamtoghon to ighaze igham tovene, ye ŋgeu to kaarom, ve inim Yesu koia. 1Yo 2:18+, 4:1+