Rau Tau Paulus Iboode Pa Yes Roma Rom--Romans 10:20 - Mutu (Oov)

²⁰ Ve propet Isaia isaav ghazooŋa kat ighaze: “Tamtoghon to tizuaria di payou maau, yes tauto tindeeŋ ghou. Ve yes to tighason payou maau, tauto napatooŋ taug padi.” Is 65:1; Ro 9:30

Maaron Saveeŋ Tooni Patabuyaaŋ Tuam

²⁰ Ve propet Isaia isaav ghazooŋa kat ighe: “Tamtamon tau tizuari zi payau mako na, yes tana ta tindeeŋ ghau. Ve yes tau tighason payau mako, tauta natotoi taug pazi.” Is 65:1; Ro 9:30

Rau Tau Paulus Iboode Pa Yes Roma Rom--Romans 10:20 Referans Kwoze

Rau Tau Paulus Iboode Pa Yes Roma Rom--Romans 9:30

Tovenen pale tasaav vena? Ndug ndug to muuŋ tizuaria di pa tineep deŋiadi ila Maaron mata maau, tauto aazne tighur ila to Krisi, ve ye igham di tineep deŋiadi ila Maaron mata wa. Ro 1:16+, 3:22, 4:5; Ga 2:16; Pil 3:9

Lukas 14:23

“Tiina toni ipamuul aliŋa: ‘Ighaze venen, upul ndug tonene, ve ula ulaagh taghon ataam ve uum digedi, ve umbuur ariaŋa pa tamtoghon, ve yamŋa anim. Leso tipavonin ruum tiou le ivon kat.

Matayu 20:16

Ghoro Yesu ipasob saveeŋ toni ighaze: “Tovenen yes to timuuŋ, nene pale tizi tineep muri kat. Ve yes to tineep muri kat, nene pale tila timuuŋ.”

1 Yoan 4:19

Maaron lolo ineep toit ve igham poian ghiit muuŋ. Tauto aazne, iit lolood pani, ve lolood pa tamtoghon paam.

Rau Tau Paulus Iboode Pa Yes Roma Rom--Romans 9:31

Eemoghon yes Yuda to tizuaria di tighaze le titaghon katin tutuuŋ to Mose, leso tineep deŋiadi ila Maaron mata, nene yes titoova le tiraua maau. Ro 10:2+, 11:7; Ga 5:4

Rau Tau Paulus Iboode Pa Yes Roma Rom--Romans 10:3

Pasa, ataam to Maaron igham ghiit taneep deŋiaad ila mata, nene tighilaala sone. Tauto tizurun ataam toni tonowen, ve tiyoon ila ataam to taghoniiŋ tutuuŋ tighaze ŋgar tonowen pale igham di tineep deŋiadi ila Maaron mata. Ro 9:31+; Pil 3:9