Rau Tau Paulus Iboode Pa Yes Roma Rom--Romans 1:32 - Mutu (Oov)

³² Eemoghon yes tiwatag: Maaron isaav pataghaaŋ wa ighaze yes to tighamgham ŋgar tovene, nene poia pa timaat ve tilaledi. Eemoghon maau. Tinoknoki sone. Ve ighaze nditadi pida titaghon di pa ŋgar todi samia tonowen, nene igham di lolodi poia ve tipait di. Mbo 50:18; Ro 6:21,23

Maaron Saveeŋ Tooni Patabuyaaŋ Tuam

³² Eemon yes tiwatagh: Maaron isaav pataghaaŋ wa ighe yes tau tighamgham ŋgar tauvene, ene poia to timaat gha tilalez. Eemon mako. Tinoknoki soone. Ve isaav ighe zetazŋa siriv titaghon zi pa ŋgar toozi saghati tawe, ene igham zi lolozi poia ve tipait zi. Mbo 50:18; Ro 6:21,23

Rau Tau Paulus Iboode Pa Yes Roma Rom--Romans 1:32 Referans Kwoze

Rau Tau Paulus Iboode Pa Yes Roma Rom--Romans 1:21

Pasa, yes tiwatag: Maaron inepneep. Eemoghon tiroron pani maau. Matadi velegini inimale mbeb sorok. Ve lolodi poia pani ve tipaiti pa ŋgar popoia to ye ighamgham padi ne maau. Pasa, mbeb soroksorok to anoŋadi maau, tighamun ŋgar todi le tiwaghamgham. Ŋgar todi ighazooŋ maau inimale tineep ila ndoroom lolo. Mbnp 8:21; Ep 4:17+

Rau Tau Paulus Iboode Pa Yes Roma Rom--Romans 6:21

Vena? Ŋgar to aghami pa sawa tonenen, igham anoŋa poia eta ivot payam? Maau kat. Aazne, matamim iŋgal imuul ila pani, ve mayamim. Pasa, ŋgar tovene pale igham ghiit tamaat ve talaleed. Ro 8:13; Pil 3:19

Rau Tau Paulus Iboode Pa Yes Roma Rom--Romans 1:18

Tamtoghon tisob to matadi iŋgal Maaron maau, ve tighamgham ŋgar samsamia to deŋiadi maau, ve titatan saveeŋ onoon, nene Maaron to ineep sambam, ye ipatooŋ mbalmbali toni padi, ve ighurghur atia izaza todi. Mbo 7:11; Yo 3:36; Ep 5:6; Kol 3:6

Uraat To Yes Mbaŋooŋa 22:20

Ve sawa to Stepanus ivotia saveeŋ tiom, ve tirabi imaat, you nayok pa ŋgar tonenen. Tauto nayoon toman yes to tirabi, ve naŋgin nonogiiŋa todi to moŋeŋaaŋ.’ Mbaŋ 7:58, 8:1

Uraat To Yes Mbaŋooŋa 8:1

Sawa to tirab Stepanus imaat, Saul ineep ve iyok pa ŋgar to tighami. Sawa tonenen ve ila, yes Yuda timundig ve tighur pataŋani tiina kat iŋarua lupuuŋ to Krisi to tineep izi Yerusalem. Tigham samin di kat. Tovenen tisob tiwaghaughau irau taan suruvu to Yudea ve Samaria. Ve yes mbaŋooŋa moghon to tineep izi Yerusalem. Mbaŋ 1:8, 11:19

Rau Tau Paulus Iboode Pa Yes Roma Rom--Romans 6:23

Ŋgar samia atia, nene mateeŋ. Eemoghon iit to taneep tuŋia ila to Tiina toit Yesu Krisi, Maaron igham poian ghiit, ve igham leed nepooŋ poia to pale iseeŋga itaghoni taghoni gha ila. Mbnp 2:17; Ezek 18:4; Yo 3:16; Ro 5:12; Yems 1:15

2 Tesalonika 2:12

Ye pale igham tovene pa tamtoghon tisob to tighur ila saveeŋ onoon maau, ve tinidi iza pa ghamuuŋ ŋgar samia. Leso muri ipayoon di, ve ighur atia padi ve tilaledi. Ro 2:8