Biblia Todo Logo
Bib sou entènèt

- Piblisite -




Pilipai 4:20 - Mutu (Oov)

20 Tovenen iit tapait Tamaan Maaron iza irau sawa isob. To aazne, ve itaghoni taghoni gha ila. Onoon!

Gade chapit la Kopi

Maaron Saveeŋ Tooni Patabuyaaŋ Tuam

20 Tauvene iit tapait Tamaan Maaron eeza irau saawe. Ta aazne, ve taghon taghon gha ila. Onoon!

Gade chapit la Kopi




Pilipai 4:20
19 Referans Kwoze  

Pasa, ye tau to inim pughu pa mbeb tisob. Ve mbeb tisob tiyaryaaŋ ila toni, ve tineep leso tipaghazoŋan ye iza. Tovenen iit tapaiti irau sawa isob. Onoon. 1Kor 8:6; Kol 1:16; Hib 2:10; Syg 4:11


Aŋela tonowen isaav aliŋa tiina ighaze: “Sawa to gabizooŋ tamtoghon ve ghuruuŋ atia padi, tauto ivot wa. Tovenen amatughez pa Maaron, ve apait iza pa tapiri ve poia toni. Ye to ighur sambam, taan, te, ve ya tisob to tivotvot ila taan lolo. Tovenen aput aghemim pani ve apaiti.” Syg 15:4


“Onoon kat. Iit tapait Maaron toit pa poia toni. Ye iza tiina kat, ve ŋgar toni tiina. Lolood poia pani pasa, ye igham poian ghiit. Ye ariaŋa, ve tapiri tiina kat. Tovenen iit pale tapaiti tovene itaghoni taghoni gha ila! Onoon.” Syg 5:12+


Ve timbou aliŋadi tiina tighaze: “Sipsip to Maaron to tirabi imaat, ye iraua kat pa tapiri, mbaliiŋ, ve ŋgar to naol. Ye ariaŋa ve iza tiina. Ve ye ŋguruba tiina, ve poia pughu. Tovenen tapait iza, ghoro poia.”


Ve igham ghiit tanim ye tau le. Leso tapatooŋ pooz toni pa tamtoghon, ve tambees pa Tama Maaron tanimale ndiran to watooŋrau. Yesu Krisi, ye iza tiina pa tapiri ve poia toni, ve iŋgin mbeb tisob. Tovenen iit tapaiti to aazne ve itaghoni taghoni gha ila. Onoon. Igham 19:6; 1Pe 2:9; Syg 5:10


Tovenen iit to taneep tuŋia ila to Krisi ve taneep ila lupuuŋ toni ne, iit irau tapait Maaron iza pa tapiri ve poia toni irau sawa isob. To aazne, ve itaghoni taghoni gha ila. Onoon.


Rikia moghon, yoŋgyoog tiina kat itok ndug tiina tonowen, le ruum katindi tipolpol ve timbiriis. Ndug eŋaeŋa eŋaeŋa to ruum saaŋgul tineep ila, todi eez ipol, ve liim ve paaŋ popoiadi. Yoŋgyoog tonowen irab tamtoghon ndiŋndiŋ liim ve ru 7000 timatmaat. Ve yes to popoiadi, matughezaaŋ tiina kat igham di, ve tipait Maaron to sambam iza.


Maaron toit, ye kinik tiina, ve ineep irau sawa isob. Ye irau imaat maau, ve iit irau taghita pa mataad maau. Ye moghon to Maaron tau. Tovenen iit irau tapait iza pa tapiri ve poia toni, to aazne, ve iseŋseeŋga gha ila. 1Tim 6:15+; Syg 4:9+


Poia to Tiina toit Yesu Krisi ineep toman yam asob. Onoon.


Maaron ite paam maau. Ye eŋgeni. Ve ŋgar toni, nene tiina le tiina kat. Tovenen iit tapaiti pa tapiri ve poia toni ila Yesu Krisi iza. To aazne, ve itaghoni taghoni gha ila. Onoon.


Tovenen sawa to aghaze asuŋ, asaav tovene: ‘Tamamai to uneep sambam, ugham tamtoghon tipatab pa yom izam.


Swiv nou:

Piblisite


Piblisite