Pilipai 3:10 - Mutu (Oov)

¹⁰ Tovenen you naghaze le nawatag katin Krisi ve mundigiiŋ toni tapiri. Ve naghaze nayoon toman Krisi pa badooŋ pataŋani, ve nataghon katin Maaron aliŋa le irau mateeŋ tiou. Leso nataghon ŋgar to Krisi ŋgar. Ro 8:17; 2Kor 4:10+; 1Pe 4:13

Maaron Saveeŋ Tooni Patabuyaaŋ Tuam

¹⁰ Tauvene yau naghe le nawatagh katin Krisi ve burigiiŋ tooni tapiri. Ve naghe nayooz tomania Krisi pa badooŋ pataŋani, ve nataghon duduŋai Maaron ŋgar tooni le irau mateegh tsiau, imin Krisi. Ro 8:17; 2Kor 4:10+; 1Pe 4:13

Pilipai 3:10 Referans Kwoze

Galesia 2:20

Tovenen nepooŋ tiou to aazne naghami izi taan, nene taug naŋgini muul maau. Krisi to inepneep ila lolog ne, tauto iŋgin nepooŋ tiou. Tovenen you naghur ila to Maaron Natu to ighur lolo payou kat, ve ipul tau imaat payou. Ghurla tiou tonene, tauto aazne ighamgham pooz payou pa nepooŋ tiou to taan. Ro 6:6,11, 7:6; 2Kor 5:15

Rau Tau Paulus Iboode Pa Yes Roma Rom--Romans 8:17

Ighaze iit Maaron ndinatu, nene izaad pa ghamuuŋ mbeb popoiadi naol to Tamaan Maaron ighaze irei di pa tamtoghon toni. Ve iit moghon maau. Itiŋa Krisi pale tagham mbeb tonowen. Eemoghon iit irau tambaad pataŋani pa Krisi iza, ghoro muri itiŋa Krisi taneep poia ila ŋguruba lolo izi ndug sambam. Ga 3:29, 4:7; Pil 1:29; Syg 21:7

Pilipai 3:8

Ve tonene moghon maau. You naghita naghaze mbeb popoiadi tisob to taan paam, nene mbeb sorok. Irau to tiuul ghou maau. Ve mbeb ee moghon kat, to naghita naghaze nene mbeb tau, ve mbeb poia kat to ilib pa mbeb to naol ne. Nene ŋgar to nawatag katin Tiina tiou Yesu Krisi. Onoon, ye inim pughu pa napul mbeb tiou tisob tizi tineep. Eemoghon matag ila pa mbeb tonowen muul maau. You naghita di tinimale buzbuz. Pasa, ŋgar tiou iyaryaaŋ naghaze le nagham Krisi inim leg. Lu 9:24; Yo 17:3

1 Yoan 2:3

Ighaze mataad kisin Maaron tutuuŋ toni ve tataghon di, nene irau taghilaal taghaze iit tawatag Maaron. Yo 14:15,21, 15:12

Kolosi 3:1

Maaron ipamundigin gham toman Krisi ve agham nepooŋ paghu wa. Tovenen yam irau azuaria gham pa mbeb to sambam. Pasa Krisi, ye ineep tonowe ila Maaron nima waan. Mk 16:19; Ep 1:20, 2:6; Kol 2:12

Kolosi 1:24

Onoon, aazne you nambaad pataŋani ve nayamaan yabyabuuŋ ila tinig pa nauul gham. Eemoghon lolog poia. Pasa, pataŋani naol to Krisi imbaad di, nene tisob sone. Tauto poia pa anag nauuli ve nambaad pida. Nene inimale you nimag to nauul lupuuŋ to Krisi. Pasa, lupuuŋ toni, nene inimale ye anoŋa. 1Kor 12:27; 2Kor 1:6+; Ep 3:13; Pil 2:17

2 Korin 1:5

Onoon, iit to tataghon Krisi, tambaad pataŋani naol tanimale ye tau. Eemoghon ighaze tambaad pataŋani tintina, nene pale ye tau irab ateed, ve tagham palotiiŋ tiina ila toni. Mbo 94:19; 2Kor 4:10; Kol 1:24

1 Petrus 1:3

Iit tapait Tiina toit Yesu Krisi Tama Maaron pa poia toni. Pasa, ye lolo isamin ghiit ve ate waaro iit kat. Aghita. Ye ipamundigin Yesu Krisi pa mateeŋ, ve ila mundigiiŋ to Krisi, iit tagham nepooŋ paghu wa. Tauto izaad pa nepooŋ to taneep mataad iyaryaar le alok, ve aazne taghurghur mataad pa nepooŋ tonowen. Yo 3:3; Ep 1:18+; Tit 3:5+ Nepooŋ to isasaŋan ghiit izi ndug sambam, nene poia moghon. Ve irau isami, ma isob ne maau. Inepneep tovene itaghoni taghoni gha ila. Pasa, Maaron tau iŋgini pait. Kol 1:5; 2Tim 4:8

2 Korin 13:4

Onoon, sawa to Krisi imaat izala ai pambarooŋ, tamtoghon tighita tighaze ye le tapiri maau. Eemoghon Maaron tapiri ipamundigini pa mateeŋ, ve aazne ye ineep mata iyaryaar. Yei tovene paam. Tapirimai imbool. Eemoghon nineep ila to Krisi, tauto Maaron tapiri ipapalot ghei pa uraat tiei, leso niuul gham. 2Kor 12:9; Pil 2:7+

1 Yoan 2:5

Eemoghon ighaze tamtoghon eta mata kisin Maaron aliŋa ve itaghoni, nene ipatooŋa ighaze ŋgar to lolood pa Maaron ineep ariaŋa ila lolo wa. Tovenen ighaze taghamgham tovene, nene irau tawatag taghaze iit taneep tuŋia ila to Maaron. Yo 14:23; 1Yo 3:24

Yoan 17:3

Yom moghon to Maaron tau. Ve nepooŋ poia to tamtoghon tighami ilat tiom, nene ŋgara tovene: Yes tiwatag katin ghom, ve Natum Yesu Krisi to umbaaŋa izi inim taan. Tamtoghon tovene, pale tineep poia ilat tiom itaghoni taghoni gha ila. Yo 3:16; 2Pe 1:2+; 1Yo 5:20

Rau Tau Paulus Iboode Pa Yes Roma Rom--Romans 8:29

Pasa, yes to ye tau isia di pataghaaŋ, tauto ŋgar toni iyaryaaŋ padi ighaze igham uraat padi ve itoor di lee tigham katin ŋgar to Natu Yesu Krisi. Leso ye inim aidaba, ve imuuŋ pa nditazi ve ndilivu katindi tonowen. 2Kor 3:18; Ep 1:5; Kol 1:15+; 1Pe 1:2

Saveeŋ Yoŋgaaŋ 1:18

You naneep matag iyaryaar irau sawa isob. Muuŋ, you namaat. Eemoghon ughita. Aazne, naneep matag iyaryaar. Ve you pale naneep tovene le alok. You to naŋgin mateeŋ ve ndug to yes mateeŋa.

Kolosi 2:13

Muuŋ, yam agham ŋgar naol to tiyel pa tutuuŋ to Maaron, ve ataghon ŋgar to lolomim muŋgina. Pasa, sawa tonenen, Krisi indiir ŋgar to lolomim muŋgina sone. Tovenen nepooŋ tiam, yam animale yes mateeŋa. Lemim ghilalooŋ pa Maaron maau, ve irau agham ŋgar poia eta maau. Eemoghon aazne, Maaron ipamundigin gham toman Krisi, ve agham nepooŋ paghu ila toni. Pasa, ye ireu sosor toit isob ilale wa. Ro 6:13; Ep 2:1,5,11

Epesus 4:13

Iit irau taghamgham tovene, le ghurla toit iyaryaaŋ ve tawatag katin Maaron Natu. Leso lupuuŋ toit ee moghon, ve ŋgar toit imatu, ve tataghon suvun ŋgar to Yesu Krisi. 2Kor 3:18; Kol 1:28, 2:2

2 Korin 1:10

Tovenen pataŋani tiina to ivot payei, nene inimale yei nineep ila naal avo. Eemoghon Maaron igham mulin ghei pa pataŋani tonowen. Tauto nighur ila ariaŋa nighaze muri, ighaze pataŋani ivot payei muul, ye pale igham mulin ghei. Ro 8:35+

Yoan 10:18

Tamtoghon eta to taan irau irab ghou namaat sorok ne maau. Nayokia taug, ghoro tirab ghou namaat. Pasa, you tapirig irau nayokia taug namaat, ve tapirig irau namundig matag iyaryaar muul, itaghon saveeŋ to Tamaŋ isavia payou.”

Matayu 20:23

Yakobus ve Yoan tipamuul aliŋa tighaze: “Vee, yeru irau nighun ila.” Tovenen Yesu isaav padi muul ighaze: “Onoon, rubruub tiou, yamru pale aghun ila paam. Eemoghon mbeb to aghason ghou pani, you naŋgini maau. Nene ineep to Tamaŋ Maaron. Sei to pale ineep ila pa nimag waan, ve sei ineep ila pa nimag ŋas, nene ye tau ighur di pataghaaŋ wa.”

Rau Tau Paulus Iboode Pa Yes Roma Rom--Romans 8:36

Onoon, pataŋani naol tonene tivotvot pait. Saveeŋa timbooda pataghaaŋ tovene: “Yei ninim lem wa. Tauto sawa isob, tirabrab sorokin ghei nimatmaat. Yes tighita ghei ninimale sipsip to timbit di pa tirab di.” Mbo 44:22; 1Kor 4:9, 15:30+

Galesia 6:17

Yo, you naghaze napasob saveeŋ tiou. Aazne ve ila, lolog pa tamtoghon eta igham pataŋani payou muul malep. Pasa, sip to ineep ila tinig, nene nagham di pa Yesu Krisi iza. 2Kor 4:10, 11:23

2 Petrus 1:13

Pasa, you nawatag: Dur tiou to taan tonene, mala maau pale napuli izi. Tiina toit Yesu Krisi ipatooŋ ghou pa mbeb tonene wa. Tovenen matag iŋgal naghaze sawa to nanepneep sone, nene poia pa napei ŋgar tiam pa saveeŋ toni. Yo 21:18+; 2Kor 5:1+