Pilemon 1:7 - Mutu (Oov)

⁷ Tazig, you nawatag: Yom upapalot Maaron tamtoghon toni, ve ugham di lolodi poia. Ŋgar tiom to lolom pa tamtoghon ve ughamgham poian di, nene igham ghou lolog poia kat, ve ipariaaŋ ghou paam.

Maaron Saveeŋ Tooni Patabuyaaŋ Tuam

⁷ Tazig, yau nawatagh: Yo upapalot Maaron tamtamon tooni ve ugham lolozi poia. Ŋgar tsio tau lolom igheen to tamtamon ve ughamgham poghani zi, ene igham lolog poia kat, ve ipariaaŋ ghau paam.

Pilemon 1:7 Referans Kwoze

2 Korin 7:13

Tovenen ŋgar to yam aghami, nene ipalot ghei, ve irab atemai. Ve mbeb ite. Titus ipaes payei ighaze ye lolo poia kat pasa, sawa to ye ilat, yam asob aghami toman lolomim poia. Tauto ate izi, ve igham ŋgar naol muul maau. Ŋgar tiam tonanan ipalot ghei paam, ve igham lolomai poia kat.

1 Tesalonika 3:9

Tovenen sawa isob to nisuŋ ila Maaron toit mata ve matamai iŋgal gham, lolomai poia kat ve nipaiti pa poia toni. Eemoghon nikankaan: Pale nisavia sa saveeŋ, leso ipatooŋ lolomai poia tonene? Pasa, saveeŋ eta iraua maau.

2 Korin 7:4

You nasaav ghazooŋa payam. Lolog ru payam maau. You naghita gham naghaze yam araua kat. Tauto agham ghou tinig iza. Onoon, pataŋani naol tighamgham ghei. Eemoghon ŋgar to yam aghami, tauto ipalot ghou, ve igham ghou lolog poia le poia kat.

Pilemon 1:20

Aa tazig, ituru tanim Tiina toit Krisi le wa. Tovenen naghaze uul ghou ve ugham mbeb tonene. Leso urab ateg, ve ugham ghou lolog poia itaghon ŋgar to Krisi.

1 Tesalonika 2:19

Aghita. Sawa to Tiina toit Yesu Krisi imuul inim, yei pale nighur matamai pa sa mbeb? Ve sa to pale nipakur ghei pani, ve igham ghei tinimai iza ila ye mata? Ve sa to pale inim pughu pa igham lemai atia poia? Nene yam! Pasa, uraat tiei anoŋa, nene yam tou! Pil 2:16, 4:1

2 Yoan 1:4

Olman tidi, you naghita ndinatum pida laghooŋ todi deŋia kat pa saveeŋ onoon. Yes titaghon katin tutuuŋ to Tamaan Maaron ighuri pait. Tauto tigham ghou lolog poia kat. Aazne, nambood rau tonene ilat tiom, leso napariaaŋ ghom muul pa ŋgar to lolood pa tauud ve tagham poian tauud. Tutuuŋ tonene, paghu maau. Sawa to taghur ila muuŋ, ve inim, tutuuŋ tonene ineep toit. Yo 13:34+

2 Timoti 1:16

Eemoghon Onesiporus toman yes to tinepneep tomani ila ruum toni, Maaron pale lolo isamin di ve iuul di. Onoon, aazne you nanepneep ila ruum to yabyabuuŋ lolo, ve tikau nimag ve agheg pa sen. Eemoghon Onesiporus imatughez maau, ve maya payou maau. Sawa to inim Rom, ye ikalkaal ghou le inim ivot tiou. Ve sawa naol, inimnim iŋgigig ghou, ve ipapalot ghou, ve iuluul ghou. Mt 25:36; 2Tim 4:16; Hib 13:3

1 Tesalonika 2:13

Pughu ite to nipait Maaron toman lolomai poia, nene vene: Sawa to nivotia Maaron aliŋa payam, yam aghita saveeŋ tiei inimale saveeŋ sorok to tamtoghon ne maau. Yam aghur taliŋamim pani pooi, ve aghilaala aghaze nene Maaron tau aliŋa. Tauto aghur ila. Ve aazne, saveeŋ tonenen ighamgham uraat tiina ila yam to aghur ila ne lolomim. Ga 1:11+; 1Tes 1:5

1 Korin 16:18

Tauto tipalot ghou ve tigham ateg izi, inimale moghon moghon tighamgham payam. Tamtoghon tovene, yam irau apait di.