Pilemon 1:4 - Mutu (Oov)

⁴ O Pilemon, sawa isob to matag iŋgal ghom ila suŋuuŋ tiou, you napait Maaron tiou toman lolog poia.

Maaron Saveeŋ Tooni Patabuyaaŋ Tuam

⁴ O Pilemon, saawe isov tau matag iŋgal ghom ila suŋuuŋ tsiau, yau napapait Maaron tsiau toman lolog poia.

Pilemon 1:4 Referans Kwoze

Rau Tau Paulus Iboode Pa Yes Roma Rom--Romans 1:8

Saveeŋ tiou to ilat tiam muuŋ, nene vene: Ghurla tiam, tamtoghon tisasavia varu irau ndug tisob. Tauto sawa to matag iŋgal gham, lolog poia pa Maaron tiou, ve napaiti ila Yesu iza. Ro 16:19; Kol 1:3+

Epesus 1:16

Sawa tonenen ve inim, you napul suŋuuŋ payam maau. Sawa isob, matag iŋgalŋgal gham ila suŋuuŋ tiou. Tiina toit Yesu Krisi Tama Maaron, ye iza tiina pa tapiri ve poia toni. You lolog poia pani, ve napaiti pa uraat to ye ighamghami ila lolomim. Ve nanoknok ghasoniiŋi naghaze tau Avuvu igham gham aghilaal ŋgar popoia, ve ipaghazoŋan gham pa Maaron ŋgar toni, leso awatag katin Maaron. Kol 1:9; 2Pe 1:3

2 Timoti 1:3

You nambesmbees pa Maaron ve nataghon ŋgar to nawatagi ila lolog naghaze nene iŋgalaaŋ ila ye mata, inimale muuŋ nditimbug tighamghami. Ve mboŋ ve ndag, matag iŋgalŋgal ghom, ve naghurghur ghom ila suŋuuŋ tiou, ve napapait Maaron toman lolog poia pa ŋgar poia to yom ughamghami. Mbaŋ 22:3; Pil 3:5+

2 Tesalonika 1:3

Yam toŋvetaz, sawa isob, yei lolomai poia pa Maaron ve nipaiti payam. Ve ighaze nigham tovene, nene deŋia. Pasa, ghurla tiam ivot le ighaze iyaryaaŋ tonene. Ve ŋgar to lolomim pa taumim ve agham poian taumim, tovene paam. Nene ivotvot inim tiina ila lolomim, le yam asob ataghoni kat. 2Tes 2:13

1 Tesalonika 1:2

Sawa isob, yei nipapait Tamaan Maaron pa yam asob toman lolomai poia kat, ve nighurghur gham ila suŋuuŋ tiei, ve matamai iŋgalŋgal ŋgar popoia to yam aghamgham di. Pasa, yam aghur ila to Krisi ariaŋa, tauto ipamundigin gham pa ghamuuŋ uraat popoia naol. Ve lolomim pa tamtoghon ve aghaze agham poian di, tauto aghamgham uraat tiina pa ulaaŋ di. Ve yam awatag aghaze Tiina toit Yesu Krisi pale imuul inim ve igham mulin gham. Tauto ayoon ariaŋa pa badooŋ pataŋani, ve aghurghur matamim pa mulaaŋ toni. 1Kor 13:13; Kol 1:4+; 1Tes 4:14+

Kolosi 1:3

Sawa isob to yeru nighur gham ila suŋuuŋ tiei, nipait Tiina toit Yesu Krisi Tama Maaron toman lolomai poia kat.

Pilipai 1:3

Sawa isob to matag iŋgal gham, you napait Maaron tiou pa poia toni.

Pilemon 1:5

Pasa, naloŋlooŋ varum tighaze yom ughur ila to Tiina toit Yesu ariaŋa, ve lolom pa Maaron tamtoghon toni patabuaŋa tisob, ve ughamgham poian di. Kol 1:4