Matayu 6:3 - Mutu (Oov)

^3-4 “Eemoghon ighaze yom uul yes mbolaaŋa, ughami inim ŋgozaaŋ. Ighaze nimam waan igham ulaaŋ eta, nimam ŋas iwatagi malep. Leso Tamam Maaron to ineep izi sambam iyat nimam. Pasa, mbeb tisob to ŋgozaaŋ ne, ye ighita di.” Mt 25:37+

Maaron Saveeŋ Tooni Patabuyaaŋ Tuam

^3-4 “Eemon isaav ighe yo uul yes mbolaaŋa, na ughamu imin ŋgozaaŋ. Ighe nimam tapir igham uratoini, na nimam ŋas iwataghi sov. Leso Tamam tau ileep sambam iyol nimam. Pasaa, gabua naol isov tau ŋgozaaŋa na, i ighitoor zi wa.” Mt 25:37+

Matayu 6:3 Referans Kwoze

Yoan 7:4

Ighaze ŋgeu eta ighaze varu ilaan irau ndug, nene irau igham uraat toni inim ŋgozaaŋ maau. Tovenen ighaze yom ugham uraat tovene, yom irau upatooŋ naghom pa ival tiina.”

Matayu 9:30

Yesu isavia saveeŋ tonene, ve rikia moghon matadi pakia ve tighita ndug. Ghoro iŋgalsekin di ariaŋa ighaze: “Alooŋ. Asavia mbeb tonene varu pa tamtoghon eta malep.”

Matayu 12:19

Ye ŋgeu luuma. Irau imboob aliŋa tiina, ve yesŋa tamtoghon tiwazoran di pa savsaveeŋ ne maau. Ve irau aliŋa iza ila maran maau.

Matayu 8:4

Ghoro Yesu isaav pani muul ighaze: “Ulooŋ. Usavia mbeb tonene varu pa tamtoghon eta malep. Malmalim ula, ve upatooŋ taum pa ŋgeu eta to watooŋrau, ve ugham watooŋrau pa Maaron itaghon tutuuŋ to Mose isavia. Leso upaghazoŋan taum pa tamtoghon, ve tiwatag tighaze tinim poia ve uŋgalaaŋ ila Maaron mata wa.” Wkp 14:1+; Mt 9:30; Lu 17:14

Matayu 6:2

“Tovenen ighaze yom uul yes mbolaaŋa, aliŋam iza pani malep. Pasa, nene ŋgar to yes to tiparim taudi sorok pa ghurla todi. Sa ulaaŋ to ighaze yes tigham pa tamtoghon, nene aliŋadi izaza pani ilooŋ ila rumai, ve izi maran ate paam. Leso tamtoghon tipait di. You nasaav payam kat: Atia todi, tauto tighami pataghaaŋ wa!