Matayu 5:25 - Mutu (Oov)

²⁵ “Ve ighaze tamtoghon eta ighaze ipayoon ghom pa savsaveeŋ, yom unaama malep. Sawa to yamru alaghlaagh ala pa ndug to gharatooŋ saveeŋ, rikia moghon utoova pa ugharaat saveeŋ tomani, le lolo poia. Pa vene, ighur ghom ula to daba to gharatooŋ saveeŋ, ve daba tonowen ighur ghom ula uraata toni nima, ghoro ana ighur ghom ulooŋ ula ruum to yabyabuuŋ.

Maaron Saveeŋ Tooni Patabuyaaŋ Tuam

²⁵ “Ve isaav ighe tamtamon eta ighe ipayooz ghom pa savsaveeŋ, na usaŋan sov. Saawe tau yamru alaghlaagh ala pa nugh to gharatooŋ saveeŋ, na rekia mon utoova to ugharaat saveeŋ tomania, le loolo poia. Mako pale ighur ghom ula to daaba to gharatooŋ saveeŋ, ve daaba tawe ighur ghom ula uraata tooni niima, ve aana ighur ghom uloŋ ula ruum to yavyavuuŋ.

Matayu 5:25 Referans Kwoze

Hibru 3:13

Ndag to naol ne, yam irau awapalotin gham pa ŋgar poia. Pa vene, ŋgar samia itombaan tiam eta, ghoro ipoon lolo, ve irau ighilaal Maaron muul maau. Uraat to palotiiŋ tonenen, asakia ila sawa ite paam malep. Aghami to aazne. 1Tes 5:11,14; Hib 10:24+

Hibru 3:7

Tovenen alooŋ saveeŋ to Avuvu Patabuaŋ ivotia pait. Ighaze: “Aazne, ighaze yam alooŋ Maaron aliŋa, apoon lolomim pani malep. Ve atoov Maaron ve azoora inimale muuŋ nditimbumim tighami izi ndug balim malep.

Hibru 12:17

Ve yam awatag. Muri, Esau ila to tama ve ighasoni ariaŋa ighaze ighur poia to Maaron iza toni. Eemoghon tama izugua. Esau izoorndug pani, ve itaŋ tiina. Eemoghon sosor to ye ighami, le ataam eta pa igharaata muul maau. Mbnp 27:30+

2 Korin 6:2

Maaron aliŋa isaav tovene: “You taug naghur sawa pa nagham mulin gham ve nagham poian gham. Ve sawa kat tonenen, nalooŋ suŋuuŋ tiam, ve nauul gham.” Is 49:8 Alooŋ. Sawa to Maaron igham mulin ghiit ve igham poian ghiit, tauto aazne taza pani wa. Lu 4:18+; Hib 3:13

Matayu 26:58

Petrus ipaspasi pooi, ve itaghon Yesu ila. Eemoghon ilaagh muri kat padi, pasa imatughez. Ye ilaagh riŋa riŋa tovene le ila peria sirsiir to ruum tonenen. Ghoro ilooŋ ila sirsiir lolo, ve mbole izi toman uraata pida to daba to watooŋrau, ighaze ighita sa ŋgar to pale ivot pa Yesu.

Lukas 18:3

Ndug tonowen, naar eez inepneep. Moghon moghon, ye ilala to daba tonenen, ve itaŋtaŋ rorani ighaze: ‘Ŋgar to koiag igham payou, nene deŋia maau. Uul ghou ve ugharaat saveeŋ tiou itaghon ŋgar deŋia.’