Matayu 28:18 - Mutu (Oov)

¹⁸ Tovenen Yesu iŋarua di ila, ve isaav padi ighaze: “Tamaŋ Maaron ighur mbeb to sambam ve taan tisob tineep ila you sambag wa, ve you izag pa naŋgin di. Dan 7:13-14; Yo 13:3; Ep 1:20+

Maaron Saveeŋ Tooni Patabuyaaŋ Tuam

¹⁸ Tauvene Yesu iŋarui zi ila, ve isaav pazi ighe: “Tamaŋ Maaron ighur gabua naol isov to sambam ve taan ila yau sambag wa, ve yau ezag pa ŋginiiŋ zi. Dan 7:13-14; Yo 13:3; Ep 1:20+

Matayu 28:18 Referans Kwoze

Yoan 3:35

Tama Maaron lolo ineep to Natu kat, ve ipul mbeb tisob tila ye nima wa. Mt 11:27, 28:18; Hib 2:8

1 Petrus 3:22

Ve ye iza ila sambam, ve aazne ineep ila Maaron nima waan. Tauto aŋela toman avuvu naol to izadi ve tapiridi tintina, tisob tineep ila ye samba. Mbo 110:1; Mk 16:19; Ep 1:20+

Matayu 11:27

Ghoro Yesu isaav muul ighaze: “Tamaŋ Maaron ighur mbeb tisob tinim nimag wa. Ve ye moghon to iwatag katin tau Natu. Tamtoghon ite paam maau. Ve Tama Maaron tovene paam. Tamtoghon eta iwatagi kat maau. Natu moghon, ve yes to Natu ipaghazoŋan di pani, yes moghon to tiwatagi.” Mt 28:18; Yo 3:35, 17:2

Hibru 2:8

Ve ughur mbeb tisob tineep ila sambamai, leso niŋgin di.” Sawa to Maaron ighur mbeb tineep ila iit tamtoghon sambaad, ye iŋguruut mbeb eta maau. Ighur mbeb tisob tineep ila sambaad. Onoon aazne, taghita anoŋa sone. Pasa, mbeb tisob tineep ila iit tamtoghon sambaad sone. Mt 28:18; 1Kor 15:25+; Ep 1:22

1 Korin 15:27

Maaron aliŋa to timbooda, isaav ighaze: “Maaron ighur mbeb tisob tineep ila ye samba wa.” Onoon, saveeŋ tonene isaav ighaze mbeb tisob tineep ila Krisi samba. Eemoghon Maaron, ye ineep ila Krisi samba maau. Pasa, ye to ighur mbeb tineep ila Krisi samba. Mbo 8:6; Mt 28:18; Hib 2:8; 1Pe 3:22

Yoan 17:2

Yom ughur tamtoghon tisob tineep ila Natum samba wa. Leso yes to yom ughur di tinim ye le, tisob tigham nepooŋ poia ila toni itaghoni taghoni gha ila. Dan 7:14; Mt 28:18; Yo 6:39

Yoan 13:3

Yesu iwatag: Tama Maaron ighur mbeb tisob tila nima wa. Ve ye ineep toni, to izi inim, ve pale imuul izala toni. Mt 28:18; Yo 3:35; 1Kor 15:27

Hibru 1:2

Eemoghon aazne, taneep ila sawa paghu to Maaron ighaze ipasob uraat toni. Tovenen sawa tonene, iit talooŋ Maaron aliŋa ila tau Natu avo. Sawa to Maaron ighur sambam ve taan toman mbeb to naol, ye ighur di tivot ila Natu tonowen nima. Ve ye ighaze ighur mbeb naol tonowen tisob tinim Natu le, leso iŋgin di. Mt 11:27; Yo 1:3; Kol 1:16; Hib 12:25

Kolosi 2:10

Ve mbeb naol to tapiridi tintina ve tighamgham pooz pait ne, ye inim daba padi ve iŋgin di. Tovenen yam to aneep tuŋia ila to Krisi, ye ipavonin gham kat pa Maaron tapiri ve ŋgar toni isob, ve agham nepooŋ poia kat ila toni. Yo 1:16; Ep 1:21+; 1Pe 3:22

Lukas 10:22

“Tamaŋ Maaron ighur mbeb tisob tinim nimag wa. Ve ye moghon to iwatag katin tau Natu. Tamtoghon ite paam maau. Ve Tamaŋ Maaron tovene paam. Tamtoghon eta iwatagi kat maau. Tau Natu, ve yes to Natu ipaghazoŋan di pani, yes moghon to tiwatagi.” Mt 28:18; Yo 1:18, 3:35, 10:15, 17:26

Saveeŋ Yoŋgaaŋ 19:16

Ŋgeu tonenen, timbood iza ila nonogiiŋa toni ve ila ŋgoi paam tovene: ‘Kinik To Ilib pa Kinik Tisob, ve Maaron Tiina To Ilib Pa Ndimaronŋa Tisob.’ 1Tim 6:15; Syg 17:14

Rau Tau Paulus Iboode Pa Yes Roma Rom--Romans 14:9

Pasa, Krisi imaat ve imundig muul, leso inim tiina pa tamtoghon tisob. Yes mateeŋa, ve yes to tineep matadi iyaryaar ne paam. Mt 28:18+; Mbaŋ 2:36

Saveeŋ Yoŋgaaŋ 17:14

Ve yesŋa mbeb samia pale tilup di, ve tiparab toman Sipsip to Maaron ve tamtoghon toni. Eemoghon pale tiraua maau. Sipsip to Maaron pale ilib padi. Pasa, ye tiina ilib pa ndimaronŋa tisob. Ve ye kinik tiina to ilib pa kinik tisob. Tamtoghon toni, nene yes to ye tau isia di ve ipoi di tinim le, ve tikis ghurla todi ariaŋa.” 1Tim 6:15; Syg 16:14, 19:19

Saveeŋ Yoŋgaaŋ 11:15

Ghoro aŋela ite to inim liim ve ru pani, ana ivib tavuur toni, ve nalooŋ ival tiina to tineep izi sambam, tisaav aliŋadi tiina tighaze: “Aa, ghara ŋgar samia to muuŋ igham pooz pa taan ne tapiri isob, ve mbeb to naol ne titaghon pooz to Maaron toit ve Mesia toni. Ve ye pale igham pooz tovene itaghoni taghoni gha ila!” Igham 15:18; Mbo 10:16; Syg 10:7

Matayu 26:64

Yesu ipamuul aliŋa ighaze: “Saveeŋ tauto usavia ne. Ve you nasaav ghazooŋa payam tovene: Muri, yam pale aghita: Tamtoghon Natu ineep ila ina to ghamuuŋ pooz to ineep ila Maaron ariaŋa nima waan. Ve ye pale ineep ila yaghur tae to sambam, ve imuul izi inim.” Mbo 110:1; Dan 7:13; Mt 24:30

Uraat To Yes Mbaŋooŋa 2:36

Ghoro Petrus isaav ariaŋa padi ighaze: “Tovenen yam Israela asob irau awatag kat tovene: Yesu to yam arabi izala ai pambarooŋ ve imaat, tauto Maaron ighuri inim Tiina ve Mesia.”

Uraat To Yes Mbaŋooŋa 10:36

Onoon, varu poia to isavia ataam to itiŋa Maaron talup ghiit tanim ee moghon ve luuma toni iza toit, nene Maaron ighuri inim to yei Israela muuŋ. Ataam tonowen, nene uraat to Yesu Krisi. Ye Tiina to iit tasob. Ro 10:12; Ep 2:14; Kol 1:20

Matayu 16:28

You nasaav payam kat: Tamtoghon pida to itiŋa tayondyood ne, pale timaat sone ve tighita Tamtoghon Natu inim, ve ipatooŋ pooz toni ivot ighazooŋ.”

Yoan 3:31

Tamtoghon to taan, ye isavia mbeb to taan moghon. Pasa, ye ivot izi taan. Ve ye to ineep sambam ve izi inim, ye ilib pa tamtoghon tisob. Yo 8:23; Ro 9:5; 1Kor 15:47