Matayu 27:56 - Mutu (Oov)

⁵⁶ Ndiliva tonowen, tol to tiyoon toman di, nene Maria to ndug Magdala, ve Maria ite to Yakobus yesuru Yosep tinandi, ve Zebedi azuwa to Yakobus yesuru Yoan tinandi.

Maaron Saveeŋ Tooni Patabuyaaŋ Tuam

⁵⁶ Zilivaa tawe, toozi tol, ene Maria to nugh Magdala, ve Maria ite tau Yakobus gha Yosep tinazi na, ve Zebedi azaawa tau Yakobus gha Yoan tinazi na.

Matayu 27:56 Referans Kwoze

Yoan 19:25

Yesu tina Maria yesuru taziliva, ve Maria ite to Klopas azuwa, ve Maria to ndug Magdala, ve taghoniiŋa to Yesu lolo ineep toni kat, yes liim tiyondyood tigharau ai pambarooŋ toni pughu. Yesu mata izi le ighita tina yesuru taghoniiŋa toni tonowen tiyondyood. Tovenen isaav pa tina ighaze: “Tinaŋ, ughita. Nanan natum.” Yo 13:23

Markus 16:9

Ndag to ivot muuŋ pa wik tonenen (Sande), mboŋmaagh kat, ve Yesu imundig pa mateeŋ. Ghoro ila ivot to Maria to Magdala muuŋ. Ye liva to muuŋ Yesu indiir avuvu samsamiadi liim ve ru tighau pani. Lu 8:2

Markus 15:47

Maria to Magdala yesuru Maria ite to Yose tina ne tineep toman di paam. Tovenen yesuru tila tighita ndug to tighur Yesu paatu pani.

Matayu 28:1

Umbom patabuaŋ isob, ve ndag to ivot muuŋ pa wik tonenen, mboŋmaagh kat, ve Maria to Magdala yesuru Maria ite tila tighaze tiŋgig naal to Yesu.

Yoan 20:18

Tovenen Maria to ndug Magdala ila ivot to yes taghoniiŋa, ve ipaes padi ighaze: “You naghita Tiina toit pa taug matag wa!” Ghoro ipaesia Yesu aliŋa padi ve tilooŋ.

Yoan 20:1

Umbom patabuaŋ isob, ve ndag to ivot muuŋ pa wik tonenen, mboŋmaagh, ndoromromaaŋa, ve Maria to Magdala ila ighaze iŋgig naal to Yesu. Ila ivot yaam saambu to tighur Yesu paatu pani, ve ighita yaam tiina to ipoon naal avo, nene tipatambulini ighau wa.

Lukas 24:10

Ndiliva tonowen, nene Maria to Magdala, Yoana, Maria ite to Yakobus tina, ve ndiliva pida paam. Yes tonene to tipaesia mbeb tonenen pa yes mbaŋooŋa. Eemoghon yes mbaŋooŋa tighur ila saveeŋ todi maau. Tighaze pa ŋgar todi iwaghamgham ve tisaav sorok.

Matayu 27:61

Sawa to tigham uraat tonenen, Maria to Magdala yesuru Maria ite, mboledi izi saguan ris, ve matadi ilala padi.

Matayu 13:55

Vena, ye to ndug ite, to takankaan pani ne? Tama, ye ŋgeu sorok to reiŋ ruum moghon. Tina Maria. Ve nditazi, nene Yakobus, Yosep, Simon, ve Yudas. Yo 6:42

Lukas 8:2

toman ndiliva pida tilaagh tomani. Ndiliva tonowen, muuŋ Yesu indiir avuvu samsamiadi tighau padi ve igharaat di pa moroghooŋ todi. Todi eez, nene Maria to ndug Magdala. Muuŋ, Yesu indiir avuvu samsamiadi liim ve ru tighau pani.