Matayu 27:29 - Mutu (Oov)

²⁹ ghoro tigham waar mata mata, titalia, ve tighuri izala Yesu daba inimale moghar ndamooda. Ghoro tighur toon ila Yesu nima waan inimale titi to kinik, ve tiput aghedi pani, ve tipamogherani tighaze: “Iya, aa kinik to yes Yuda, yei nipakur ghom!”

Maaron Saveeŋ Tooni Patabuyaaŋ Tuam

²⁹ ra tigham waar tuatua gha titalia, ve tighuru izala Yesu daaba imin moghar ndamoonda. Mako tighur toon ila Yesu niima tapir imin titi to kinik, ve tiput aghezi pani, ve tipamogheraini tighe: “Iya, aa kinik to yes Yuda, yei nipakur ghom!”

Matayu 27:29 Referans Kwoze

Matayu 20:19

Ghoro tighuri ila ndiran to Yuda maau ne nimadi. Leso anadi tipamogherani, ve tilosi pa waar mata mata, ve tirabi izala ai pambarooŋ ve imaat. Eemoghon mboŋ inim tol, Tama Maaron pale ipamundigini pa mateeŋ.”

Matayu 27:37

Tigham ndiu suruvu to timbood mateeŋ toni pughu ila, ve tirabi izala ai pambarooŋ toni daba. Paesiiŋ tonowen isaav tovene: “Nene Yesu, kinik to yes Yuda.”

Matayu 26:49

Tovenen sawa to tinim tivot todi, Yudas iŋarua Yesu ila, ve isaav pani ighaze: “Patoŋaaŋ, mboŋ poia!” Ghoro isavagi, ve iyaŋin pani.

Markus 15:17

Tigham uli eez to bodeeŋa inimale aindan, ve tipiyaava izala Yesu avara. Ve tigham waar mata mata ve titalia, ve tighuri izala Yesu daba inimale moghar ndamooda. Ghoro tisaav pani tighaze: “Iya, aa kinik to yes Yuda, yei nipait ghom!”