Matayu 27:22 - Mutu (Oov)

²² Tovenen Piladus ighason di muul: “Ighaze venen, pale nagham vena pa Yesu to tiwaata tighaze Mesia?” Yes tisob tilup avodi tighaze: “Urabi izala ai pambarooŋ!”

Maaron Saveeŋ Tooni Patabuyaaŋ Tuam

²² Tauvene Piladus ighason zi muul: “Ighe tauvene, pale nagham mindai pa Yesu tau tiwaato tighe i Mesia?” Yes tisov tilup avozi tighe: “Uravu izala ai pambarooŋ!”

Matayu 27:22 Referans Kwoze

Uraat To Yes Mbaŋooŋa 13:38

“Tovenen yam toŋvetaz, alooŋ! Yei nivotia saveeŋ payam leso awatag kat tovene: Tutuuŋ to Mose, nene irau igham mulin ghiit kat pa pataŋani to sosor toit ne maau. Eemoghon ila Yesu uraat toni, Maaron ireu sosor toit kat. Tamtoghon tisob to tighur ila to Yesu, ye pale ipas di tivot pa samia tapiri, ve ireu sosor todi isob ilale, leso tineep deŋiadi ila Maaron mata. Ro 3:28; Ga 2:16; 1Yo 2:2,12

Markus 14:55

Yes daba to watooŋrau toman tamtoghon tisob to lupuuŋ tiina to tiŋgin yes Yuda, titoova pa tikaal tamtoghon pida, leso tipariaaŋ saveeŋ tighaze yes tighita Yesu igham sosor, ve inim pughu pa tirabi imaat. Eemoghon ŋgar todi ighur maau.

Matayu 27:17

Tovenen ival tiina tila tilup di ila Piladus nagho, ve ye ighason di ighaze: “Yam aghaze napul sei ilat? Barabas, ma Yesu to tiwaata tighaze ye Mesia ne?”

Matayu 1:16

Yakop natu Yosep. Yosep azuwa Maria to ipoop Yesu, ye to tiwaata tighaze Krisi ne.

Matayu 27:21

Tovenen Piladus ighason di muul ighaze: “Ndiran ru to tinepneep ne, sei kat to yam aghaze napuli ivot ilat?” Yes tipamuul aliŋa tighaze: “Barabas!”

Matayu 27:23

Tovenen Piladus ighason di muul ighaze: “Pasa? Ye igham sa sosor?” Eemoghon avodi iyaryaaŋ pa bobaaŋ tighaze: “Urabi izala ai pambarooŋ!”

Yoan 4:25

Yesu isavia saveeŋ tonene le isob, ghoro liva tonenen isaav pani ighaze: “You nawatag: Mesia pale inim. Ve sawa to inim ivot, ye pale ipaghazoŋan ghei pa mbeb to naol.” (Saveeŋ ‘Mesia,’ yes Grika tiwaata ila aliŋadi tighaze: ‘Krisi.’)