Matayu 25:34 - Mutu (Oov)

³⁴ “Ghoro kinik isaav pa yes to tineep ila pa nima waan ighaze: ‘Yam ndiran to poia to Tamaŋ Maaron ineep toman gham, anim alooŋ ala ndug toni, ve agham nepooŋ poia to izamim pani. Muuŋ kat, sawa to ye ighur sambam ve taan sone, ye igharaat ndug tonene payam wa. Ep 1:4

Maaron Saveeŋ Tooni Patabuyaaŋ Tuam

³⁴ “Mako kinik isaav pa yes tau tileep pa niima tapir na ighe: ‘Yam zeran tau poia to Tamaŋ Maaron igheen tomani gham na, alam aloŋ ala nugh tooni, ve agham lepoogh poia tau ezamim pani na. Muuŋ geeg, saawe tau i ighur sambam ve taan soone, i igharaat nugh tane payam. Ep 1:4

Matayu 25:34 Referans Kwoze

Yakobus 2:5

Yam toŋvetaz, lolog payam kat. Alooŋ. Yes mbolaaŋa to tamtoghon to taan matadi izi padi, nene Maaron isia di tinim le, ve igham di tighur ila toni ariaŋa. Tauto izadi pa ghamuuŋ nepooŋ poia toman Maaron izi ndug toni sambam. Ndug tonowen, ye imbua saveeŋ pa yes to lolodi pani ne, ighaze ye pale igham di tila tineep pani. Lu 6:20; 1Kor 1:26+

Saveeŋ Yoŋgaaŋ 21:7

Tamtoghon to ighaze iyoon ariaŋa ve ilib pa tovaaŋ, ye pale iza pa igham mbeb popoia naol to nasavia di ne. Ve you pale nanim Maaron toni, ve ye inim natug. 2Kor 6:18; Hib 8:10

Saveeŋ Yoŋgaaŋ 13:8

Ve ival tiina to taan tiput aghedi pa mbeb tonenen ve tipaiti. Nene yes to izadi ineep ila rau to nepooŋ mataad yaryaara maau. Rau tonowen, Sipsip to Maaron to tirabi imaat, iŋgini. Muuŋ kat, sawa to Maaron ighur sambam ve taan sone, ye imbood tamtoghon toni izadi ila rau tonenen pataghaaŋ wa. Lu 10:20; Ep 1:4; Syg 17:8, 20:12+

Matayu 20:23

Yakobus ve Yoan tipamuul aliŋa tighaze: “Vee, yeru irau nighun ila.” Tovenen Yesu isaav padi muul ighaze: “Onoon, rubruub tiou, yamru pale aghun ila paam. Eemoghon mbeb to aghason ghou pani, you naŋgini maau. Nene ineep to Tamaŋ Maaron. Sei to pale ineep ila pa nimag waan, ve sei ineep ila pa nimag ŋas, nene ye tau ighur di pataghaaŋ wa.”

Saveeŋ Yoŋgaaŋ 17:8

Mbeb samia to yom ughita ne, muuŋ ye ineep. Ve aazne, ineep maau. Eemoghon mala maau pale iza muul pa saambu to le pughu maau. Ve ineep ris, ghoro Maaron iwaghamuni ve ilale. Muuŋ kat, sawa to Maaron ighur sambam ve taan sone, timbood tamtoghon toni izadi ila rau to nepooŋ mataad yaryaara wa. Tamtoghon tisob to izadi ineep ila rau tonowen maau, yes pale tighita mbeb samia ve ruŋadi iza pani. Pasa, muuŋ, ye ineep. Ve aazne ineep maau. Eemoghon muri pale ivot muul. Dan 12:1; Syg 13:1+

Hibru 4:3

Aazne, iit tamtoghon to taghur ila to Krisi, tauto ye igham ghiit ateed izi. Ve yes to tighur ila maau ne, irau atedi izi maau. Pasa, Maaron isaav ighaze: Mt 11:28 “You nasaav ariaŋa padi toman ateg yabyab, ve napariaaŋ saveeŋ tiou naghaze: ‘Onoon kat. Ndug to naghaze atedi izi pani, yes irau tilooŋ tila maau. Maau le maau kat!’ ” Mbo 95:11; Hib 3:11 Eemoghon sawa to ye igham ghiit ateed izi, nene inepneep sone. Pasa, muuŋ kat, sawa to Maaron ighur sambam ve taan, ye ipasob uraat toni le isob. Ve aazne, ye inamnaam ghiit.

Lukas 12:32

Yesu isaav muul ighaze: “O yam sipsip to Maaron, onoon yam ival maau. Eemoghon amatughez malep. Pasa, Tamamim Maaron lolo poia payam, ve ighaze igham gham aneep ila pooz toni lolo leso aghita anoŋa toni. Mt 25:34; Lu 22:29+

Hibru 11:16

Eemoghon maau. Pasa, ŋgar todi iyaryaaŋ pa ndug ite to poia kat ilib pa ndug to tipuli. Ndug tonowen ineep izi sambam. Tauto sawa to tipoi Maaron tighaze ye Maaron todi, ye maya pa saveeŋ todi tonowen maau. Pasa, ndug to tighur matadi pani, ye ighuri padi pataghaaŋ ve isasaŋan di. Pil 3:20; Hib 13:14

1 Korin 15:50

Yam toŋvetaz, you nasaav payam tovene: Anoŋaad to taan, nene irau igham nepooŋ to ndug sambam maau. Pasa, mbeb to ndug sambam irau tisami maau. Tovenen mbeb to isamsami inimale anoŋaad to taan, nene irau igham nepooŋ to ndug tonowen maau. Maaron igham leed anoŋaad papaghu, ghoro iit irau tagham nepooŋ tonowen. Yo 3:5+

Matayu 25:41

“Isavsaav padi le isob, ghoro itoora mata ila pa yes to tiyondyood ila pa nima ŋas, ve isaav padi ighaze: ‘Yam ndiran samsamiamim kat. Tamaŋ Maaron mbalmbali toni pale iza tiam. Aghau payou, ve azila yab. Yab tonowen, tigharaata pa Sadan toman aŋela toni, ve ighanghan irau sawa isob. Irau imaat maau. Mt 7:23; Syg 20:10

Saveeŋ Yoŋgaaŋ 19:16

Ŋgeu tonenen, timbood iza ila nonogiiŋa toni ve ila ŋgoi paam tovene: ‘Kinik To Ilib pa Kinik Tisob, ve Maaron Tiina To Ilib Pa Ndimaronŋa Tisob.’ 1Tim 6:15; Syg 17:14

1 Korin 2:9

Ŋgar yoŋgaaŋ to Maaron to nisasavia ne, timbood saveeŋa pataghaaŋ tighaze: “Maaron igharaat mbeb popoiadi naol pa yes to lolodi ineep toni. Mbeb tonowen, ite kat. Tamtoghon eta ighita di pa mata, ma ilooŋ varudi pa taliŋa sone. Ve tamtoghon eta irau igham ŋgar padi paam maau.” Is 64:4; Yer 3:16

Matayu 25:21

“Tiina toni isaav pani ighaze: ‘Iya! Yom mbesooŋa poiawaat! Pasa, yom utaghon ŋgar tiou ve uŋgin poian mbeb kainaŋen to napuli ilat nimam, ve ugham uraata. Tovenen you pale naghur ghom pa uŋgin uraat tintina pida. Unum uneep toman ghou ve itiŋa tiniid iza.’ Mt 24:45+; Lu 16:10; 1Kor 4:2

Matayu 19:29

Ve tamtoghon tisob to tigham ŋgar pa you izag, ve tipul ruum todi, toŋvetaz todi, nditamandi ve nditinandi, ndinatudi, ma uum todi, nene pale poia tiina to Maaron iza todi, le iyat mulin mbeb tisob to tipul di, irau tamoot liim (100). Ve yes pale tineep matadi iyaryaar le alok. Hib 10:34

Matayu 13:35

Tovenen Maaron aliŋa to propet eez ivotia, anoŋa ivot. Isaav tovene: Avog pale ikaak, ve nasavia saveeŋ palelaaŋ. Ŋgar pida to tiyooŋ indeeŋ sawa to Maaron ighur sambam ve taan, ve inim imuul aazne, you pale nasavia di tivot tighazooŋ. Mbo 78:2

1 Petrus 3:9

Ighaze tamtoghon tigham samin gham, ayati malep. Ve ighaze tipiyaav saveeŋ samia payam ve tiveleg gham, yam apamuul saveeŋ todi malep. Yam irau agham poian di, ve aghason Maaron pa ighur poia toni iza todi. Pasa, ye ipoi gham anim le, leso ataghon ŋgar tovene. Ighaze agham tovene, nene pale poia toni iza tiam paam. Mt 5:44; Ro 12:14; 1Tes 5:15

2 Timoti 2:12

Ve ighaze tayoon ariaŋa ve tambaad pataŋani pa ye iza, nene pale itiŋa Krisi tagham pooz. Ro 8:17; 1Pe 4:13 Eemoghon ighaze tapul muriid pani ve tapesamun iza, ye pale ipul muri pait, ve ipesamun izaad paam. Mt 10:33

Galesia 5:21

lolood igham pa mbeb to nditaad, taghun le tasami, itiŋa nditaad talup ghiit ve tagham ŋgar samsamia naol toman oroor tiina, ve ŋgar samsamia pida paam. Saveeŋ to muuŋ nasavia payam, tauto aazne nasavia muul: Ndiran to titaghon ŋgar tovene, yes irau tigham nepooŋ poia izi Maaron ndug toni maau. Pasa, yes titaghon pooz toni maau. 1Kor 6:9; Syg 22:15

1 Korin 6:9

Yam awatag maau? Ighaze tamtoghon eta ighamgham ŋgar to deŋia maau, ye irau itaghon Maaron pooz toni ve ilooŋ ila ndug toni ne maau. Tovenen agham kaarom pa taumim malep. Yes to matadi samia tinimale ŋgavuun, yes to timbesmbees pa maaron kaaromŋa, yes to tighurghur maat, nditamoot to timomogheer pa nditadi nditamoot pida,

Lukas 19:38

“Ŋgeu tonene, ye kinik to inim pa Ŋgeu Tiina iza. Poia to Maaron pale iza toni, ve ipaloti! Mbo 118:26 Aazne, ŋgar luuma ivot, ve koi ineep ila itiŋa Maaron to sambam sosood muul maau. Tapait Maaron to ineep sala le sala kat ne iza pa tapiri ve poia toni.” Lu 2:14; Ro 5:1; Ep 2:14

Matayu 5:19

Tovenen ighaze tamtoghon eta mata velegin tutuuŋ waaro rita, ve isaav pa tamtoghon pida leso tigham tovene paam, nene pale tighita tighaze ye ŋgeu sorok kat izi ndug sambam. Ve tamtoghon to ighaze itaghon katin tutuuŋ tisob, ve ipatoot tamtoghon padi, nene pale tighita tighaze ye iza tiina kat izi ndug sambam. Yems 2:10

Matayu 3:2

“Apul ŋgar tiam samsamia, ve atoor ŋgar tiam imuul ila pa Maaron! Pasa, mala maau pale pooz to ndug sambam ivot ighazooŋ.” Mt 4:17; Mbaŋ 2:38

Saveeŋ Yoŋgaaŋ 5:10

Yom ugham di tisob tinim Maaron le. Leso tineep ila pooz toni samba, ve timbees pani tinimale ndiran to watooŋrau. Ve yes pale tigham pooz izi taan.” Igham 19:6; 1Pe 2:9; Syg 1:6

1 Petrus 1:9

Pasa, yam aghur ila to Krisi aghaze ye pale igham mulin gham ve aneep pooi. Ve aazne, aghitghita ghurla tiam anoŋa pida tivotvot. Ro 6:22

Hibru 9:26

Ve inimale ye itaghon ŋgar to daba to watooŋrau to taan titaghoni, tone sawa to Maaron ighur sambam ve taan ve inim, ye ighamgham yabyabuuŋ ve mateeŋ. Eemoghon maau. Aazne, nene sawa to Maaron ipasob uraat toni. Tauto Krisi izi inim taan, ve iyokia tau ve imaat, leso ireu sosor toit ve ipasob samia tapiri. Ve uraat tonenen, ye ighami pa ee moghon ve isob. Irau ighami muul maau. Hib 7:27; 1Pe 3:18

2 Timoti 4:8

Tovenen atia poia to yes to tiparab ariaŋa le tilib, tauto isasaŋan ghou. Atia tonowen, nene vene: Sawa to Mboŋ Muri, Tiina toit to gabizooŋ toni deŋia moghon, ye pale ighita ghou ighaze you ŋgeu deŋiag. Ve you moghon maau. Tamtoghon tisob to lolodi pani, ve tighaze le tighita mulaaŋ toni, nene ye pale igham ŋgar raraate moghon padi. Yems 1:12; 1Pe 5:4; Syg 2:10

1 Tesalonika 2:12

Pasa, yei nipalot gham, leso ayoon tuŋia. Ve sawa to pataŋani igham gham, yei nirab atemim. Ve avomai iyaryaaŋ payam nighaze: Maaron igham poian gham, ve ipoi gham pa aneep ila pooz toni lolo. Leso muri aneep ila ŋguruba lolo izi ndug sambam. Tovenen yam irau ataghon ŋgar to Maaron lolo pani, ghoro laghooŋ tiam deŋia pa poia toni tiina to iza tiam. Ep 4:1; Pil 1:27; Kol 1:10

Rau Tau Paulus Iboode Pa Yes Roma Rom--Romans 8:17

Ighaze iit Maaron ndinatu, nene izaad pa ghamuuŋ mbeb popoiadi naol to Tamaan Maaron ighaze irei di pa tamtoghon toni. Ve iit moghon maau. Itiŋa Krisi pale tagham mbeb tonowen. Eemoghon iit irau tambaad pataŋani pa Krisi iza, ghoro muri itiŋa Krisi taneep poia ila ŋguruba lolo izi ndug sambam. Ga 3:29, 4:7; Pil 1:29; Syg 21:7

Uraat To Yes Mbaŋooŋa 15:18

Saveeŋ tonene, nene Maaron aliŋa. Ye tau ivotia alok wa.’ ” Is 45:21

Uraat To Yes Mbaŋooŋa 3:26

“Tovenen aghita. Sawa to Maaron ighur uraat ila mbesooŋa toni Yesu nima, ye imbaaŋa ilat tiam muuŋ. Leso igham gham atoor ŋgar tiam, ve yam eŋaeŋa asob apul ŋgar tiam samsamia, ve poia toni iza tiam.” Mbaŋ 13:46, 22:21; Ro 1:16

Yoan 19:15

Eemoghon timboob ila pani tighaze: “Maau. Ŋgeu tonanan ineep malep! Ughami ila, ve urabi imaat. Urabi izala ai pambarooŋ!” Tovenen Piladus ighason di muul ighaze: “Lolomim vena? Aghaze you narab kinik tiam tonene izala ai pambarooŋ?” Yes daba to watooŋrau tipamuul aliŋa tighaze: “Yei lemai kinik ite paam maau. Kinik tiina to Rom, ye moghon to kinik tiei.”

Yoan 12:13

Tovenen tigham mbeb inimale napatolo raua, ve tivot tila tighaze tighita. Sawa to tighita, tipamundigin bobaaŋ, ve tipait iza tighaze: “Hosana! Tapakur Maaron toit! Poia to Maaron pale iza to ŋgeu tonene. Pasa, ye inim pa Ŋgeu Tiina iza, ve ye kinik to iit Israela!” Mbo 118:25+

Yoan 1:49

Natanael ilooŋ saveeŋ tonene, ve ighaze: “Rabi, yom Maaron Natu. Yom moghon to kinik to Israel.” Mt 2:2, 16:16, 27:42; Yo 12:13

Lukas 11:28

Yesu ipamuul aliŋa ighaze: “Saveeŋ tiom poia. Eemoghon yes to tilooŋ Maaron aliŋa ve titaghoni, nene pale tinidi iza kat pa poia to Maaron to iza todi.” Mt 7:21; Lu 8:15; Yo 14:21; Yems 1:25

Markus 10:40

Eemoghon mbeb to yamru aghason ghou pani ne, you naŋgini maau. Nene ineep to Tamaŋ Maaron. Sei to pale ineep ila pa nimag waan, ve sei to pale ineep ila pa nimag ŋas, nene ye tau ighur di pataghaaŋ wa.”

Matayu 27:37

Tigham ndiu suruvu to timbood mateeŋ toni pughu ila, ve tirabi izala ai pambarooŋ toni daba. Paesiiŋ tonowen isaav tovene: “Nene Yesu, kinik to yes Yuda.”

Matayu 25:23

“Tiina toni isaav pani ighaze: ‘Iya! Yom mbesooŋa poiawaat! Pasa, yom uŋgin poian mbeb kainaŋen to naghuri ilat nimam, ve ugham uraata. Tovenen you pale naghur ghom pa uŋgin uraat tintina pida. Unum uneep toman ghou ve itiŋa tiniid iza.’

Matayu 21:5

“Asaav pa tamtoghon to Zion aghaze: ‘Aghita kinik tiam to ilat. Ye ŋgeu luuma, ve itatan tau iza. Tauto mbole izala esele ve ilat. Mbole izala esele paghu eez ve ilat.’ ” Is 62:11; Sek 9:9

Epesus 5:5

Ve alooŋ. Ighaze tamtoghon eta ighurghur maat, ma mata samia inimale ŋgavuun, ma mata mbeb, nene ye ineep ilooŋ ila pooz to Krisi maau, ve iza pa ghamuuŋ nepooŋ poia izi Maaron ndug toni maau. Pasa, ŋgar tovene, nene inimale tambees pa maaron kaarom. 1Kor 6:9+; Syg 21:8

Matayu 25:40

“Ve kinik pale ipamuul aliŋadi ighaze: ‘You nasaav payam kat tovene: Sa ŋgar poia to muuŋ yam agham pa nditazig, you naghita naghaze yam agham payou paam. Yes to izadi maau kat ne paam. Ighaze muuŋ auul todi eta, you naghita naghaze yam agham ŋgar tonenen payou paam.’ Mt 10:42; Mk 9:41; Hib 6:10

Markus 10:17

Yesu ighaze ipamundigin laghooŋ toni muul. Eemoghon ŋgeu eez ilaan iŋarua ila, iput aghe izi Yesu nagho, ve ighasoni ighaze: “Patoŋaaŋ, yom poiam. Pale nagham vena, leso nagham nepooŋ poia ila to Maaron, ve naneep matag iyaryaar le alok?” Mbaŋ 16:30

Lukas 11:50

Tovenen atia to pale iza to tamtoghon to aazne, nene pale tiina kat. Pasa, propeta tisob to tamtoghon tirab di timatmaat, siŋ todi atia pale iza to tamtoghon to aazne. You nasaav payam kat. Sawa to Maaron ighur sambam ve taan, inim mateeŋ to Abel, ve itaghoni taghoni inim le mateeŋ to propet Sakaria to ineep ila Rumai Tiina lolo igharau artaal ve tirabi imaat ne, tamtoghon to aazne siŋ todi pale imaliŋ inimale yatuuŋ siŋ to yes tisob tonowen. Mbnp 4:8; 2Sto 24:20+

Yoan 17:24

“Tamaŋ, yes to yom ugham di tinim leg, you naghaze tinim tineep toman ghou izi ndug tiou, ve tighita katin ŋgurubag, toman tapirig ve poia tiou. Sawa to yom ughur mbeb eta ivot sone ve inim, yom lolom payou. Tauto ugham ghou naneep toman ŋgurubag ve tapirig tiina, ve izag tiina. Yo 12:26; 1Tes 4:17

Hibru 1:14

Pasa, aŋela, yes mbesooŋa to Maaron. Ye imbaŋbaaŋ di pa tiuul yes to ye ighaze igham mulin di. Mbo 34:7, 91:11, 103:20; Mbaŋ 12:7