Matayu 22:43 - Mutu (Oov)

⁴³ Tovenen Yesu ighason di muul: “Ighaze venen, pughu vena to Maaron Avuvu ipamundigin David, ve ye iwaat Mesia ighaze ‘Tiina toni’? Mbaŋ 2:30+

Maaron Saveeŋ Tooni Patabuyaaŋ Tuam

⁴³ Tauvene Yesu ighason zi muul: “Ighe tauvene, puughu mindai ta Maaron Avuvu ipaburigin David, ve i iwaat Mesia ighe ‘Tiina tooni’? Mbaŋ 2:30+

Matayu 22:43 Referans Kwoze

Saveeŋ Yoŋgaaŋ 4:2

Rikia moghon Maaron Avuvu tapiri iza tiou, ve naghita Maaron ina to ghamuuŋ pooz iyoon izi ndug sambam, ve Ŋgeu eez inepneep ila. Mbo 47:8; Is 6:1

Saveeŋ Yoŋgaaŋ 1:10

Sawa patabuaŋ eez to Tiina toit, you nasuŋsuŋ, ve Maaron Avuvu tapiri iza tiou. Ghoro nalooŋ bobaaŋ eez inim pa murig. Avolutu tiina inimale tavuur itaŋ. Igham 19:16,19-20

2 Petrus 1:21

Pasa, propet eta itaghon tau lolo ve isavia saveeŋ tonowen maau. Avuvu Patabuaŋ ipamundigin tamtoghon ve igham pooz padi, tauto tisavia. 2Tim 3:16; 1Pe 1:10+

Hibru 3:7

Tovenen alooŋ saveeŋ to Avuvu Patabuaŋ ivotia pait. Ighaze: “Aazne, ighaze yam alooŋ Maaron aliŋa, apoon lolomim pani malep. Ve atoov Maaron ve azoora inimale muuŋ nditimbumim tighami izi ndug balim malep.

Uraat To Yes Mbaŋooŋa 1:16

“Yam toŋvetaz, muuŋ, Avuvu Patabuaŋ ipamundigin kinik David ve ivotia Maaron aliŋa to iŋarua mbeb to ivot pa Yudas. Saveeŋa ineep ila Maaron aliŋa to timbooda, ve aazne anoŋa ivot wa. Pasa, Maaron aliŋa isob pale ighur anoŋa ivot itaghon ye tau ŋgar toni. Yam awatag: Yesu igham Yudas inim taghoniiŋa toni, ve itiŋa taluplup ghiit ve tambesmbees pa uraat to Maaron. Eemoghon muri, Yudas ilaagh toman Yesu koia, ve ipatooŋ di pani, tauto tikisi. Mbo 41:9

Markus 12:36

‘Maaron isaav pa Tiina tiou ighaze: “Unum mbolem izi ila pa nimag waan, le irau natatan koiamŋa ve tapiridi isob kat, ve uvazag di ila aghem samba.” ’ Mbo 110:1; Mbaŋ 2:34+; 1Kor 15:25; Hib 1:13

1 Korin 12:3

Tovenen you naghaze nasaav ghazooŋa payam tovene: Tamtoghon to Maaron Avuvu igham pooz pani, ye irau ipiyaav saveeŋ samia iŋarua Yesu maau. Ve tamtoghon eta irau isaav sorok ighaze: “Yesu, ye Tiina” ne maau. Maaron Avuvu igham pooz pani, ghoro isaav tovene toman lolo. Mt 16:17; 1Yo 4:2+